Gujarati News

Gujarati News

News of Friday, 23rd April 2021

દર્દથી કણસતા કોરોનાગ્રસ્ત વૃધ્ધને પોલીસે પીપીઇ કીટ પહેરી હોસ્પિટલે પહોંચાડયા

રાજકોટ : કોરોના વાયરસ મહામારીનું સંક્રમણ વધી રહ્યા છે. ત્યારે પોલીસ કમિ. મનોજ અગ્રવાલના માર્ગદર્શન હેઠળ પોલીસ દ્વારા સરકારશ્રી દ્વારા જાહેર કરવામાં આવેલ માર્ગદર્શીકાનું પાલન નહી કરનારા વિરૂધ્ધ કાર્યવાહી કરવામાં આવી રહી છે. પરંતુ પોલીસ દ્વારા કરવામાં આવતી કાર્યવાહી સાથે માનવતા અભિગમ અપનાવી પોલીસ કમિ. શ્રી મનોજ અગ્રવાલે લોકોને મદદરૂપ થવા સુચનાઓ આપી હોય જે અંતર્ગત ગઇકાલે બજરંગવાડી સર્કલ પાસે એકલા રહેતા ૮ર વર્ષના સુરેશભાઇ કોટક કોરોના વાયરસના સંક્રમીત હોય અને તેની તબીયત ખૂબ જ ખરાબ હોવાની પોલીસ કંટ્રોલ રૂમ ખાતે માહિતી મળતા જેથી તુરત જ રાજકોટ મુખ્ય મથક ખાતે આર. પી. આઇ. એમ. એ. કોટડીયાએ સુરેશભાઇ કોટકના ઘરે જઇ તપાસ કરવા જણાવવામાં આવતા તે ત્યાં જતા સીનીયર સીટીઝન સુરેશભાઇ કોટક જેઓ ખુબ જ બીમાર હોય અને તેમની તબીયત ખુબ જ નાજુક હોય જેથી હાલમાં કોરોના વાયરસના વધુ સંક્રમણને કારણે ઇમરજન્સી વાહન તાત્કાલીક આવી શકે તેમ ન હોય જેથી પોલીસ વિભાગની એમ્બ્યુલન્સ બોલાવી પોલીસ દ્વારા પી.પી.ઇ. કીટ પહેરી સીનીયર સીટીઝન સુરેશભાઇ કોટકને તાત્કાલીક સરકારી હોસ્પીટલ રાજકોટ ખાતે લઇ જવામાં આવેલ અને જયાં તેઓને સારવારમાં દાખલ કરવામાં આવ્યા હતાં. પોલીસ દ્વારા એક માનવતાનું ઉમદા ઉદાહરણ પુરૂ પાડેલ હોય તેથી  પોલીસ કમિશ્નરશ્રી મનોજ અગ્રવાલ દ્વારા પ્રોત્સાહીત કરી પ્રશંસાપત્ર આપી આર. પી. આઇ. એમ. એક. કોટડીયાને સન્માનીત કરવામાં આવ્યા હતાં.

(4:16 pm IST)
  • કલેકટરની મહત્વની જાહેરાત : રાજકોટમાં ઓક્સિજનનો પ્રશ્ન ૮૦ થી ૯૦% સોલ્વ થઈ ગયો છે : સવારમાં ૧૭ ટન ઓક્સિજન આવી ગયો છે : ૩૩ ટનના બે ટેન્કર કલાકથી બે કલાકમાં આવી જશે અને સાંજ સુધીમાં ૫૦ ટન ઓક્સિજન રાજકોટમાં ઠલવાઈ જશે : ભાવનગરથી ૧૦ ટન ઓક્સિજન સાંજ સુધીમાં આવી જશે : દરેક ટેન્કરમાં ૧૭ થી ૧૮ હજાર મેટ્રીક ટન લીટર ઓક્સિજન હોય છે : રાજકોટને ૧૦ ટનની જરૂરીયાત છે તે મુજબ કાર્યવાહી થઈ રહી છે : ૩૦થી વધુ અધિકારીની ટીમ ઓક્સિજન બાબતે કામ કરી રહી છે : ડે. કલેકટર જે.કે. જગોડા, એડી.કલેકટર જે.કે. પટેલ તથા અડધો ડઝન મામલતદારો અને સ્ટાફ સિવિલ, સમરસ, કેન્સર તથા પ્રાઈવેટ હોસ્પિટલોમાં ઓક્સિજન પહોચે તે અંગે વ્યવસ્થા કરી રહ્ના છે access_time 12:16 pm IST

  • ગુજરાતનું ગૌરવ સમાન રાજકોટના વરિષ્ઠ અને મહાન ધારાશાસ્ત્રી શ્રી નિરંજનભાઇ એસ. દફતરીનું આજરોજ તા.23/04/'21ના રોજ મોડી રાત્રે દુઃખદ નિધન થયું છે. કોરોનાએ વધુ એક દિવ્ય રત્ન છીનવી લીધું... access_time 11:22 pm IST

  • ભારતમાં કોરોના કેસોમાં વધારાને ધ્યાનમાં રાખીને અમીરાત એરલાઇન્સ 25 એપ્રિલથી દુબઈ અને ભારત વચ્ચેની ફ્લાઇટ્સ 10 દિવસ માટે સ્થગિત કરશે access_time 7:57 pm IST