Gujarati News

રાજકોટ, તા., ૨૪ :  ગુજરાત સરકાર દ્વારા રાજ્યકક્ષાના પ્રજાસત્તાક પર્વની ઉજવણી નિમિત્તે રાજકોટમાં આવતીકાલે પ્રજાસત્તાક દિનની પૂર્વ સંધ્યાએ ગવર્નર એટ હોમ નામનો પરંપરાગત કાર્યક્રમ ગાંધી મ્યુઝીયમ જવાહર રોડ ખાતે યોજાનાર છે.

૬૨૫ આમંત્રીતો માટેનો આ કાર્યક્રમ આવતીકાલે સાંજે ૪.૩૦ થી ૫.૧૫ વાગ્યા સુધી યોજાશે. જેમાં રાજ્યપાલ આચાર્ય દેવવ્રત પાંચ મીનીટ માટે સંબોધન કરશે. સાંસદો, ધારાસભ્યો, ઉચ્ચ અધિકારીઓ વિવિધ ક્ષેત્રના મહાનુભાવો વગેરે અપેક્ષિત છે. મહેમાનોને અલ્પાહારમાં અડદીયા, ઢેબરા, કચોરી, ગાંઠીયા, જલેબી, સંભારો વગેરે પીરસાશે. પંકજ ભટ્ટ અને તેમની ટીમ દેશભકિત ગીતોની રમઝટ બોલાવશે. કાર્યક્રમમાં મોબાઈલ ફોન લઈ જવાની મનાઈ છે. એન્ટ્રી ભાભા ગેસ્ટ હાઉસ તરફના દરવાજેથી રહેશે. વાહનોનુ પાર્કિંગ ત્રિકોણ બાગ પાસે આવેલ જીમખાના મેદાનમાં રહેશે.