Gujarati News

Gujarati News

News of Monday, 23rd September 2019

કાલે ભૂપગઢમાં ક્ષત્રિય નાડોદા રાજપૂત સમાજની મીટીંગ

નવેમ્બરમાં સમાજના ૪૩૮ પાળીયાના ઐતિહાસીક ગ્રંથનું વિમોચનઃ લોકડાયરો

રાજકોટ, તા.૨૩: રાજકોટ જિલ્લા ક્ષત્રિય નાડોદા રાજપૂત સમાજની મિટિંગ આવતીકાલે તા.૨૪ને મંગળવારે રાત્રે ૮ કલાકે નાડોદા રાજપૂત સમાજની વાડી- ભૂપગઢ (તાલુકો/ જિલ્લા- રાજકોટ) ખાતે રાખેલ છે.

આ મિટિંગમાં અતિથિ તરીકે ગ્રંથના રચયિતા એવા શ્રી ખોડુભા બારોટજીના પુત્ર શ્રી મનજીભાઈ ખોડુભા બારોટજી અને લોકસાહિત્યકાર શ્રી શંકરસિંહ સિંધવ, રાજ કેસરિયા, રણજીત સિંહ વરાણા સહિતના આગેવાનો તેમજ વઢિયાર, ગોહિલવાડ, ઝાલાવાડ, ખારાપાટ તેમજ કાઠીયાવડના આગેવાનો ઉપસ્થિત રહેશે.

આ ઉપરાંત ક્ષત્રિય નાડોદા રાજપુત સમાજના ૪૩૮ પાળિયાનો ઐતિહાસિક ગ્રંથનું વિમોચન તા.૧૧ નવેમ્બરના સોમવારે ધરતી હોટલની બાજુમાં નાડોદા રાજપૂત સમાજની વાડી તાલુકોઃ સમી જીલ્લોઃ પાટણ મુકામે રાખેલ છે. સાથોસાથ આયોજીત લોક ડાયરાના કલાકારો શંકરસિંહ સિંધવ, લોકસાહિત્યકાર રાજભા ગઢવી, કચ્છની કોયલ એટલે કે બેનશ્રી ગીતાબેન રબારી,  મહેન્દ્ર સિંહ રાજપુત અને યુવા લોકસાહિત્યકાર જયુભા રાજપૂત જમાવટ કરશે.

(12:06 pm IST)
  • પોરબંદર બંદરે ત્રણ નંબરનું સિંગ્નલ લગાડયું : માછીમારોને દરિયો નહિ ખેડવા સૂચના : સુરક્ષા એજન્સીઓને સતર્ક કરાઈ : આગામી ત્રણ દિવસ ભારે વરસાદ અને ભારે પવન ફુંકાવવાની શકયતા access_time 6:42 pm IST

  • કાલથી કેરળમાં મધ્યમ - ભારે વરસાદ : અપર લેવલ એકટીવ સરકયુલેશન અને લો લેવલ હિલચાલના પગલે આગામી કેટલાક દિવસો (૨૪-૨૫ સપ્ટેમ્બર) સુધી કેરળમાં મધ્યમથી ભારે વરસાદની ખાનગી વેધર ચેનલે આગાહી કરી છે : ગાજવીજ સાથે બેંગ્લોર અને તામિલનાડુમાં વરસાદ પડવા સંભવ access_time 6:32 pm IST

  • દિલ્હી અને ગ્રેટર નોઈડામાં પોલીસ અથડામણ : ઈનામી આરોપી સહીત બે ઝડપાયા : ગ્રેટર નોઇડ્સમાં 25 હજારના ઈનામી બદમાશ મનીષની ધરપકડ : દિલ્હીના કૈર ગામમાં નંદુ ગેંગ સાથે પોલીસની અથડામણ access_time 1:05 am IST