Gujarati News

Gujarati News

News of Tuesday, 23rd February 2021

છ સ્થળોએ ચાંપતા બંદોબસ્ત વચ્ચે થઇ મતગણતરીઃ ઉમેદવારો કાર્યકરો જીતના વિશ્વાસ સાથે પહોંચી ગયાઃ અમુકે ગણતરી પહેલા જ શુભેચ્છાઓ પાઠવી દીધી

રાજકોટઃ રાજ્યની છ મહાનગર પાલિકાઓની રવિવારે યોજાયેલી ચુંટણીની આજે મત ગણતરી શરૂ થતાં જ ભાજપ-કોંગ્રેસ સહિતના ઉમેદવારો પોતે ચોક્કસ જીતે છે...એવા વિશ્વાસ સાથે મત ગણતરીના કેન્દ્રો પર કાર્યકરો સાથે પહોંચી ગયા હતાં. રાજકોટ શહેર મહાનગર પાલિકાની ચુંટણીની મતગણતરી છ અલગ અલગ કેન્દ્રો પર રાખવામાં આવી હોઇ તમામ સ્થળે શહેર પોલીસે ચાંપતો બંદોબસ્ત અગાઉથી જ ગોઠવી રાખ્યો હતો. તસ્વીરોમાં ચોૈધરી હાઇસ્કૂલ, એવીપીટી કોલેજ અને પી.ડી. માલવીયા કોલેજ ખાતેના મતગણતરી કેન્દ્રો પર પોલીસ, સીઆરપીએફ, બીએસએફના જવાનોનો ચુસ્ત બંદોબસ્ત, ચેકીંગ કાર્યવાહી તથા ઉમેદવારોએ મત ગણતરી શરૂ થાય એ પહેલા જ એકબીજાને શુભેચ્છા પાઠવી ભેટીને વિજયોત્સવ મનાવવાની શરૂઆત કરી દીધી હતી તે દ્રશ્ય જોઇ શકાય છે. અન્ય તસ્વીરોમાં વોર્ડ નં. ૧૩ના કોંગી ઉમેદવાર જાગૃતિબેન ડાંગર તેમની પેનલના ઉમેદવારો સાથે, બીજી તસ્વીરમાં કોંગ્રેસના રણજીત મુંધવા અને તેની પેનલના ઉમેદવારો, કાર્યકરો, ભાજપના સુરેન્દ્રસિંહ વાળા અને તેની પેનલ, નીચેની તસ્વીરમાં ભાનુબેન બાબરીયા તથા તેમની પેનલના ઉમેદવારો, ભાજપના દેવાંગ માંકડ તથા નેહલ શુકલ અને બીજા ઉમેદવારો, કાર્યકરો, તથા સોૈથી નીચે કોંગ્રેસના વશરામભાઇ સાગઠીયા તથા બીજા ઉમેદવારો, ભાજપના નીરૂભા વાઘેલા અને ઉમેદવારો તથા સોૈથી છેલ્લે  કોંગ્રેસના ઉમેદવાર રણજીત સાગઠીયા તથા કાર્યકરો જોઇ શકાય છે. સવારે પોણા દસ સુધીમાં છએય મહાનગર પાલિકામાં થયેલી ગણતરી મુજબ રાજકોટ, અમદાવાદ, સુરત, વડોદરા, ભાવનગર, જામનગરમાં તમામ શહેરોમાં ભાજપનો ઘોડો આગળ દોડી રહ્યો હતો. રાજ્યમાં ૯૫ બેઠકો પર ભાજપ આગળ અને ૨૫ બેઠકો પર કોંગ્રેસ આગળ હતું. (ફોટોઃ અશોક બગથરીયા)

(11:54 am IST)
  • ગૂગલની પ્રસિદ્ધ એપ્પ ગુગલ પ્લે મ્યુઝિક થશે બંધ : છેલ્લા આઠ વર્ષથી ચાલતી આ એપને સંપૂર્ણપણે બંધ કરવા નિર્ણય :એવું મનાય છે કે ગુગલ પ્લે મ્યુઝિકને યુટ્યુબ મ્યુઝિક એપથી રિપ્લેસ કરાશે :ગૂગલે ડિસેમ્બર 2020માં પ્લે મ્યુઝિકનું સંચાલન બંધ કર્યું હતું જેને હવે યૂટ્યૂબ મયુઈકમાં બદલાવી રહ્યાં છે access_time 11:25 pm IST

  • કોંગ્રેસ પ્રમુખ અમિત ચાવડાના કૌટુંબિક ભાઈ પ્રશાંત ચાવડાએ ભગવો ધારણ કર્યો, રાજ્યસભાના પૂર્વ સાંસદ લાલસિંહ વડોદીયાએ આણંદમાં ખેસ પહેરાવી કર્યું સ્વાગત access_time 1:05 am IST

  • સુરતમાં ૧૨૦ બેઠકમાંથી ભાજપ ૫૫ બેઠક ઉપર જીત મેળવી ચૂકયુ છે : ૧૯ બેઠકમાં આગળ છે : ‘આપ’ પાર્ટીએ ૨૫ બેઠક મેળવી ભાજપના પગે પાણી લાવી દીધા : ગજબની રસાકસી : કોંગ્રેસનું નામો નિશાન ભૂંસાઈ ગયું : પાટીદાર ફેક્ટરે મોટો અપસેટ સર્જયો access_time 4:45 pm IST