Gujarati News

રાજકોટ તા. ર૩ :.. લોકસભાની બેઠકની આજે કણકોટ ખાતે ઇજનેરી કોલેજમાં સવારથી શરૂ થયેલ મત ગણતરીમાં ચૂંટણી પંચે આ વખતે નવો 'સુવિધા' સોફટવેર નાખ્યો છે. પરંતુ આ સોફટવેર ફેલ ગયાનું અને વારંવાર ખોટકા સર્જાતા હોવાની ફરીયાદો મીડિયા રૂમમાં ઉઠવા પામી હતી.  કેમ કે મત ગણતરીનાં દરેક રાઉન્ડનાં અંત ર૦મીનીટનાં વિલંબ બાદ પરિણામો પહોંચતાં હતો. જેનાં કારણે ગણતરીમાં ભારે વિલંબ થયો હતો. મીડિયા સેન્ટરમાં ઉઠેલી ફરીયાદ મુજબ નવા સુવિધા સોફટવેરથી અવાર-નવાર ખોટકા સર્જાતાં હતાં. નોંધનીય છે કે આ અગાઉ 'જીનેસીસ' સોફટવેરનો ઉપયોગ મતગણતરીમાં થતો હતો. પરંતુ આ વખતનો નવો 'સુવિધા' સોફટવેર ફેલ ગયો હતો.