Gujarati News

Gujarati News

News of Tuesday, 23rd February 2021

રાજકીય અખાડો બની ગયેલ...

સૌરાષ્ટ્ર યુનિવર્સિટીની ગુણવત્તા તળીયેઃ B ગ્રેડ

કરોડોના ખર્ચે સંશોધનો.. લાખોનો પગાર કટકટાવતા અધ્યાપકો...શાનદાર સુવિધા છતાં નેક મૂલ્યાંકનમાં નાપાસ... A ગ્રેડ છીનવાયો... અનેક સુધારા કરવા અને વિદ્યાર્થી કલ્યાણ પ્રવૃતિઓ શરૃ કરવા પર ભાર

રાજકોટ, તા. ૨૩ :. સૌરાષ્ટ્રનું ઉચ્ચ શિક્ષણધામ સૌરાષ્ટ્ર યુનિવર્સિટીની ગુણવત્તા સાવ તળીયે ગઈ છે. અગાઉ એ-ગ્રેડથી પ્રકાશીત થતી સૌરાષ્ટ્ર યુનિવર્સિટીને બી-ગ્રેડ મળ્યો છે.

સૌરાષ્ટ્ર યુનિવર્સિટીને બી ગ્રેડ મળતા છાત્રો - અધ્યાપકોમા નિરાશા છવાઈ ગઈ છે. રાજકીય દ્રષ્ટિકોણથી થતા તમામ નિર્ણયોને કારમે રાજકીય અખાડો બની ગયેલ સૌરાષ્ટ્ર યુનિવર્સિટીને નેક કમિટિ દ્વારા ૨.૪૯ ગુણ મળ્યા છે. સૌરાષ્ટ્ર યુનિવર્સિટીને બી ગ્રેડ મળવાની સાથે જ લાખો વિદ્યાર્થીઓને ભારે આંચકો લાગ્યો છે.

સૌરાષ્ટ્ર યુનિવર્સિટીના પૂર્વ કુલપતિ ડો. પ્રતાપસિંહ ચૌહાણ અને વર્તમાન કુલપતિ ડો. નીતિનભાઈ પેથાણીના ૨૦૧૪થી ૨૦૧૯ના કાર્યકાળ દરમિયાન થયેલ કાર્યોની ગંભીર નોંધ નેક કમિટિએ લીધી છે.

કરોડોના ખર્ચે સંશોધનો તેમજ દર મહિને લાખો રૃપિયાના પગાર કટકટાવતા અધ્યાપકોની કાર્યદક્ષતા સામે સવાલો ઉભા થયા છે. વિદ્યાર્થી કલ્યાણની પ્રવૃતિ ઓછી હોવાનું નેક કમિટિએ નોંધ્યુ છે.

નેક કમિટિ દ્વારા બી ગ્રેડ મળતા સૌરાષ્ટ્ર યુનિવર્સિટીમાં સોપો પડી ગયો છે.

(4:32 pm IST)
  • 'આપ'ના રાજભા ઝાલાને માત્ર ૧૧૨૦ મત મળ્યા : બીજા રાઉન્ડના અંતે બપોરે ૨ વાગે 'આપ'ના અગ્રીમ નેતા અને ભાજપના સ્ટેન્ડીંગ ચેરમેન રહી ચૂકેલા, ભાજપ સામે ઉપવાસ આંદોલન કરનાર શ્રી રાજભા ઝાલાને પ્રજાએ સંપૂર્ણ જાકારો આપ્યો છેઃ બીજા રાઉન્ડના અંતે રાજભાને ૧૧૨૦ મત મળ્યા છેઃ જયમીન ઠાકરને ૩૮૪૫, મનીષ રાડીયા ૩૪૩૫૭ access_time 3:57 pm IST

  • રાજકોટના વોર્ડ નં.૯માં ભાજપની પેનલનો ભવ્ય વિજય : અત્યાર સુધીમાં સૌથી વધુ ૧૩ હજારની લીડથી જીત : રાજકોટ વોર્ડ નં.૨માં બીજા રાઉન્ડમાં પણ ભાજપની પેનલ આગળ access_time 1:50 pm IST

  • ૪ કોર્પોરેશનના તમામ પરિણામો જાહેર : (૧) રાજકોટ : ૭૨માંથી ૬૮ ભાજપ, ૪ કોંગ્રેસ (૨) જામનગર : ૬૪માંથી ૫૦ ભાજપ, ૧૧ કોંગ્રેસ, ૩ બસપા (૩) ભાવનગર : ૫૨માંથી ૪૪ ભાજપ, ૮ કોંગ્રેસ (૪) વડોદરા : ૭૬માંથી ૬૬ ભાજપ, ૧૦ કોંગ્રેસ : અમદાવાદ - સુરતની કેટલીક બેઠકોની ગણત્રી ચાલુ છે ત્યારે અમદાવાદમાં ૧૯૨માં ૧૩૯ બેઠકો ભાજપ મેળવે છે, કોંગ્રેસ ૧૫ અને ૧ અન્ય પક્ષને, મોડે સુધી ગણત્રી ચાલશે. જયારે સુરતમાં ૧૨૦ બેઠકમાંથી ૯૩ બેઠક ભાજપ મેળવી રહ્યું છે (૫૫ જાહેર થઈ), ૨૫ બેઠક ઉપર આપનો વિજય, ૨ ઉપર આપ આગળ છે, કોંગ્રેસને એક પણ મળી નથી. access_time 4:57 pm IST