Gujarati News

Gujarati News

News of Tuesday, 23rd October 2018

બધા જ પક્ષોનું વિસર્જન કરી દેવી પાલનહાર રાજાઓને રાજ સોંપો

તંત્રી શ્રી,

રાષ્ટ્રિય સ્વયંસેવક સંઘ આર્ય મહા સંસ્કૃતિની રક્ષા માટે સાવધ રહે તે પ્રશંસનીય છે. વધારે સારી ઓળખાણ ''રામ સંસ્કૃતિ સંઘ'' ના નામથી થઇ શકે. અંગ્રેજોએ દેહથી ભલે ભારત છોડયું પરંતુ તેમની કુટ કપટની નીતિ દેશી અંગ્રેજો દ્વારા જારી છે. પરિણામે સન ૧૯૪૭ પછી ભારતવર્ષની પ્રજા અને મૂક પ્રાણીઓની હાલત દયનીય બની છે. પરાપૂર્વથી આ મહાન આર્યાવર્ત વિશ્વગુરૂ રહયો હતો તેનું પારાવાર અધઃપતન થયું છે. ચિત્ર વિચિત્ર કાયદાઓના જંગલમાં અંગ્રેજ સ્થાપિત પાર્લામેન્ટ અને ધારાસભાઓના માધ્યમથી નિકળી ન શકાય તેવી રીતે ફસાવી દીધા છે. અનુપમ પવિત્ર તીર્થ સ્થળો સમેતશિખર વિ. ને પરદેશી માંસાહારી શરાબીઓને રખડવા (પ્રવાસન) માટે આકર્ષવામાં આવે તે પણ ભયંકર પાગલપન નથી? હવે એક જ રસ્તો છે- બધા જ પક્ષોનું વિસર્જન, પ્રજાના દૈવી પાલનહાર રાજાઓને રાજ પરત સોંપી દેવા. ચિતોડના સૂર્યવંશી મહારાણાને ભારતવર્ષના સમ્રાટ જાહેર કરી સિંહાસન પર આરૂઢ કરવા. કાયદાઓ ઘડવાની કયાં જરૂર જ છે? મનુ, સ્મૃતિ, યોગ, વશિષ્ટ, અર્હનીતિ, શુક્રનીતિમાં ભગવાને જ શાશ્વત હિતકારી કાયદા આપ્યા જ છે, તેથી રાજાઓને કાયદા ઘડવાનો અધિકાર જ ન હતો. માટે જ બનાવટી ઠગારી લોકશાહીને એટલાન્ટીક (યુરોપ)માં બહાદુરીથી ફેંકી દીઓ. સબરીમાલા અયોધ્યા, પ્રયાગરાજ કર્ણાવતીની એકપણ સમસ્યા ઉભી નહિ રહે. પૂજય જગદ્દગુરૂ શંકરાચાર્ય, મહા મંડલેશ્વરો, જૈનાચાર્યો, પવિત્ર સંત મહાત્માઓના આશીર્વાદ સાથે ભારતીય સેનાને મહાન આર્યાવર્તની સેના જાહેર કરો. શું પછી એકેય સળગતી સમસ્યા ઉભી રહી શકે?

''ચર્ચ ગેઇટ નહી પરંતુ છત્રપતી દરવાજા'' નામ આપવું

સુમનલાલ છોટાલાલ કામદાર

(10:59 am IST)
  • આજે પણ ઘટયા પેટ્રોલ-ડિઝલના ભાવ : આજે પણ ઇંધણના ભાવમાં ઘટાડોઃ પેટ્રોલમાં ૧૦ તો ડીઝલમાં ૭ પૈસાનો ઘટાડો જાહેરઃ દિલ્હીમાં પેટ્રોલનો ભાવ રૂ. ૮૧.૩૪ અને ડીઝલનો ભાવ રૂ. ૭૪.૮પ થયોઃ મુંબઇમાં ભાવ અનુક્રમે ૮૬.૮૧ અને ૭૮.૪૬ રૂ. થયો છે access_time 11:48 am IST

  • જામનગર :ભેળસેળીયા પેટ્રોલપંપ પર પુરવઠા ખાતાની તવાઇ:લાલપુર પોરબંદર હાઇવે પર લાલપુર પેટ્રોલપંપને સીલ કરાયું:જામનગર પુરવઠા વિભાગ દ્વારા ઓચિંતા દરોડાની કાર્યવાહી:23 લાખનો પેટ્રોલ-ડિઝલનો ભેળસેળયુકત જથ્થો સીલ કરાયો:પેટ્રોલ પંપ પર ભેળસેળ થતા હોવાની ફરિયાદના આધારે કાર્યવાહી access_time 3:46 pm IST

  • એસસી/એસટી એક્ટમાં થયેલા નવા સુધારાને પડકારતી અરજીઓ ઉપર ૨૬ ઓક્ટોબર સુધીમાં જવાબ રજૂ કરવા સુપ્રીમ કોર્ટ આદેશ આપ્યો છે access_time 1:19 am IST