Gujarati News

Gujarati News

News of Sunday, 24th January 2021

મ.ન.પા.ની આ કેવી નીતિ ? એકને ખોળને બીજાને ગોળઃ એસ્ટ્રોનનો વોંકળો ચોખ્ખોને પરસાણાનો વોંકળો ગંદો !

મ્યુ. કમિશનર સ્થળ મુલાકાત લઇ આ વિસ્તારની તર્ક સમાન ગંદકી દુર કરાવે : આમ આદમી પાર્ટીના કિરણ વાઘેલાની માંગ

તંત્રની બેધારી નીતિની ચાડી ખાતી આ તસ્વીરમાં ગંદકીથી ખદબદતો પરસાણાનગરનો વોંકળો નજરે પડે છે. જ્યારે બાજુની તસ્વીરમાં એસ્ટ્રોનનો ચોખ્ખો ચણાંક વોંકળો દર્શાય છે. (અહીં લાખોના ખર્ચે સાયકલ ટ્રેક બનાવાયો છે.)

રાજકોટ તા. ૨૩ : મ.ન.પા.ના તંત્ર વાહકો એક તરફ શહેરના સર્વાંગી વિકાસની સુફિયાણી વાતો કરી રહ્યા છે ત્યારે બીજી તરફ વોંકળાઓની સફાઇમાં એકને ખોળ અને બીજા ગોળ જેવી નીતિ અખત્યાર કરી રહ્યાના આક્ષેપો સાથે આમ આદમી પાર્ટીના વોર્ડ નં. ૩ના ઉપપ્રમુખ કિરણ વાઘેલાએ ગંદકીથી ખદબદતા પરસાણાનગરના વોંકળાની સફાઇ કરાવવા માંગ ઉઠાવી છે.

તેઓએ ફોટોગ્રાફના આધાર - પુરાવા સાથે તંત્રની બેધારી નીતિનો પર્દાફાશ કરતા જણાવ્યું હતું. શહેરના એસ્ટ્રોન ચોકનો વોંકળો કે જ્યાં સુખી સંપન્ન લોકોના બંગલા છે તેની સ્વચ્છતા માટે તંત્રએ લાખોના ખર્ચે બોકસ ગટર, સાયકલ ટ્રેકની સુવિધા આપી વોંકળાને ચોખ્ખો ચણાંક બનાવ્યો છે. જ્યારે વોર્ડ નં. ૩માં આવેલ પરસાણાનગર જ્યાં વાલ્મીકી સમાજના સફાઇ કામદારો વસવાટ કરે છે. આ વિસ્તારમાં છેલ્લા ઘણા સમયથી વોંકળાની સફાઇ થતી નથી. કોરોના કાળમાં જે સફાઇ કામદારો 'કોરોના વોરિયર્સ' છે તેમના પરિવાર જ્યાં વસવાટ કરે છે તે વિસ્તારમાં સફાઇ થતી નથી, સ્વચ્છ ભારત મીશન જે વડાપ્રધાનશ્રીએ સુત્ર આપ્યું છે, તે સફાઇ કામદારોના વિસ્તારને લાગુ પડતી નથી શું ? સફાઇ કામદારોને ગંદકીમાં રહેવા માટે ફરજ પાડવા મજબુર કરી રહેલ છે આ કોર્પોરેશન, મ્યુનિસિપલ કોર્પોરેશનના અધિકારીઓને આ સફાઇ કામદારના વિસ્તારોથી સુગ ચડી રહી હોય તેવું લાગી રહ્યું છે. આ વોંકળા જે પોલીસ હેડ કવાટર્સમાંથી નીકળી પરસાણાનગર તરફ આવે છે, વોંકળામાં આગળથી બંને સાઇડ દિવાલ કરેલ છે, તે દિવાલ જામનગર રોડના પુલ સુધી છે. જેવો પછાત વિસ્તાર ચાલુ થાય છે ત્યાં બંને સાઇડ ખુલ્લો વોંકળો છે, આ વોંકળામાં ચોમાસામાં લાખા બાપાની વાડી તથા પરસાણાનગરના રહેવાસીઓના ઘરમાં પાણી ઘુસી જાય છે, પછાત વિસ્તાર હોવાથી અહીં કોઇ ધ્યાન આપતું નથી.આ પ્રશ્ન વર્ષો જુનો છે, છતાં કમિશનરશ્રીએ જાતે અહીં આવી તપાસ કરી યોગ્ય કાર્યવાહી કરવી જોઇએ. તેવી માંગ તેઓએ ઉઠાવી છે.

(3:23 pm IST)
  • દેશમાં કોરોના થાક્યો:નવા કેસ કરતા સ્વસ્થ થનારની સંખ્યામાં વધારો:એક્ટિવ કેસના આંકમાં સતત ઘટાડો : રાત્રે 11 વાગ્યા સુધીમાં કોરોનાના નવા 14,198 કેસ નોંધાયા :કુલ કેસની સંખ્યા 1,06,54,744 થઇ :એક્ટિવ કેસ 1,82,205 થયા: વધુ 14,675 દર્દીઓ સ્વસ્થ થતા કુલ 1,03,14 ,738 થયા :વધુ 144 લોકોના મોત સાથે કુલ મૃત્યુઆંક 1,53,365 થયા access_time 12:51 am IST

  • મહારાષ્ટ્ર: નાસિકની છાવણીથી મુંબઇના આઝાદ મેદાનમાં પહોંચ્યા ખેડૂતો : તેઓ દિલ્હીની સરહદ પર ત્રણ કૃષિ કાયદાઓ વિરુદ્ધ આંદોલન કરનારા ખેડૂતોના સમર્થનમાં નાસિકથી મુંબઇ સુધી કૂચ કરી છે. access_time 9:44 pm IST

  • કોરોના રસીનો પ્રતાપ કે નવી નેતાગીરીનો ચમત્કાર ? અમેરિકામાં કોરોના કેસમાં ધીમો ઘટાડો આજે પણ ચાલુ રહ્યો : આજેઅમેરિકામાં પોણા બે લાખથી પણ નીચે નવા કોરોના કેસોનો આંક ચાલ્યો ગયો, સતત ત્રીજા દિવસે બે લાખથી નીચે કેસ રહ્યા, છેલ્લા ૨૪ કલાકમાં યુએસએમાં કોરોનાએ ૩,૫૦૦ના જીવ લીધા: ઈંગ્લેન્ડમાં પણ કોરોનાના નવા ૩૩ હજાર કેસ નોંધાયા અને ૧૪૦૦ ના મૃત્યુ: બ્રાઝિલમાં એકધારા ૬૦ હજાર ઉપર રોજ કેસ નોંધાય છે, આજે ૬૧,૦૦૦ કેસ નોંધાયા: ફ્રાન્સમાં ૨૪ હજાર અને રશિયામાં વીસ હજાર નવા કોરોના કેસ નોંધાયા: ઓસ્ટ્રેલિયામાં ૨૪ કલાકમાં માત્ર ત્રણ નવા કેસ થયા છે: જ્યારે ચીનમાં ૮૦ હોંગકોંગમાં ૮૧ અને યુનાઈટેડ આરબ અમિરાત/દુબઈમાં આજે ૩૫૦૦ નવા કેસ નોંધાયા છે: ભારતમાં ૧૫ હજાર આસપાસના નવા કેસ નોંધાયા, જ્યારે ૧૫૫ મૃત્યુ થયા, સાથોસાથ સોળ હજાર કોરોના દર્દીઓ સાજા પણ થયા છે. access_time 3:52 pm IST