Gujarati News

Gujarati News

News of Monday, 23rd November 2020

૧ ડીસે.થી શરૂ થનાર સૌરાષ્ટ્ર યુનિવર્સિટીની પરીક્ષા કોરોનાની સ્થિતિમાં મોકુફઃ સાંજે સત્તાવાર જાહેરાત

કુલપતિ ડો. નીતિનભાઈ પેથાણીએ તાકીદની બેઠક બોલાવી સમીક્ષા કરી

રાજકોટ, તા. ૨૩ :. દિવાળીના તહેવારો બાદ કોરોનાના કેસમાં ઉછાળો આવતા શિક્ષણ જગત ફરી ઓનલાઈન થઈ રહ્યુ છે. સૌરાષ્ટ્ર યુનિવર્સિટીની ૧ ડીસેમ્બરથી પરીક્ષા યોજવાની હતી જે હાલ અનિશ્ચિત બની છે.

રાજકોટ સહિત સુરત, અમદાવાદ અને વડોદરા મહાનગરપાલિકા વિસ્તારમાં કોરોનાના કેસમાં ચિંતાજનક વધારો થયો છે ત્યારે સૌરાષ્ટ્ર યુનિવર્સિટીની ૧ ડીસેમ્બરથી શરૂ થનાર વિવિધ વિદ્યાશાખાની ૨૩ પરીક્ષા હાલની સ્થિતિમાં મોકુફ રાખવાની વિચારણા ચાલે છે.

આ અંગે કુલપતિ ડો. નીતિનભાઈ પેથાણીએ જણાવ્યુ છે કે ૧ ડીસેમ્બરથી શરૂ થનારી પરીક્ષામાં ૫૫ હજારથી વધુ પરીક્ષાર્થીઓ પરીક્ષા આપનાર છે. હાલની કોવિડ-૧૯ની સ્થિતિને જોતા પરીક્ષા મોકુફ રાખવાની વિચારણા ચાલી રહી છે. સાંજે મહત્વની બેઠકમાં ચર્ચા વિચારણા અને પરીક્ષા અંગે નિર્ણય થશે. સત્તાવાર જાહેર થશે.

પદવીદાન સમારોહ પણ જે ઓફલાઈન યોજાવાનો હતો તે હવે ઓનલાઈન યોજવાની ગતિવિધિ શરૂ થશે.

(4:25 pm IST)
  • આવતીકાલે વડાપ્રધાન નરેન્દ્રભાઈ મોદી દેશના રાજયોના મુખ્યમંત્રીઓ સાથે કોવિડ મહામારી ઉપર વિડીયો કોન્ફરન્સીંગથી ચર્ચા કરશે access_time 4:04 pm IST

  • હવે મઘ્યપ્રદેશ સરકાર વસૂલશે ગૌટેક્સ :આંગણવાડીમા ઈંડાને બદલે દૂધનું વિતરણ કરાશે : ગૌ ટેક્સથી એકત્ર થયેલી રકમ ગૌ સંરક્ષણ માટે ખર્ચાશે : ગૌ કેબિનેટની પજેલી બેઠકમાં લેવાયો નિર્ણંય access_time 11:53 pm IST

  • દેશમાં કોરોનાનો કહેર યથાવત : કુલ કેસનો આંકડો 91 લાખને પાર પહોંચ્યો : રાત્રે 11 વાગ્યા સુધીમાં કોરોનાના નવા 43,652 કેસ નોંધાયા :કુલ કેસનો આંકડો 91,39,560 થયો :એક્ટીવ કેસ ઘટીને 4,43,125 થયા:વધુ 40, 586 દર્દીઓ સ્વસ્થ થતા કુલ 85,60,625 રિકવર થયા :વધુ 487 લોકોના મોત સાથે કુલ મૃત્યુઆંક 1,33,750 થયો access_time 12:06 am IST