Gujarati News

Gujarati News

News of Saturday, 23rd May 2020

ખોખડદળ પુલ પાસે ડખ્ખો કરે તે પહેલા ૪ શખ્સો તલવાર સાથે પોલીસની ઝપટે ચડયા

આજી ડેમ પોલીસે મેહુલ ચૌહાણ, મેહુલ ગોસાઇ, ધવલ મેંદપરા, અને દીપેન ચાવડીયાની ધરપકડ કરી

રાજકોટ તા. ર૩ :.. બહેનની માથાકુટમાં તલવાર લઇને ડખ્ખો કરવા માટે નિકળેલા ચાર શખ્સોને આજી ડેમ પોલીસે ખોખડદળ નદીના પુલ પાસેથી ઝડપી લીધા હતાં.

મળતી વિગત મુજબ આજી ડેમ પોલીસ મથકના હેડ કોન્સ. એમ. ડી., પરમાર, કનકસિંહ અને શૈલેષભાઇ સહિત લોકડાઉન અંતર્ગત ચેકીંગમાં હતા ત્યારે ખોખડદળ નદીના પુલ પાસેથી પસાર થતા જીજે-૩-કેકયુ-પ૬૭૭ નંબરના એકટીવામાં પસાર થતા મેહુલ નરેન્દ્રભાઇ ચૌહાણ (ઉ.ર૩) (રહે. કાલાવડ રોડ ક્રિષ્ટલ મોલ પાસે જયોતીનગર), મેહુલ નટવરગીરી ગોસાઇ (ઉ.ર૬) (રહે. ઇન્દીરાનગર મેઇન રોડ સહકાર રોડ), ને અને તેની સાથે બીજા સ્પ્લેન્ડર મોટર સાયકલ પર નીકળેલા ધવલ ચનાભાઇ મેંદપરા (ઉ.૧૯) (રહે. પુરૂષાર્થ સોસાયટી શેરી નં. ૬-૭) અને દિપેન પ્રફુલભાઇ ચાવડીયા (ઉ.વ.ર૦) (રહે. સહકાર મેઇન રોડ શેરી નં. ૬) ને રોકી તલાસી લેતા બંને બાઇક ચાલકો પાસેથી બે તલવાર મળી આવતા ચારેયની ધરપકડ કરી હતી. આ બનાવમાં આરોપીની બહેનના ફોન કરવા બાબતે ચારેય શખ્સો ડખ્ખો કરવા નીકળ્યા હતાં. ડખ્ખો કરે તે પહેલા પોલીસે ચારેયને ઝડપી લીધા હતાં.

(3:32 pm IST)
  • જમ્મુમાં ભારે બરફવર્ષા બાદ ૪૧.૫ જેટલી જોરદાર ગરમીનો કહેર : આ વર્ષે રેકોર્ડબ્રેક બરફવર્ષા બાદ જમ્મુમાં હવે ગરમી કહેર વરસાવી રહી છેઃ જમ્મુમાં શુક્રવારે ગુરૂત્તમ તાપમાન ૪૧.૫ ડિગ્રી અને લઘુતમ ૨૨.૨ ડિગ્રી તાપમાન નોંધાયેલ હોવાનું હવામાન ખાતાએ જણાવેલઃ હવામાન ખાતાએ વધુમાં જણાવેલ કે મે ના અંત સુધીમાં જમ્મુમાં તાપમાન ૪૫ ડિગ્રી સુધી પહોંચી શકે છે access_time 3:25 pm IST

  • અમદાવાદના નિકોલથી આટકોટમાં 2 દિવસ પહેલા રહેવા આવેલા 45 વર્ષના લેઉઆ પટેલ પુરુષને કોરોના પોઝીટીવ આવતા તંત્રમાં દોડધામ access_time 10:21 pm IST

  • મહારાષ્ટ્રમાં આજે એક જ દિવસમાં સૌથી વધુ 2940 કોવિડ -19 કેસ નોંધાયા છે, રાજ્યમાં પોઝિટિવ કેસની કુલ સંખ્યા 44,582 પર પહોંચી છે, જેમાં મુંબઈના ધારાવી વિસ્તારમાં આજે 53 નવા COVID19 પોઝિટિવ કેસ નોંધાયા છે. ધારાવીમાં કુલ પોઝિટિવ કેસ વધીને 1478 અને ધારાવી માજ 57 લોકોના મોત થયા છે: રાજ્ય આરોગ્ય વિભાગ access_time 8:04 pm IST