Gujarati News

Gujarati News

News of Tuesday, 23rd February 2021

હથિયાર, મારામારી અને દારૂના અનેક ગુનામાં સામેલ પ્રતિપાલ ઉર્ફે પપ્પુ પાસામાં ધકેલાયો

પ્ર.નગર પોલીસે વોરંટની બજવણી કરી બુટલેગરને ભુજ જેલમાં ધકેલી દીધો

રાજકોટ તા. ૨૩ : શહેરના પ્રદ્યુમનનગર પોલીસ મથક હેઠળના વિસ્તારમાં હથિયાર, મારામારી અને વિદેશી દારૂના ગુનામાં સામેલ શખ્સને પાસામાં ધકેલી દીધો હતો.

મળતી વિગત મુજબ પ્રદ્યુમનનગર પોલીસ મથક હેઠળના વિસ્તારમાં વિદેશી દારૂના જથ્થા સાથે અનેક વખત પકડાયેલા અને અગાઉ હથિયાર તેમજ મારામારીના ગુનામાં પકડાયેલા પ્રતિપાલ ઉર્ફે પપ્પુ અકુલભાઇ ગોંડલીયા (ઉ.૨૮) (રહે. રેલનગર ભગવતી હોલ પાછળ અર્પણ પાર્ક શેરી નં. ૩)ને પાસામાં ધકેલવા માટે પીસીબી શાખાના ઇન્ચાર્જ પી.આઇ. આર.વાય.રાવલ તથા હેડ કોન્સ. રાજુભાઇ, ઇન્દ્રવિજયસિંહએ દરખાસ્ત કરતા પોલીસ કમિશનર શ્રી મનોજ અગ્રવાલે વોરંટ ઇશ્યુ કરતા પ્ર.નગર પોલીસ મથકના પી.આઇ. એલ.એલ.ચાવડા, પીએસઆઇ કે.ડી.પટેલ, એએસઆઇ સંજયભાઇ દવે, હેડ કોન્સ. જનકભાઇ, દેવશીભાઇ, વિજયરાજસિંહ, હરેશભાઇ, યુવરાજસિંહ કુલદીપસિંહ, અક્ષયભાઇ, અશોકભાઇ તથા મહાવિરસિંહએ વોરંટની બજવણી કરી પ્રતિપાલ ઉર્ફે પપ્પુ ગોંડલિયાની પાસા હેઠળ અટકાયત કરી ભુજ જેલમાં ધકેલી દીધો હતો.

(2:39 pm IST)
  • રાજકોટ વોર્ડ નં.૧૬ ભાજપના રૂચીતાબેન જોશી માત્ર ૧૧ મતથી જીત્યાઃ ફરી ગણતરીની માંગની શકયતા :વોર્ડ નં.૧૬ના ભાજપના ઉમેદવાર રૂચીતાબેન જોશીને ૮૬૦૦ અને કોંગ્રેસના રસિલાબેન ગેરૈયાને ૮૫૮૯ મત મળેલ માત્ર ૧૧ મતનો ફર્ક પડતા કોંગ્રેસ ફરીથી મતગણતરી કરાવે તેવી શકયતા access_time 3:59 pm IST

  • ૨૨ વર્ષની પાયલ પાટીદાર ‘આપ’ પાર્ટીની ટીકીટ ઉપરથી વિજેતા બનીઃ સૌથી નાની વયે વિજય મેળવ્યો : સુરતમાં કેજરીવાલના ‘આપ’ પક્ષના ઉમેદવાર પાયલ પાટીદાર માત્ર ૨૨ વર્ષની ઉંમરે વિજેતા બન્યા છે. ગુજરાતમાં કદાચ તેઓ સૌથી નાની વયના વિજેતા ઉમેદવાર જાહેર થાય તેવી સંભાવના access_time 4:46 pm IST

  • 'આપ'ના રાજભા ઝાલાને માત્ર ૧૧૨૦ મત મળ્યા : બીજા રાઉન્ડના અંતે બપોરે ૨ વાગે 'આપ'ના અગ્રીમ નેતા અને ભાજપના સ્ટેન્ડીંગ ચેરમેન રહી ચૂકેલા, ભાજપ સામે ઉપવાસ આંદોલન કરનાર શ્રી રાજભા ઝાલાને પ્રજાએ સંપૂર્ણ જાકારો આપ્યો છેઃ બીજા રાઉન્ડના અંતે રાજભાને ૧૧૨૦ મત મળ્યા છેઃ જયમીન ઠાકરને ૩૮૪૫, મનીષ રાડીયા ૩૪૩૫૭ access_time 3:57 pm IST