Gujarati News

Gujarati News

News of Tuesday, 23rd February 2021

રાજકોટ વોર્ડ નં.16માં ભાજપના રૂચિતાબેન માત્ર 11 મતે વિજેતા બન્યા: કોંગ્રેસના હાથમાં આવેલો કોળિયો ઝુંટવાયો

કોંગ્રેસના રસીલાબેન ગેરીયાને 8589 મત ભાજપના રૂચિતાબેન જોશીને 8600 મત મળ્યા

અમદાવાદ : રાજ્યમાં મહાનગરોની મતગણતરી બાદ પરિણામોમાં ભાજપનો ભવ્ય વિજય થયો છે મુખ્યમંત્રી રૂપાણીના  રાજકોટમાં કોંગ્રેસના સૂપડા સાફ થયા છે. રાજકોટની કુલ 72 બેઠકોમાં મોટા ભાગની સીટો પર ભાજપના ઉમેદવારો વિજેતા જાહેર થયા છે ચૂંટણીમાં ઓછા વોટિંગને પરિણામે ઘણાં વિસ્તારોમાં ઉમેદવારો હરિફ કરતાં લીડ ફક્ત બે આંકડામાં જોવા મળી છે. રાજકોટ ભાજપના મહિલા ઉમેદવાર ફક્ત 11 મતે વિજેતા બન્યા છે.

ભાજપે રાજ્યની તમામ 6 મહાનગરપાલિકાઓમાં ભાજપનો દબદબો યથાવત રહ્યો છે. રાજકોટ મહાનગરપાલિકાની ચૂંટણીના પરિણામોની ગણતરી ચાલુ છે ત્યારે કેટલીક જગ્યાએ ઉમેદવારો જીત પણ મેળવી ચૂક્યા છે. ત્યારે રાજકોટમાં ભાજપના મહિલા ઉમેદવાર માત્ર 11 મતે વિજેતા બન્યા છે. રાજકોટના વોર્ડ નં.16માં ભાજપના રૂચિતાબેન માત્ર 11 મતે વિજેતા બન્યા છે.

કોંગ્રેસના રસીલાબેન ગેરીયાને 8589 મત મળ્યા છે. જ્યારે ભાજપના રૂચિતાબેન જોશીને 8600 મત મળ્યા મળ્યા છે.

(11:58 pm IST)
  • ચામુંડા વાસે ત્રણ જ દિવસમાં શ્રીલંકાના બોલિંગ કોચ પદ છોડ્યું :ત્રણ દિવસ પહેલા જ ટીમના બોલિંગ કોચ પદે નિયુક્ત થયેલા ચામુંડા વસે અચાનક રાજીનામુ આપ્યું : શ્રીલંકા ક્રિકેટ એસો, સાથે પૈસાને લઈને વિવાદ હોવાથી રાજીનામુ આપ્યાનું મનાય છે access_time 11:02 am IST

  • મતદારોએ આખે આખી પેનલો વીજયી બનાવીઃ નવી પેટર્ને આશ્ચર્ય સર્જયુઃ એક પણ વોર્ડમાં ક્રોસ વોટીંગ નહી! access_time 3:58 pm IST

  • ૪ કોર્પોરેશનના તમામ પરિણામો જાહેર : (૧) રાજકોટ : ૭૨માંથી ૬૮ ભાજપ, ૪ કોંગ્રેસ (૨) જામનગર : ૬૪માંથી ૫૦ ભાજપ, ૧૧ કોંગ્રેસ, ૩ બસપા (૩) ભાવનગર : ૫૨માંથી ૪૪ ભાજપ, ૮ કોંગ્રેસ (૪) વડોદરા : ૭૬માંથી ૬૬ ભાજપ, ૧૦ કોંગ્રેસ : અમદાવાદ - સુરતની કેટલીક બેઠકોની ગણત્રી ચાલુ છે ત્યારે અમદાવાદમાં ૧૯૨માં ૧૩૯ બેઠકો ભાજપ મેળવે છે, કોંગ્રેસ ૧૫ અને ૧ અન્ય પક્ષને, મોડે સુધી ગણત્રી ચાલશે. જયારે સુરતમાં ૧૨૦ બેઠકમાંથી ૯૩ બેઠક ભાજપ મેળવી રહ્યું છે (૫૫ જાહેર થઈ), ૨૫ બેઠક ઉપર આપનો વિજય, ૨ ઉપર આપ આગળ છે, કોંગ્રેસને એક પણ મળી નથી. access_time 4:57 pm IST