Gujarati News

Gujarati News

News of Tuesday, 23rd October 2018

દિવાળી ઇફેકટઃ દાહોદ-ગોધરા માટે ૫૦ એકસ્‍ટ્રા બસો દોડાવશેઃ ૧લી તારીખથી અન્‍ય સેન્‍ટરો માટે

એસટી બોર્ડ રાજયભરમાં ફુલ ૭૦૦થી વધુ એકસ્‍ટ્રા બસો મૂકશે : રાજકોટથી હજારો દાહોદ-ગોધરાના વતનીઓ બસ મારફત વતન પહોંચશે

રાજકોટ તા.૨૩: ગુજરાત રાજય માર્ગ વાહન વ્‍યહાર નિગમ દ્વારા દિવાળીના તહેવારો દરમિયાન પોતાના વતનમાં જતા યાત્રીઓ માટે એસ.ટી. વિભાગે ૭૫૦ બસ અમદાવાદ સુરત અને રાજકોટમાંથી દોડાવશે એસ.ટી. વિભાગ દ્વારા સોૈરાષ્‍ટ્ર, દાહોદ, પંચમહાલ, ઉત્તર ગુજરાત અને અમદાવાદના પ્રવાસીઓ માટે વધારાની બસો મુકવામાં આવી છે.

સુરતમાં ૩ થી ૬ નવેમ્‍બર દરમિયાન એકસ્‍ટ્રા ઉપડનાર બસોનું બુકિંગ એસ.ટી. સેન્‍ટ્રલ બસ સ્‍ટેશન સહિત તમામ બસ સ્‍ટેશનોથી શરૂ કર્યું છે આ ઉપરાંત એસ.ટી. દ્વારા નિમવામાં આવેલા બુકિંગ એજન્‍ટો, મોબાઇલ એપ તથા નિગમની વેબસાઇટ ઉપરથી ઓનલાઇન ટીકીટ બુકિંગ શરૂ કરાયું છે.

દરમિયાન રાજકોટ એસ.ટી. ડિવીઝન આગામી તા. ૨૮થી દાહોદ-ગોધરા માટે ૫૦ જેટલી એકસ્‍ટ્રા બસો શરૂ કરશે, અને ત્‍યારબાદ ૧લી તારીખથી રાજકોટથી ૫૦ એકસ્‍ટ્રા બસો જામનગર-દ્વારકા-સોમનાથ-ભૂજ-અમદાવાદ- કાલાવડ-અમરેલી વિગેરે સેન્‍ટરો ઉપરથી દોડાવાશે તેમ ડિવીઝનલ નિયામક શ્રી દિનેશ જેઠવાએ ‘‘અકિલા''ને કહયું હતું. તેમણે ઉમેર્યું હતું કે દિવાળી પહેલા ૫ થી ૭ દિવસ અગાઉ દાહોદ- ગોધરાના હજારો વતનીઓ પોતાના વતન તરફ જતા હોય છે, તેમના માટે ૨૮ મીથી જ એકસ્‍ટ્રા બસો શરૂ કરી દેવાશે.

(1:07 pm IST)
  • અયોધ્‍યામાં તોગડીયા સમર્થકો- પોલીસ વચ્‍ચે ભારે ઉગ્રતાઃ કૂચ કરી અયોધ્‍યમાં ડો.પ્રવિણભાઇ તોગડીયા સમર્થકો અને પોલીસ વચ્‍ચે રામ મંદીર તરફ આગળ વધવા મામલે ઝડપ access_time 11:36 am IST

  • જામનગર :ભેળસેળીયા પેટ્રોલપંપ પર પુરવઠા ખાતાની તવાઇ:લાલપુર પોરબંદર હાઇવે પર લાલપુર પેટ્રોલપંપને સીલ કરાયું:જામનગર પુરવઠા વિભાગ દ્વારા ઓચિંતા દરોડાની કાર્યવાહી:23 લાખનો પેટ્રોલ-ડિઝલનો ભેળસેળયુકત જથ્થો સીલ કરાયો:પેટ્રોલ પંપ પર ભેળસેળ થતા હોવાની ફરિયાદના આધારે કાર્યવાહી access_time 3:46 pm IST

  • પાકિસ્તાન શાંતિ ઇચ્છે છેઃ ઇમરાનને ડહાપણ દાઢ ફૂટી :છેલ્લો એક દાયકો ખૂબ ખરાબ રહ્યોઃ ચૂંટણીના કારણે ભારતે અમારા પ્રસ્તાવને ફગાવી દીધેલઃ ચૂંટણી પછી ફરીથી દોસ્તીનો હાથ લંબાવશું તેમ પાકિસ્તાનના નવા વડાપ્રધાન ઇમરાનખાને કહયું છે. access_time 4:23 pm IST