Gujarati News

Gujarati News

News of Monday, 23rd November 2020

કોરોના : રાજકોટ મનપાની ટીમ એક્શન મોડમાં આવી

કોરોના કેસ વધતા રાજકોટ તંત્રનો નિર્ણય : લોકોએ અડધું માસ્ક પહેર્યુ હશે કે દાઢીએ માસ્ક લટકાવ્યું હશે તે લોકોને રૂપિયા ૨૦૦નો દંડ ફટકારવામાં આવશે

રાજકોટ, તા. ૨૨ : દેશભરમાં કોરોનાએ હાહાકાર મચાવ્યો છે. ત્યારે અમદાવાદ બાદ રાજકોટ, વડોદરા, સુરતમાં કરફ્યૂ આપવામાં આવ્યો છે આ વચ્ચે રાજકોટથી એક મહત્વના સમાચાર આવી રહ્યા છે. રાજકોટમાં વધતા કોરોનાના કેસ વચ્ચે રાજકોટ મનપા એક્શન મોડમાં આવી ગઇ છે. રાજકોટમાં લોકોને મોઢું અને નાક ઢંકાય તે રીતે માસ્ક પહેરવા માટે કહેવામાં આવી રહ્યું છે. આ સિવાય જો માસ્ક વગરના હશે તે લોકોને દંડ ફટકારવામાં આવશે.

છેલ્લા કેટલાક સમયથી કોરોનાએ આતંક મચાવ્યો છે. કોરોનાના કારણે પહેલાથી જ લોકોને માસ્ક પહેરવા, હાથ ધોવા, તેમજ રોગ પ્રતિકારક શક્તિ વધારવાની સલાહ આપવામાં આવી રહી છે. આ વચ્ચે અચાનક રાજ્યમાં કોરોના કેસમાં વધારો થતા તંત્ર હરકતમાં આવી ગયું છે તે બાદ કરફ્યૂ આપી દેવામાં આવ્યું છે અને કામ વગર બહાર નીકળનારાઓ સામે પોલીસ દ્વારા કાર્યવાહી કરવામાં આવી રહી છે.

જ્યારે હવે રાજકોટ મહાનગરપાલિકાની ટીમ એક્શન મોડમાં આવી ગઇ છે. રાજકોટમાં જો કોઇ માસ્ક વગર કે માસ્ક બરાબર નહીં પહેરનારોઓને દંડ ફટકારવામાં આવશે. આ સિવાય જે લોકોએ અડધું માસ્ક પહેર્યુ હશે કે દાઢીએ પણ માસ્ક લટકાવ્યું હશે તે લોકોને પણ રૂપિયા ૨૦૦નો દંડ ફટકારવામાં આવશે. ઉલ્લેખનીય છે કે ગુજરાતમાં કોરોનાના કેસમાં અસંખ્ય પ્રમાણમાં વધારો થઇ રહ્યો છે જેને કારણે તંત્ર દ્વારા અમદાવાદ સહિતઅનેક શહેરમાં કરફ્યૂ લગાવી દીધો છો.

(8:02 pm IST)
  • મદ્રેસામાંથી ઝડપાયો આતંકવાદી : ઘેરાબંધી કરીને સેનાના જવાનોએ દબોચી લીધો : કેટલીય ગતિવિધિઓમાં સામેલ હોવાનો ખુલાસો :જમ્મુ કશ્મીરના પુલવામાં જિલ્લાના એક મદ્રેસામાંથી આતંકીની ધરપકડ : આતંકીઓ છુપાયો હોવાની બાતમીના આધારે પોલીસે તલાસી અભિયાન ચલાવી ઝડપી લીધો access_time 11:44 pm IST

  • દેશમાં કોરોનાનો કહેર યથાવત : કુલ કેસનો આંકડો 91 લાખને પાર પહોંચ્યો : રાત્રે 11 વાગ્યા સુધીમાં કોરોનાના નવા 43,652 કેસ નોંધાયા :કુલ કેસનો આંકડો 91,39,560 થયો :એક્ટીવ કેસ ઘટીને 4,43,125 થયા:વધુ 40, 586 દર્દીઓ સ્વસ્થ થતા કુલ 85,60,625 રિકવર થયા :વધુ 487 લોકોના મોત સાથે કુલ મૃત્યુઆંક 1,33,750 થયો access_time 12:06 am IST

  • બિહાર રાજ્યની 17 મી ધારાસભાનું નવું સત્ર આજ 23 નવેમ્બરથી શરૂ : 27 નવેમ્બર સુધી ચાલનારા પાંચ દિવસીય સત્ર દરમિયાન ધારાસભ્યોનો શપથવિધિ યોજાશે : સ્પીકર જીતનરામ માંઝી શપથ લેવડાવશે : સેનિટાઇઝર, સોશિઅલ ડિસટન્સ, માસ્ક સહીત કોવિદ -19 નિયમોના પાલનની સજ્જડ વ્યવસ્થા : કુલ સંખ્યાના 43 ટકા એટલેકે 105 ધારાસભ્યો નવા ચૂંટાઈ આવ્યા હોવાથી પ્રથમવાર શપથ લેશે access_time 11:54 am IST