Gujarati News

Gujarati News

News of Monday, 23rd November 2020

રાજકોટ રેલ્વે સ્ટેશને સેંકડો મુસાફરો રાત્રીના ઠુઠવાઇ રહ્યા છે

કોરોના સંક્રમણને રોકવા ગુજરાતના અન્ય મહાનગરોની સાથે રાજકોટમાં પણ રાત્રીના ૯ થી સવારના ૬ સુધીનો કર્ફયુ લાદવામાં આવ્યો છે. કર્ફયુથી જો કોઇ હેરાન થતાં હોય તો તે મુસાફરો છે. તેઓની હાલત કફોડી થઇ જવા પામી છે. ખાસ કરીને રેલ્વે થકી પ્રવાસ કરતા મુસાફરો હેરાન-પરેશાન થઇ રહ્યા છે. ઉપરથી આવતી અને રાત્રે ૯ પછી ઉપડતી ટ્રેનોના મુસાફરોને ઠંડીમાં ૯ પહેલા સ્ટેશને આવી જવું પડે છે અને ઠંડીમાં ટ્રેન આવે ત્યાં સુધી સ્ટેશને ઠુઠવાઇને બેસવું પડે છે એટલુ જ નહિ બહારથી રાત્રીના સમયે આવતા મુસાફરો પણ કર્ફયુને કારણે સ્ટેશને અટવાઇ જતાં હોય છે. કારણ કે તેમને રીક્ષા કે ટેક્ષી મળતી હોતી નથી-મુસાફરોનું કહેવું છે કે અમોને તકલીફ ન પડે તે માટે તંત્રએ યોગ્ય વ્યવસ્થા કરવી જોઇએ. તસ્વીરમાં રેલ્વે સ્ટેશને ટ્રેનની રાહ જોઇ બેઠેલા મુસાફરો દૃષ્ટિગોચર થાય છે. (તસ્વીરઃ સંદીપ બગથરીયા)

(12:55 pm IST)
  • મુંબઈ સહિત મહારાષ્ટ્રમાં જામતી ઠંડીઃ કાલથી ચેન્નાઈમાં ધમધોકાર વરસાદ : મહારાષ્ટ્રમાં મુંબઈ, પુણે, નાસિક, મહાબલેશ્વર સહિતના સ્થળોએ રાત્રીના અને વ્હેલી સવારે હવે ઠંડી જામતી જશે : વિશ્વ પ્રસિદ્ધ મહાબળેશ્વરમાં તો ૧૧-૧૨ ડિગ્રી જેવું ઠંડુ ઉ.માન થઈ જશે : ચેન્નાઈમાં આવતીકાલથી ૨૪-૨૫ બે દિવસ ધમધોકાર વરસાદ પડશે : ૨૫મીએ ૪ ઈંચથી પણ વધુ ભારે વરસાદ ખાબકવાની આગાહી થઈ છે : કાલે અને પરમદિવસે, મંગળ-બુધવારે જોરદાર પવન ફૂંકાશે : દિલ્હીનું હવામાન સવારનું ૧૧ ડિગ્રી અને દિવસનું ૨૪ ડિગ્રી આસપાસ રહેશે access_time 11:31 am IST

  • સાર્વજનિક સંડાસ તૂટી પડ્યુ : મહિલા કાટમાળમાં ફસાઈ : મુંબઈના કુર્લામાં એક જાહેર શૌચાલય તૂટી પડતા એક મહિલા ફસાઈ ગઈ છે : બચાવ અભિયાન ચાલુ છે access_time 11:31 am IST

  • માસ્ક નહિ પહેરો તો આવશે ઘરે ઈ મેમો: સુરત મહાનગર પાલિકા હવે સીસીટીવી કેમેરાના આધારે વાહન ચાલકો પર નજર રાખશે. બાઇક ચાલક કે પાછળ બેઠેલા વ્યક્તિ એ માસ્ક નહિ પહેર્યું હોય તો ઘરે 1000 નો મેમો આવશે access_time 12:31 am IST