Gujarati News

Gujarati News

News of Tuesday, 24th April 2018

સોરઠીયા પ્લોટમાં દિવાબત્તી કરતી વખતે દાઝી ગયેલા ૯૨ વર્ષના મોંઘીબેન સાગઠીયાનું મોત

રાજકોટ તા. ૨૪: જીલ્લા ગાર્ડન નજીક સોરઠીયા પ્લોટ-૩માં રહેતાં મોંઘીબેન કાનજીભાઇ સાગઠીયા (ઉ.૯૨) નામના વણકર વૃધ્ધા તા.૬ના રોજ ઘરે દાઝી જતાં લોટસ હોસ્પિટલમાં અને ત્યાંથી સિવિલ હોસ્પિટલમાં ખસેડાયા હતાં. પરંતુ અહિ આજે વહેલી સવારે મોત નિપજતાં પરિવારમાં શોક છવાઇ ગયો હતો.

હોસ્પિટલ ચોકીના એએસઆઇ થોભણભાઇ ટીલાળા અને દિપસિંહ ચોૈહાણે એ-ડિવીઝનમાં જાણ કરી હતી. મૃત્યુ પામનાર મોંઘીબેન ઘરમાં સંધ્યા ટાણે દિવાબત્તી કરતાં હતાં ત્યારે દિવો સાડી પર પડતાં ભડકો થતાં દાઝી ગયાનું પરિવારજનોએ કહ્યું હતું. તેમને સંતાનમાં ચાર પુત્ર અને ત્રણ પુત્રી છે.

(11:32 am IST)
  • કેનેડાના ટોરોન્ટોમાં પગપાળા જતા લોકોને વાને હડફેટે લેતા 10 લોકો ઘાયલ : આ અકસ્માત ફિન્ચ એવન્યુની યૉંગ સ્ટેટમાં થયો હતો: આ ઘટનામાં ઘણાં લોકો ગંભીર રીતે ઘાયલ થયા છે: અકસ્માતને બપોરે 1:30 વાગ્યે થયો હતો : સ્થાનિક પોલીસએ અકસ્માતમાં ઘાયલ થયેલા કેટલા લોકોની પુષ્ટિ કરી નથી. access_time 1:19 am IST

  • દેવભૂમિ દ્વારકાના મીઠાપુરમાં ચાર વર્ષ પહેલા માતા અને તેની બન્ને પુત્રીઓની હત્યામાં, ત્રીપલ મર્ડરના કેસમાં ખંભાળિયા કોર્ટે આરોપી રામજાન ઉર્ફે મનન આમદ સોઢાંને આજીવન કારાવાસની સજા સંભળાવી છે. access_time 8:43 pm IST

  • IPL 2018 : લો સ્કોરિંગ મેચમાં પંજાબનો દિલ્હી સામે ચાર રને વિજય : દિલ્હીની સતત પાંચમી હાર, પંજાબની સતત ચોથી જીત : શ્રેયસ ઐય્યરના 57 રન દિલ્હીને જીતાડી શક્યા નહીં : પંજાબે છેલ્લા બોલે દિલ્હીને 4 રને હરાવ્યું access_time 11:45 pm IST