Gujarati News

Gujarati News

News of Tuesday, 24th April 2018

શિક્ષણ બોર્ડની ઘોર બેદરકારી

ગતિશીલ શિક્ષણ બોર્ડઃ ગઇકાલે ગુજકેટની પરીક્ષા પતી... આજે હોલ ટીકીટ મળી

પોસ્ટ ઓફીસ વિભાગ કે શિક્ષણ બોર્ડની ધીમી ગતી જવાબદાર?

રાજકોટ, તા., ર૪: ગુજરાત રાજય શિક્ષણ બોર્ડ તેના છબરડા માટે ખુબ જાણીતું છે ગઇકાલે ઇજનેરી અભ્યાસક્રમમાં પ્રવેશ યોગ્યતા માટે લેવાતી ગુજકેટની પરીક્ષામાં રાજકોટના એક વિદ્યાર્થીને અપાતી હોલ ટીકીટ પરીક્ષા પુર્ણ થયાના ર૪ કલાક બાદ મળી છે.

જાણવા મળતી વિગતો મુજબ ગુજકેટની પરીક્ષા ગઇકાલે યોજાઇ હતી. વિદ્યાર્થીઓ ગુજકેટની મહત્વની પરીક્ષા આપવા ખુબ ઉત્સુક હોય છે. પરીક્ષાની તૈયારીમાં પ્રવૃત  વિદ્યાર્થી હોલ ટીકીટ ન મળતા ભારે હાલાકી ભોગવી હતી. વિદ્યાર્થીનું ધ્યાન પરીક્ષાની તૈયારી કરતા પરીક્ષાખંડમાં ઓળખકાર્ડ ન મળવાને પગલે હતી. ગઇકાલે ગુજકેટની પરીક્ષા પુર્ણ થયા બાદ આજે સવારે પોસ્ટ દ્વારા રાજકોટના વિદ્યાર્થીને આ હોલ ટીકીટ મળતા વિદ્યાર્થી અને તેનો પરીવાર સફાળો અચરજમાં મુકાઇ ગયો છે.

ગતિશિલ ગુજરાતના કહેવાતા  પુરપાટ દોડતા શિક્ષણ વિભાગની ઘોર બેદરકારી છતી થઇ છે. વિદ્યાર્ર્થીને હોલ ટીકીટ મોડી મળવા બાબતે શિક્ષણ બોર્ડ જવાબદાર કે પોસ્ટ ખાતું? તે હાલ ચર્ચાનો વિષય બન્યો છે.

(4:19 pm IST)
  • અહો આશ્ચર્યમ ;ડોનાલ્ડ ટ્રમ્પએ ઉત્તર કોરિયાના શાસક કિમ જોંગની કર્યા વખાણ :ટ્રમ્પએ કહ્યું કિમ અત્યંત આદરણીય વ્યક્તિ છે ;તેઓ બન્ને વચ્ચે વહેલીતકે બેઠક યોજાશે.:અમેરિકા કિમ જોંગની ક્રૂરતા અને છેતરપિંડી માટે લાંબા સમય માટે ટીકા કરી રહ્યું છે,તેવામાં અમેરિકન રાષ્ટ્રપતિ ટ્રમ્પએ ઉત્તર કોરિયાના નેતાની પ્રશંસા કરતા આશ્ચર્ય ફેલાયું છે access_time 1:29 am IST

  • મહારાષ્ટ્રના ગઢચિરોલીમાં સુરક્ષા દળોએ વધુ 6 નક્સલવાદીઓને ફૂંકી માર્યા : અગાઉ રવિવારના રોજ કર્ણાસુર જંગલમાં સુરક્ષાદળોએ 16 નકસલવાદીઓને ઠાર કર્યા હતા : છેલ્લા 48 કલાકમાં, સુરક્ષા દળોએ 22 નક્સલવાદીઓને મારી નાખ્યા છે:સોમવારે અહારી તાલુકાના રાજારામ ખલ્લા ગામમાં છ માઓવાદીઓને પથ્થરોથી પથ્થરમારો કરવામાં આવ્યો હતો. access_time 1:23 am IST

  • પાટણનાં મીઠીધારીયાલ ગામ પાસે જીપનો થયો ભયંકર અકસ્માત : અકસ્માતમાં ત્રણ લોકોના મોત : ઘણા લોકો ઘાયલ થયા હોવાનું પ્રાથમિક જાણવા મળી રહ્યું છે. access_time 8:43 pm IST