Gujarati News

Gujarati News

News of Tuesday, 24th April 2018

વ્યાજખોરોની ધમકીથી કંટાળી જઇ વિવેકાનંદનગરના હિરેને ઝેર પીધું

ફોટોગ્રાફર કોળી યુવાને ધંધો શરૂ કરવા દસ ટકા વ્યાજે ૧ લાખ લીધા'તા

રાજકોટ તા. ૨૪: દેવપરા પાસે વિવેકાનંદનગર-૧૨માં રહેતાં હિરેન બાવનભાઇ સોલંકી (ઉ.૨૫) નામના ફોટોગ્રાફર કોળી યુવાને રાત્રીના નવેક વાગ્યે આહિર ચોક નજીક ઝેરી ટીકડીઓ પી લેતાં સિવિલ હોસ્પિટલમાં ખસેડાયો છે. તેણે પોતાને વ્યાજ માટે આહિર અને ભરવાડ શખ્સ ધમકાવતાં હોઇ ગભરાઇને આ પગલું ભર્યાનું કહ્યું હતું.

હિરેન એક બહેનથી મોટો અને કુંવારો છે. તે ફોટોગ્રાફીનું કામ કરે છે અને હાલમાં બીજાના સ્ટુડીયોમાં નોકરી કરે છે. તેના કહેવા મુજબ ઘરનો સ્ટુડીયો શરૂ કરવો હોઇ છએક મહિના પહેલા ભરવાડ તથા આહિર શખ્સ પાસેથી એકાદ લાખની રકમ દસ ટકા વ્યાજે લીધી હતી. પોતે હાલમાં વ્યાજ ભરી શકતો ન હોઇ આ શખ્સો ધમકાવતાં હોવાથી ગભરાઇને દવા પી ગયો હતો. હોસ્પિટલ ચોકીના સ્ટાફે ભકિતનગર પોલીસને જાણ કરી હતી.

(11:32 am IST)
  • દેવભૂમિ દ્વારકાના મીઠાપુરમાં ચાર વર્ષ પહેલા માતા અને તેની બન્ને પુત્રીઓની હત્યામાં, ત્રીપલ મર્ડરના કેસમાં ખંભાળિયા કોર્ટે આરોપી રામજાન ઉર્ફે મનન આમદ સોઢાંને આજીવન કારાવાસની સજા સંભળાવી છે. access_time 8:43 pm IST

  • અમરેલી:બીટ કોઈન મામલે એસ.પી.જગદીશ પટેલની ધરપકડ બાદ જીલ્લાની મુખ્ય બે બ્રાન્ચનુ વિસર્જન:એસ.ઓ.જી.બ્રાન્ચ ના 11 પોલીસ કર્મીને અન્ય પોલીસ સ્ટેશનમા કરાઇ બદલી: એલ.સી.બી ના 15 પોલીસ કર્મીના પરત અન્ય પોલીસ સ્ટેશનમા બદલી કરાઈ : ઇન્ચાર્જ એસ.પી.બી.એમ.દેસાઈએ કર્યા ઓડર access_time 1:13 am IST

  • રાજકોટ આજીડેમમાંથી નારણ સોલંકી નામના શખ્શની લાશ મળી : ફાયરબ્રિગેડની ટીમે લાશને પાણીમાંથી બહાર કાઢી : પોલીસે તપાસ શરુ કરી access_time 11:53 am IST