Gujarati News

Gujarati News

News of Wednesday, 23rd September 2020

કોરોનામુકત રાજકોટ બનાવવા મનપા દ્વારા યુધ્ધના ધોરણે કામગીરીઃ ૪૬ હજાર ઘરોનો સર્વે માત્ર ૨૫ને તાવ - શરદી - ઉધરસના લક્ષણો

રાજકોટ : શહેરને કોરોના મુકત કરવા માટે મનપા દ્વારા સઘન કામગીરી ઝુંબેશ ચાલી રહી છે. રાજકોટ શહેરમાં કોરોના સંકરણની ચેઈન તોડવા મનપા દ્વારા ઘરે ઘરે જઈને સેવાઓ આપવામાં આવે છે. જેમાં તા. ૨૨ના ૧૨૦૦ સર્વેલન્સની ટીમ દ્વારા ૪૬૮૩૮ ઘર – કુટુંબને સર્વે કરવામાં આવ્યા હતા. જેમાંથી ૨૫ વ્યકિતઓને શરદી, ઉધરસ, તાવના લક્ષણો જોવા મળ્યા હતા અને તેમને સારવાર પણ આપવામાં આવી હતી. મનપા દ્વારા ૫૦ ધનવંતરી રથ કાર્યરત કરેલ છે, સરેરાશ ૨૩૦ ની ઓ.પી.ડી. સહીત ૧૧૪૭૭ વ્યકિતઓએ સેવાનો લાભ લીધો હતો. ઉપરાંત મનપાના આરોગ્ય કેન્દ્ર ખાતે ૨૪૨૭ વ્યકિતઓની ઓ.પી.ડી. નોંધાયેલ છે. શહેરીજનો માટે શરૃ કરેલ '૧૦૪ સેવા' અંતર્ગત કુલ ૧૭૪ ફોન આવેલ અને '૧૦૮ સેવા'માં ૫૫ ફોન આવેલ છે. હોમ કવોરન્ટાઇન રહેલા દર્દીમાં માટે મનપા દ્વારા કાર્યરત ૨૩ સંજીવની રથ દ્વારા ૮૫૭ ઘર – કુટુંબની હેલ્થ ચકાસણી કરવામાં આવી હતી.

(3:03 pm IST)
  • ચાઈના : બેઇજિંગના બે જિલ્લામાં ઢગલાબંધ પ્રચંડ વિસ્ફોટ : ૧૦૦ ફાયર ફાઈટર સ્થળ ઉપર : ચીનની રાજધાની બેઇજિંગના બે જિલ્લામાં સંખ્યાબંધ વિસ્ફોટો થયાના અહેવાલ મળે છે. એનટીડી ના અહેવાલ મુજબ વિસ્ફોટના સ્થળ ઉપર ૧૦૦ થી વધુ ફાયર ફાઇટર જોવા મળ્યાના અહેવાલ આવે છે. access_time 12:10 am IST

  • રાજકોટની દરેક કોલેજો-હાઇસ્કૂલોમાં કલેકટર તંત્ર ૧૦-૧૦ કો ઓર્ડીનેટર મુકશેઃ કોરોના સામે એલાને જંગ : એડી. કલેકટર પરિમલ પંડયાએ પત્રકારોને જણાવ્યું હતું કે, ભવિષ્યમાં-આગામી દિવસોમાં રાજકોટની તમામ કોલેજો તથા હાઇસ્કૂલોમાં કોરોના સામે ખાસ જાગૃતિ-માસ્ક-સેનેટાઇઝર-સોશ્યલ ડીસ્ટન્સ વિગેરે બાબતે ૧૦-૧૦ કો-ઓર્ડીનેટર નિમવામાં આવશેઃ આ તમામને તંત્ર તાલીમ આપશે અને આ માસ્ટર ટ્રેનરો કોલેજ સ્કુલમાં કોરોના સામે લડવા અન્યોને તાલીમ આપશેઃ અવેરનેસ જાળવશેઃ ખાસ જાગૃતિ દાખવશે. access_time 3:28 pm IST

  • મ.ન.પા.માં ૩૬૪ એપ્રેન્ટીસની ભરતીઃ ૧ વર્ષની તાલીમ માટે ઓર્ડરો : રાજય સરકારની યોજનાં અન્વયે મ.ન.પા. દ્વારા વિવિધ વિભાગોમાં ૩૬૪ જેટલાં યુવક-યુવતીઓને એપ્રેન્ટીશની તાલીમ માટે એક વર્ષ માટે નિયુકત કરવાનાં ઓર્ડરો અપાયા છે જેમાં વાયરમેન, સર્વેયર, ઇલેકટ્રીશ્યન, મોટર મીકેનીક, એર કન્ડીશન-રેફ્રીજરેશન, ડીઝલ મીકેનીક, પ્લમબર, પેઇન્ટર, લેબ એટેન્ડન્ટ, પ્રોગામીંગ, સીસ્ટમ એડમિનીસ્ટ્રેશન, વેલ્ડર વગેરે ટ્રેડનાં તાલીમાર્થીઓને તેઓને લગત વિભાગમાં નિયુકિત અપાઇ છે. access_time 3:27 pm IST