Gujarati News

Gujarati News

News of Tuesday, 24th April 2018

આજીડેમ નજીક રોડ ક્રોસ કરતી વખતે યુ.પીના રામલખનનુ વાહનની ઠોકરે મોત

રાજકોટ તા.૨૪: દૂધસાગર રોડના છેડે ગ્રીનલેન્ડ ચોકડી તરફ રોડ ક્રોસ કરતી વખતે અજાણ્યા વાહનના ચાલકે ઠોકર મારતા યુપીના યુવાનનું મોત નિપજ્યુ છે.

મળતી વિગત મુજબ માજોઠીનગરમાં ભાડે રહેતા અને યુપીના વતની રામલખન બંગાળીભાઇ રાજભર (ઉ.વ.૩૬) છેલ્લા ઘણા સમયથી દૂધસાગર રોડ પર આવેલ એચ.જે. સ્ટીલ નામની ફેકટરીમાં કોન્ટ્રાકટ પર વેલ્ડર તરીકે નોકરી કરતા હોઇ, તેથી ગઇ કાલે ફેકટરીએથી નીકળી દૂધ સાગર રોડના છેડે ગ્રીનલેન્ડ ચોકડી તરફ ચાલીને જતા હતા ત્યારે રોડ ક્રોસ કરતા કોઇ અજાણ્યા વાહનના ચાલકે તેને ઠોકર મારતા તેને ઇજા થઇ હતી. બનાવ બનતા આસપાસના લોકો એકઠા થઇ ગયા હતા. અને તેને ૧૦૮ મારફતે સારવાર માટે સિવિલ હોસ્પિટલમાં ખસેડાયા હતા. ત્યાં તેનું સારવાર દરમ્યાન મોત નિપજ્યુ હતું. આ અંગે આજીડેમ પોલીસ મથકના પીએસઆઇ આર.બી વાઘેલા તથા રાઇટર જેન્તીભાઇએ ફેકટરીના સુપરવાઇઝર કૌશિકભાઇ પરમારની ફરિયાદ પરથી અજાણ્યા વાહનના ચાલક વિરૂધ્ધ ગુનો દાખલ કરી તપાસ આદરી છે.

(4:05 pm IST)
  • દિલ્હીનો ખૂંખાર માફિયા ઠાર : નવી દિલ્હી નજીક નોઇડા ખાતે ખૂંખાર માફિયા બલરાજ ભટ્ટી એસટીએફ સાથેનાં એન્કાઉન્ટરમાં ઠાર મરાયો છે access_time 9:59 pm IST

  • રાજકોટ ના જયુબેલી પમ્પીંગ સ્ટેશન પાસે અચાનક ક્લોરીન ગેસ લીકેજ થયો : આસપાસનાં વિસ્તારના લોકોમાં મચી અફરાતફરી : ફાયરબ્રિગેડની તમે સ્થળ પર પહોચીને સ્થિતી પર કાબુ મેળવ્યો access_time 1:30 pm IST

  • ગુજરાતમાં પોતાના નેટવર્કમાં જબ્બર વધારો કરવા એરટેલ સાબદું:એરટેલે આજે ગુજરાતમાં તેના નેટવર્કના એકસપાન્સન માટે મેજર પ્લાન જાહેર કર્યા છે.: ગુજરાતમાં ૯ હજાર નવી સાઇટ અને ૨૦૦૦ કિ.મી.ની ફાઇબર ઓપ્ટિક લાઈન આ વર્ષમાં પાથરવામાં આવશે access_time 10:01 pm IST