Gujarati News

રાજકોટ તા. ૨૩ : એરપોર્ટ પોલીસ મથક હેઠળના વિસ્તારની સગીરાની છેડતી અને પોકસોના ગુનામાં સામેલ શખ્સને એરપોર્ટ પોલીસે પાસામાં ધકેલી દીધો છે.

મળતી વિગત મુજબ એરપોર્ટ પોલીસ મથક હેઠળના વિસ્તારમાં સગીરાની છેડતી અને પોકસોના ગુનામાં સામેલ ભરત મનસુખભાઇ સંઘાણી (ઉ.૨૨) (રહે. નવાગામ - બામણબોર)ને પાસામાં ધકેલવા માટે પીસીબી શાખાના પી.આઇ. આર.વાય.રાવલ, એ.એસ.આઇ. શૈલેષભાઇ, હેડ કોન્સ. રાજુભાઇ, ઇન્દ્રજીતસિંહ તથા રાહુલગીરીએ દરખાસ્ત કરતા પોલીસ કમિશનર શ્રી મનોજ અગ્રવાલે વોરંટ ઇશ્યુ કરતા એરપોર્ટ પોલીસ મથકના પી.આઇ. જી.એમ.હડીયા, પીએસઆઇ વી.સી.પરમાર, કોન્સ. પ્રવિણભાઇ તથા મુકેશભાઇ સહિતે ભરત મનસુખભાઇ સંઘાણીની પાસા હેઠળ અટકાયત કરી વડોદરા જેલમાં ધકેલી દેવાયો હતો.