Gujarati News

Gujarati News

News of Saturday, 23rd May 2020

કપડા ધોતી વખતે ખાણમાં પડી જતાં ડૂબી જવાથી ગુલાબનું મોત

આજીડેમ ઓવરફલો પાસે બનાવઃ મુળ ઢસાનો દેવીપૂજક યુવાન હાલ રાજકોટ રહેતો'તો

રાજકોટ તા. ૨૩: આજીડેમના ઓવરફલો નજીક કિસાન ગોૈશાળા વાળા રોડ પર આવેલી ખાણમાં ડૂબી જતાં મુળ ઢસાના હાલ કોઠારીયા રોડ પર મશરીબાપાના ભંગારના ડેલા પાસે રહી મજૂરી કરતાં ગુલાબ રમણિકભાઇ રાજકોટીયા (દેવીપૂજક) (ઉ.વ.૩૦)નું મોત નિપજ્યું છે.

એક યુવાનની લાશ ખાણમાં તરતી હોવાની જાણ જાગૃત નાગરિક મારફત થતાં આજીડેમના પીએસઆઇ આસુન્દ્રા અને કોશેન્દ્રસિંહે ત્યાં પહોંચી તપાસ કરી હતી. મૃતકને એક યુવાન ઓળખતો હોઇ તેની ઓળખ થઇ હતી. મૃતક ગુલાક કેટલાક સમયથી રાજકોટ રહી મજૂરી કરતો હતો. તેણે પહેરેલા પેન્ટના ખિસ્સામાંથી મોબાઇલ પણ મળી આવ્યો હતો જે પલળી ગયો હતો. કપડા ધોવા આવ્યો ત્યારે પગ લપસી જતાં ડૂબી જવાથી મોત નિપજ્યાનું પોલીસે તારણ કાઢ્યું હતું. પોસ્ટ મોર્ટમ બાદ પોલીસ આગળ કાર્યવાહી કરશે.

(2:45 pm IST)
  • મહારાષ્ટ્રમાં આજે એક જ દિવસમાં સૌથી વધુ 2940 કોવિડ -19 કેસ નોંધાયા છે, રાજ્યમાં પોઝિટિવ કેસની કુલ સંખ્યા 44,582 પર પહોંચી છે, જેમાં મુંબઈના ધારાવી વિસ્તારમાં આજે 53 નવા COVID19 પોઝિટિવ કેસ નોંધાયા છે. ધારાવીમાં કુલ પોઝિટિવ કેસ વધીને 1478 અને ધારાવી માજ 57 લોકોના મોત થયા છે: રાજ્ય આરોગ્ય વિભાગ access_time 8:04 pm IST

  • લોકડાઉન દરમ્યાન મૂકેશ અંબાણીએ એકઠા કર્યા રૂ. ૬૪૦૦૦ કરોડ : દેશવ્યાપી લોકડાઉન દરમ્યાન એશિયાના સૌથી શ્રીમંત વ્યકિત મુકેશ અંબાણીએ એવું કરી બતાડયું જે અંગે વિશ્વના ટોચના ઉદ્યોગપતિઓ પણ વિચારી ન શકે : લોકડાઉનના ૧ માસમાં તેમણે ૧૦ અબજ ડોલર એટલે કે ૬૪૦૦૦ કરોડ રૂપિયા મેળવ્યા છે આ રકમ તેમણે જિયોપ્લેટફોર્મ માટે મેળવ્યા છે : સર્વત્ર કામકાજ ઠપ્પ હતું ત્યારે તેમણે આ કામ નિપટાવ્યું : અમેરિકી કંપની કેકેઆર એન્ડ કંપનીએ જિયોમાં ૧૧૩.૭ અબજ રૂપિયા રોકવા જણાવ્યું છે તે ર.૩ ટકા હિસ્સેદારી ખરીદી રહ્યું છે : અંબાણીએ માર્ચ સુધીમાં રિલાયન્સને દેવામાંથી મુકત કરવાની જાહેરાત કરી છે access_time 3:25 pm IST

  • ભારે વરસાદ માટે પણ અપાયેલ તાકિદઃ આવતીકાલે પશ્ચિમ બંગાળ, સિકકીમ, આસામ, મેઘાલય અને અરૂણાચલ પ્રદેશમાં ભારે વરસાદની હવામાન તંત્રે આગાહી કરી છે access_time 10:27 am IST