Gujarati News

Gujarati News

News of Friday, 23rd April 2021

માતાજીના દર્શને જતાં કુબલીયાપરાના સાળા અને બનેવીને અકસ્માત, બનેવી વિશાલ ગોહેલનું મોત

ત્રણ સંતાનોએ પિતાની છત્રછાંયા ગુમાવીઃ સાળા વિશાલ પરમારને ગંભીર ઇજા

રાજકોટ તા. ૨૩: માંડા ડુંગરથી આગળ મહિકાના પાટીયા નજીક વિઠ્ઠલવાવ પાસે બાઇક ફૂટપાથમાં અથડાતાં કુબલીયાપરા-૫માં રહેતો વિશાલ દિલીપભાઇ ગોહેલ (દેવીપૂજક) (ઉ.વ.૩૨) અને પાછળ બેઠેલો તેનો સાળો વિશાલ ચમનભાઇ પરમાર (ઉ.વ.૩૦) બંને ફંગોળાઇ જતાં ગંભીર ઇજા થતાં સિવિલ હોસ્પિટલમાં ખસેડાયા હતાં. જેમાં બનેવી વિશાલ સોલંકીનું મોત નિપજ્યું હતું. બંને સાળો-બનેવી મહિકા ગામે માતાજીના દર્શન કરવા જવા નીકળ્યા હતાં ત્યારે આ બનાવ બન્યો હતો.

આજીડેમ પોલીસને જાણ થતાં પીએસઆઇ એમ. ડી. વાળાએ મૃતકના માતા રસિલાબેન દિલીપભાઇ ગોહેલ (ઉ.૪૫)ની ફરિયાદ પરથી વિશાલ સામે બેદરકારીથી બાઇક નં. જીજે૦૩એલજે-૬૧૩૫ ચલાવી અકસ્માત સર્જી પોતાનું મોત નિપજાવવાનો અને સાળા વિશાલને ઇજા પહોંચાડવાનો ગુનો નોંધ્યો છે.

મૃત્યુ પામનાર વિશાલ ત્રણ ભાઇ અને એક બહેનમાં મોટો હતો અને મજૂરી કરતો હતો. વિશાલને સંતાનમાં એક પુત્રી અને બે પુત્ર છે જેણે પિતાની છત્રછાંયા ગુમાવતાં પરિવારમાં ગમગીની વ્યાપી ગઇ છે.

(11:04 am IST)
  • કોરોના વેક્સીનનો પહેલો ડોઝ લીધા બાદ 65 ટકા ખતરો થાય છે ઓછો : બ્રિટનમાં તથયેલા અભ્યાસમાં ખુલાસો :એસ્ટ્રોઝનિકા કોવીશીલ્ડ અથવા ફૈઝર વેક્સીન માટે કરાયો દાવો : સપ્ટેમ્બર 2020થી 2021 દરમિયાન બ્રિટનમાં 3.5 લાખ લોકોના રિપોર્ટનું કરાયું વિશ્લેષણ access_time 12:12 am IST

  • કલેકટરની મહત્વની જાહેરાત : રાજકોટમાં ઓક્સિજનનો પ્રશ્ન ૮૦ થી ૯૦% સોલ્વ થઈ ગયો છે : સવારમાં ૧૭ ટન ઓક્સિજન આવી ગયો છે : ૩૩ ટનના બે ટેન્કર કલાકથી બે કલાકમાં આવી જશે અને સાંજ સુધીમાં ૫૦ ટન ઓક્સિજન રાજકોટમાં ઠલવાઈ જશે : ભાવનગરથી ૧૦ ટન ઓક્સિજન સાંજ સુધીમાં આવી જશે : દરેક ટેન્કરમાં ૧૭ થી ૧૮ હજાર મેટ્રીક ટન લીટર ઓક્સિજન હોય છે : રાજકોટને ૧૦ ટનની જરૂરીયાત છે તે મુજબ કાર્યવાહી થઈ રહી છે : ૩૦થી વધુ અધિકારીની ટીમ ઓક્સિજન બાબતે કામ કરી રહી છે : ડે. કલેકટર જે.કે. જગોડા, એડી.કલેકટર જે.કે. પટેલ તથા અડધો ડઝન મામલતદારો અને સ્ટાફ સિવિલ, સમરસ, કેન્સર તથા પ્રાઈવેટ હોસ્પિટલોમાં ઓક્સિજન પહોચે તે અંગે વ્યવસ્થા કરી રહ્ના છે access_time 12:16 pm IST

  • દિલ્હીનાં ભાજપ સાંસદ મનોજ તિવારી કોરોના વાયરસથી સંક્રમિત થયા છે અને તેઓ હોમ આઇસોલેટ થયા છે. access_time 3:51 pm IST