Gujarati News

Gujarati News

News of Saturday, 23rd March 2019

ગોવર્ધન ગૌશાળાના લાભાર્થે યોજાયેલ વિરાટ સોમયજ્ઞનું સમાપન

ઇન્દોર, મધ્યપ્રદેશ, દુબઇ, લંડનથી આવેલ વૈષ્ણવોએ યજ્ઞ દર્શનનો લીધો લ્હાવો : સહયોગી બનનારનો આભાર વ્યકત કરતા વાડોલીયા

રાજકોટ : વિશ્વ કલ્યાણની ભાવના સાથે શ્રી ગોવર્ધન ગૌશાળાના લાભાર્થે રાજકોટના આંગણે ગોસ્વામી શ્રી ગોકુલોત્સવજી મહારાજ, ઇન્દોર એવમ ગોસ્વામી શ્રી વ્રજોત્સવજી મહારાજ, શ્રી ઉમંગ બાવાળરીની આજ્ઞાથી વિરાટ સોમયજ્ઞ મહયોત્સવનું આયોજન થયુ હતુ. વૈષ્ણવ મંડળો, સેવા ભાવી મંડળો, મહીલા મંડળોના સહયોગથી યજ્ઞ કાર્ય પૂર્ણ થયેલ છે. આયોજન સમિતિના કન્વીનર પૂર્વ કોર્પોરેટર જેરામભાઇ વાડોલીયા, ગોવર્ધન ગૌશાળાની ટીમ દ્વારા ૧૫૦ ફુટ રીંગ રોડ, દ્વારકેશ હાઇટસની બાજુમાં લલિતભાઇ ભાલોડીયાના મેદાનમાં વિશાળ યજ્ઞ કુંડ તૈયાર કરવામાં આવ્યો હતો. જયારે ભાવિકો માટે પ્રસાદની વ્યવસ્થા પી. ટી. જાડેજા ઓલ ઇન્ડિયા રાજપુત સમાજ પ્રમુખના ગ્રાઉન્ડમાં ગોઠવવામાં આવી હતી. દરરોજ બહોળી સંખ્યામાં ધર્મપ્રેમીજનો યજ્ઞ દર્શન અને પ્રસાદનો લ્હાવો લઇ રહ્યા હતા. વરીયા વૈષ્ણવ પ્રજાપતિ યુવક મંડળે પ્રસાદ વ્યવસ્થા અને સોમયજ્ઞની અન્ય સેવા સંભાળી હતી. વિષ્ણુ ગોપાલ યજ્ઞમાં ૭૦૦ થી વધારે નવદંતિઓએ સાતકે બેસવાનો લાભ લીધો હતો. નિઃસંતાન દંપતિઓએ ગોદભરાઇ માટે શ્રી વહુજી મારાજશ્રી પાસે આશીર્વાદ લીધા હતા. અન્ય દુઃખ દર્દ મટાડવા શ્રી ગોકુલોત્સવજી મહારાજ પાસે આશીર્વાદ લીધા હતા. લાખોની સંખ્યામાં વૈષ્ણવોએ યજ્ઞ દર્શનનો લાભ લીધો હતો. બંડી, ધોતી ધારી સ્વયંસેવકોએ કાબીલે દાદ સેવા આપી હતી. મુખ્ય યજમાન બીપીનભાઇ હદવાણી, રાજુભાઇ કાલરીયા, સુનિલભાઇ મહેતા, કિશોરભાઇ સાવલીયા, મનેષ માડેકા, ભીખાભાઇ વિરાણી, કૃષ્ણકાન્તભાઇ ધોળકીયા, જેરામભાઇ વાડોલીયા, જેન્તીભાઇ સખિયા, પ્રકાશભાઇ ચોટાઇ, પ્રભુદાસભાઇ પારેખ, દિલીપભાઇ સોમૈયા, વિનુભાઇ પારેખ, સુખાભાઇ કોરડીયા, જગદીશભાઇ હરીયાણી તેમજ સામગ્રીના દાતાઓનો સહકાર મળેલ. સમગ્ર યજ્ઞ કાર્યને સફળ બનાવવા ગોવર્ધન ગૌ શાળા અને વરીયા વૈષ્ણવ પ્રજાપતિ યુવક મંડળના લલિત વાડોલિયા, હરેશ વાડોલિયા, સુરેશભાઇ સંચાણિયા, પ્રવિણભાઇ સંચાણિયા, સુરેશભાઇ નળીયાપરા, પ્રતાપ નળીયાપરા અને ટીમે જહેમત ઉઠાવી હતી. રાજવી પરિવારના માંધાતાસિંહ તેમજ  યુવરાણીજીએ પણ દર્શનનો લાભ લીધો હતો. ઇન્દોર, મધ્યપ્રદેશ, લંડન, દુબઇથી વૈષ્ણવો ઉપસ્થિત રહ્યા હતા. સમગ્ર આયોજનમાં સહયોગી બનનાર તમામનો  યજ્ઞ કન્વીનર જેરામભાઇ વાડોલીયાએ આભાર વ્યકત કરેલ છે.

(3:23 pm IST)
  • આતંકી હુમલાનો જવાબ ન આપવો જોઈએ : સેના સામે સવાલો ઉઠાવવો કેટલો યોગ્ય? : શ્યામ પિત્રોડાના સવાલો પર અમિત શાહના પ્રહારોઃ ભાજપના રાષ્ટ્રીય અધ્યક્ષ અમિતભાઈ શાહે પ્રેસ કોન્ફરન્સમાં કહ્યું કે આતંકવાદ અને અલગવાદ ખતમ કરવા કાર્યવાહી થઈ છે : આતંકી હુમલાનો જવાબ ન આપવો જોઈએ : કોંગ્રેસને સવાલો પૂછતા કહ્યું કે પાકિસ્તાન સાથે વાતચીત કરવા અંગે સહમત છો? રાહુલ ગાંધી દેશની જનતાને જવાબ આપે : સેનાની સામે સવાલો ઉઠાવવા કેટલા યોગ્ય ? રાહુલ ગાંધી જનતાની માફી માગે : યુપીએ સરકારે કેમ પાકિસ્તાન સામે કાર્યવાહી ન કરી access_time 3:18 pm IST

  • ખુમાનસિંહ ચૌહાણની કોંગ્રેસમાં વાપસી દેશનો યુવાન લાલચમાં ફસાયો છે મનદુઃખ થતા કોંગ્રેસ છોડી હતી : દેશની લોકશાહી અત્યારે ખતરામાં છેઃ કોંગ્રેસમાં ઘરવાપસી પર આનંદ છે : એજન્સીઓનો મોટો દુરૂપયોગ : કોંગ્રેસમાં ફરી પૂર્વવત સક્રિય થશે : ખુમાનસિંહ ચૌહાણ સાવલી - વડોદરાના છે access_time 5:32 pm IST

  • ઉમા ભારતી ચૂંટણી નહિં લડે : કેન્દ્રીય કેબીનેટ મંત્રી ઉમા ભારતીએ અમિત શાહને પત્ર લખી જણાવ્યંુ દોઢ વર્ષ સુધી ચૂંટણી નહિં લડે : પક્ષ આ પ્રસ્તાવનો સ્વીકાર કરે તેવી માંગ તેઓએ ઉઠાવી : સંગઠન માટે કામ કરવા તત્પરતા બતાવી access_time 5:31 pm IST