Gujarati News

Gujarati News

News of Monday, 23rd November 2020

રાજમાર્ગો પર બિન અધિકૃત હોર્ડિંગ બેનરો સામે દંડનિય કાર્યવાહી કરોઃ વિપક્ષીનેતા

વિજપોલ અને ટ્રાફિક સર્કલોમાં મંજુરી વગરના હોર્ડિંગ-બેનરો ઉતારી લેવા વશરામભાઇ સાગઠીયાની માંગ

રાજકોટ તા. ર૩ : શહેરમાં રાજમાર્ગો પર ગેરકાયદે લાગેલા હોર્ડિંગ બોર્ડ સામે દંડનિય કાર્યવાહી કરવા વિપક્ષીનેતા વશરામ સાગઠીયાએ મ્યુ.કમિશ્નરને રજુઆત કરી છે.

રજુઆતમાં જણાવાયું છે કે રાજકોટ શહેરના તમામ વોર્ડમાં શાસકપક્ષ દ્વારા શહેરના પોલ અને જાહેર માર્ગ પરના મુખ્ય સંર્કલો પર મુખ્યમંત્રી અને વડાપ્રધાનની તસ્વીરો સાથેના બેનરો અને હોર્ડિંગો લગાવેલા છે તે નિયમાનુસાર છે. કે કેમ તે અંગેની સંપૂર્ણ માહિતી આપવા ત્થા તા.૮/૧૧નો કાર્યક્રમ અંગેના જે વડાપ્રધાનની તસ્વીરો સાથેની હોર્ડિંગો છે તે હજુ હટાવેલ નથી અને શહેરના કયા કયા સર્કલો અને કેટલા પોલ પર મહાનગરપાલિકા દ્વારા મંજુરી અપાયેલ છે. અને મંજુરી અપાવેલ હોય તો તેની માહિતી આપશો કુલ કેટલા સર્કલો પર અને કેટલા પોલ પર કુલ હોર્ડિંગ બેનરોની સંખ્યા જણાવશો.

વધુમાં અગાઉ પણ અનેક વખત શાસકપક્ષ દ્વારા અનઅધિકૃત બેનર્સ હોર્ડિંગ હટાવવામાં જવાબદાર અધિકારી દ્વારા આંખ મિચામણા કરેલ છે હોર્ડિંગ જે કોઇ સંસ્થા કે કોંગ્રેસ દ્વારા જો લગાવવામાં આવે તો તાત્કાલીક હટાવી દઇ ભાજપની ચાપલુસી કરાય છે. અને શહેરમાં લાગેલા હોર્ડિંગ બેનર્સ નુતન વર્ષાભિનંદનની જાહેરાતો સાથેના જો અનઅધિકૃત હોય તો જવાબદાર અધિકારી સામે દંડનીય કાર્યવાહી કરવી જોઇએ.

હાલ શહેરના મુખ્યમાર્ગો પર સીસી કેમેરા કરોડોના ખર્ચે લાગેલા છે તેમાં થુંકનારા માસ્ક વગરના નાગરીકો દંડાઇ છે તો હોર્ડિંગ બેનર્સના મસમોટા જે લગાવેલા છે તે કયારે લાગેલા છે.  કોણે કોણે લગાવેલા છે તેની સંપૂર્ણ તપાસ કરવી ઘટે અને બેનર્સ જે લગાવેલા છે. તે નિયમ વિરૂદ્ધ કુટેજમાં સાબિત થાય તો જવાબદાર અધિકારી પર દંડ કરી દાખલો બેસાડવો જોઇએ. શાસકપક્ષ કે કોઇપણ રાજકીય પક્ષો દ્વારા લાગેલા બેનર્સ હોર્ડિંગની નીતી સમાન હોવી જોઇએ તેમ રજુઆતના અંતે શ્રી સાગઠીયાએ જણાવ્યું છે.

(4:23 pm IST)
  • દેશમાં કોરોનાનો કહેર યથાવત : કુલ કેસનો આંકડો 91 લાખને પાર પહોંચ્યો : રાત્રે 11 વાગ્યા સુધીમાં કોરોનાના નવા 43,652 કેસ નોંધાયા :કુલ કેસનો આંકડો 91,39,560 થયો :એક્ટીવ કેસ ઘટીને 4,43,125 થયા:વધુ 40, 586 દર્દીઓ સ્વસ્થ થતા કુલ 85,60,625 રિકવર થયા :વધુ 487 લોકોના મોત સાથે કુલ મૃત્યુઆંક 1,33,750 થયો access_time 12:06 am IST

  • ડ્રગ્સ કેસમાં પકડાયેલ સુપ્રસિદ્ધ કોમેડીયન ભારતીસિંહ અને તેના પતિ હર્ષ લીંબાસીયાને મુંબઈની સ્પેશ્યલ એનડીપીએસ કોર્ટે જામીન ઉપર છોડવા હુકમ કર્યો છે access_time 4:03 pm IST

  • બિહાર રાજ્યની 17 મી ધારાસભાનું નવું સત્ર આજ 23 નવેમ્બરથી શરૂ : 27 નવેમ્બર સુધી ચાલનારા પાંચ દિવસીય સત્ર દરમિયાન ધારાસભ્યોનો શપથવિધિ યોજાશે : સ્પીકર જીતનરામ માંઝી શપથ લેવડાવશે : સેનિટાઇઝર, સોશિઅલ ડિસટન્સ, માસ્ક સહીત કોવિદ -19 નિયમોના પાલનની સજ્જડ વ્યવસ્થા : કુલ સંખ્યાના 43 ટકા એટલેકે 105 ધારાસભ્યો નવા ચૂંટાઈ આવ્યા હોવાથી પ્રથમવાર શપથ લેશે access_time 11:54 am IST