Gujarati News

Gujarati News

News of Friday, 25th May 2018

ઇજનેર કોલેજની લેબ. આસી. સાથે અડપલા કરવાના ગુનામાં તબીબ ભાવીન સાવલીયાની ધરપકડ

રાજકોટના સ્નેહલબેન પેથાણીએ પતિ- સાસરીયાઓ વિરૂધ્ધ ત્રાસ અને છેડતીની ફરીયાદ નોંધાવી'તીઃ જેતપુરના તબીબ નણદોયા ભાવીન તથા મદદગારી કરનાર તેની પત્ની નિમિશાની ધરપકડ

રાજકોટ તા.૨૩: નાનામવા રોડ પર નહેરૂનગર સોસાયટીમાં માવતર ધરાવતા અને વી.વી.પી. એન્જીનીયરીંગ કોલેજમાં લેબ.આસીસ્ટન્ટ તરીકે નોકરી કરતી પટેલ પરિણીતા સાથે પતિ, સાસુ, સામે ત્રાસ અને સસરા, કાકાજી સસરા અને નણદોયા વિરૂધ્ધ છેડતી કરવાના ગુનામાં મહિલા પોલીસે જેતપુરના તબીબ નણંદ અને નણદોયાની ધરપકડ કરી છે.

 મળતી વિગતો મુજબ નાના મવા મેઇન રોડ પર મારવાડી ટાવરની સામે નહેરૂનગર સોસાયટીમાં રહેતા અને વીવીપી એન્જીનીયરીંગ કોલેજમાં લેબ. આસીસ્ટન્ટ તરીકે નોકરી કરતા સ્નેહલબેન કેવીનભાઇ પેથાણી (ઉ.વ.૨૮)એ ધોરાજીના જેતપુર રોડ પર હીરપરાવાડીમાં શ્રી નગર સોસાયટીમાં રહેતો પતિ કેવીન, સસરા નાગજી ત્રિકમજી પેથાણી, સાસુ જોસના પેથાણી, જેતપુરના નણંદ ડો. નિમિષા સાવલીયા, નણદોયા ડો. ભાવીન વલ્લભભાઇ સાવલીયા, તથા જામકંડોરણાના જશાપર ગામના કાકાજી સસરા વિનોદ ત્રિકમભાઇ પેથાણી, કાકીજી કૈલાસ પેથાણી વિરૂધ્ધ મહિલા પોલીસ મથકમાં ગત તા. ૯/૫ ના રોજ કરીયાવર બાબતે દબાણ કરી શારીરિક માનસિક ત્રાસ અને સસરા, કાકાજી સસરા અને નણદોયા વિરૂધ્ધ અડપલા કર્યાની ફરીયાદ નોંધાવી હતી. આ પ્રકરણમાં મહિલા પોલીસ મથકના પીએસઆઇ વાય.એમ. લેઉવાએ જેતપુરના હરીવિલા એપાર્ટમેન્ટમાં રહેતા નણદોયા ડો. ભાવીન વલ્લભદાસ સાવલીયા (ઉ.વ.૩૪) અને તેની પત્ની ડો. નીમીષા ભાવીન સાવલીયા ની ધરપકડ કરી છે. પોલીસ તપાસમાં પટેલ પરિણીતા સ્નેહલબેન પેથાણી ના લગ્ન તા. ૮/૬/ ૧૭ના રોજ ધોરાજીના કેવીન પેથાણી સાથે થયા હતા. લગ્નના દિવસેજ પતિ કેવીને તેના મિત્રો સાથે દારૂ પિવાનું શરૂ કરી પોતાને દારૂ પિવા કહયું હતું. બાદ સસરા નાગજી પેથાણી અને સાસુ જોસના પેથાણીએ કરીયાવર બાબતે શારીરિક માનસીક ત્રાસ આપતા હતા. અને સસરાએ ખરાબ નજર નાખી બીભત્સ અડપલા કર્યાનું જણાવ્યું હતું. બાદ તા. ૧૦/૬/૧૭ ના રોજ પરિણીતાને પિયરવાળા પગફેરા માટે તેડી ગયા હતા. બાદ તા. ૧૧/૬/૨૦૧૭ના રોજ તેને નણદોયા ડો. ભાવીન સાવલીયા એકલા જ તેડવા આવેલ અને ધોરાજી જતા હતા ત્યારે નણદોયા ભાવીને કારમાં બીભત્સ અડપલા કર્યા હતા. આ બાબતે નણંદ ડો. નીમીષાને વાત કરતા તેણે કહેલ કે, 'તું ઘરની જ છો, ભાવીન બીજે કયાય બહાર જાય તેના કરતા તું હોય તે મને બીજો કોઇ વાંધો ન આવે' તેમ કહી મદદગારી કરી હતી.

આ પ્રકરણમાં મહિલા પોલીસ મથકના પીએસઆઇ વાય.એમ. લેઉવા સહિતના સ્ટાફે જેતપુરના નણદોયા ડો. ભાવીન વલ્લભદાસ સાવલીયા તેની પત્ની ડો. નીમીશા ભાવીન સાવલીયાની ધરપકડ કરી છે.

(2:50 pm IST)
  • યુપીના કૈરાના લોકસભા અને નુરપુર વિધાનસભા સીટની પેટા ચૂંટણીમાં 'આપ 'એ ઝંપલાવ્યું:રાષ્ટ્રીય લોકદલ અને સમાજવાદી પાર્ટીના ઉમેદવારને સમર્થન આપવા જાહેરાત :આ પહેલા ગોરખપુર અને ફુલપુર લોકસભા પેટાચૂંટણીમાં વિપક્ષની એકતાને કારણે ભાજપે પરાજયનો સામનો કરવો પડ્યો હતો access_time 1:11 am IST

  • જામિયા મિલિયા ઇસ્લામિયાની સત્તાવાર વેબસાઈટ આખો દિવસ હેક રહ્યાં બાદ પૂજાએ લખ્યું ''સોરી આઈ હેવ બોયફ્રેન્ડ '' : હેકરે આખું હોમપેઝ કાળું કરી નાખ્યું હતું અને તેના પર ''હેપ્પી બર્થડે પૂજા ''લખી નાખ્યું હતું :સ્ક્રીનની નીચે લાલા રંગમાં નાના અક્ષરે લખ્યું ' યોર લવ ' :આ વખતે પૂજા દ્વારા મેસેજ લકહાયો 'સોરી ' આઈ હેવ બોયફ્રેન્ડ'' access_time 1:24 am IST

  • સાંજે હિમાચલ પ્રદેશના સિમલામાં ભૂકંપના આંચકો :રિક્ટર સ્કેલ પર 3,6ની તીવ્રતા નોંધાઈ :સાંજે 6-05 કલાકે ભૂકંપના આંચકો અનુભવતા લોકો ઘરની બહાર દોડી ગયા :કોઈ જાનહાનિના અહેવાલ નથી :ગઈકાલે પ્રસિદ્ધ પર્યટન સ્થળ કિન્નોરમાં ભૂકંપનો આંચકો આવ્યો હતો access_time 11:45 pm IST