Gujarati News

Gujarati News

News of Tuesday, 24th April 2018

રંગીલા રાજકોટમાં વિવિધ સ્થળે રાત્રી બજાર ધમધમશે :કમિશનર બંછાનીધી પાનીનો નિર્ણય

ડો. દસ્તુર માર્ગનો ૧૦૦ મીટરનો વિસ્તાર રાત્રી બજાર તરીકે જાહેર

રાજકોટ:રંગીલા શહેર તરીકે જાણીતા રાજકોટમાં પુન રાત્રી બજાર ધમધમશે રાજકોટવાસીઓ માટે કહેવાય છે કે, તેઓ હરવા ફરવા અને જમવાના શોખીન છે.રાજકોટમાં ભૂતકાળમાં એક રાત્રી બજાર કાર્યરત્ત હતી. લાંબા સમયથી લાંબા સમયથી રાજકોટમાં આવી કોઈ ઓર્ગેનાઈઝ્ડ રાત્રી ફૂડ બજાર ન્હોતી પરંતુ મહાનગરપાલિકાનાં પ્રયાસથી હવે નાગરિકોને આ સુવિધા પ્રાપ્ત થશે. સાથોસાથ રાજકોટમાં ફૂડનાં ધંધાર્થીઓને પરવાના સાથે વ્યવસાય અને રોજગારીની ઉત્તમ તક પણ મળી શકશે,તેમ મ્યુની. કમિશનર બંછાનિધિ પાનીએ જણાવ્યું હતું.

   તેમણે આ સુવિધા વિષે વાત કરતા જણાવ્યું હતું કે, રાજકોટ શહેરના હોકર્સને રોજગારી મળી રહે તેમજ શહેરીજનોને ઓર્ગેનાઇઝડ ફુડ બઝારની સુવિધા મળે તે હેતુથી રાજકોટ મહાનગરપાલિકા દ્વારા હાલ ડો. દસ્તુર માર્ગનો ૧૦૦ મીટરનો વિસ્તાર રાત્રી બજાર તરીકે જાહેર કરાયેલ છે ભવિષ્માં શહેરમાં વિવિધ સ્થળોએ પણ આનુસાંગિક બાબતોનો અભ્યાસ કર્યા બાદ રાત્રી બજારો શરૂ કરવાનું નિયત કરવામાં આવશે. દરમ્યાન ડો. દસ્તુર માર્ગ પરની રાત્રી બજાર ખાતે ફકત ફુડ ટ્રક અને ફુડ વેનને  જ  મંજુરી આપવામાં આવશે. આ ફુડ બઝાર ખાતેના વ્યવસાયિકોને રાત્રીના ૭ કલાકથી ૧૧. કલાક સુધી જ વ્યવસાય કરવાની મંજુરી આપવામાં આવશે.

 

(2:05 pm IST)
  • ગુજરાતમાં પોતાના નેટવર્કમાં જબ્બર વધારો કરવા એરટેલ સાબદું:એરટેલે આજે ગુજરાતમાં તેના નેટવર્કના એકસપાન્સન માટે મેજર પ્લાન જાહેર કર્યા છે.: ગુજરાતમાં ૯ હજાર નવી સાઇટ અને ૨૦૦૦ કિ.મી.ની ફાઇબર ઓપ્ટિક લાઈન આ વર્ષમાં પાથરવામાં આવશે access_time 10:01 pm IST

  • અહો આશ્ચર્યમ ;ડોનાલ્ડ ટ્રમ્પએ ઉત્તર કોરિયાના શાસક કિમ જોંગની કર્યા વખાણ :ટ્રમ્પએ કહ્યું કિમ અત્યંત આદરણીય વ્યક્તિ છે ;તેઓ બન્ને વચ્ચે વહેલીતકે બેઠક યોજાશે.:અમેરિકા કિમ જોંગની ક્રૂરતા અને છેતરપિંડી માટે લાંબા સમય માટે ટીકા કરી રહ્યું છે,તેવામાં અમેરિકન રાષ્ટ્રપતિ ટ્રમ્પએ ઉત્તર કોરિયાના નેતાની પ્રશંસા કરતા આશ્ચર્ય ફેલાયું છે access_time 1:29 am IST

  • અમરેલી:બીટ કોઈન મામલે એસ.પી.જગદીશ પટેલની ધરપકડ બાદ જીલ્લાની મુખ્ય બે બ્રાન્ચનુ વિસર્જન:એસ.ઓ.જી.બ્રાન્ચ ના 11 પોલીસ કર્મીને અન્ય પોલીસ સ્ટેશનમા કરાઇ બદલી: એલ.સી.બી ના 15 પોલીસ કર્મીના પરત અન્ય પોલીસ સ્ટેશનમા બદલી કરાઈ : ઇન્ચાર્જ એસ.પી.બી.એમ.દેસાઈએ કર્યા ઓડર access_time 1:13 am IST