Gujarati News

Gujarati News

News of Saturday, 23rd January 2021

ચેકીંગ માટે અટકાવાતાં ભગાવાયેલી કારને રોકતાં કારચાલક યુવતિ અને તેના માતાની મહિલા પીએસઆઇ સાથે ભારે ધમાલ

યુવતિએ કહ્યું હોસ્પિટલે જવાનું મોડુ થતું હતું: એ પછી તેણીના પ્રોફેસર માતા આવી પહોંચતા ભારે દેકારો થયોઃ મામલો પોલીસ સુધી પહોંચ્યા પછી ૫૦૦નો દંડ વસુલાયો અને બંને વિરૂધ્ધ લેખિત અરજી આપવામાં આવી

રાજકોટઃ શહેરના રેસકોર્ષ રીંગ રોડ પર મહિલા પોલીસ સ્ટેશનની બહાર ગત સાંજે વાહન ચેકીંગ વખતે એએઅસાઇ વિજયભાઇ સોલંકી તથા બીજા મહિલા કોન્સ્ટેબલે એક કારને અટકાવતાં તેની ચાલક યુવતિએ કાર રોકવાને બદલે ભગાવી મુકતાં પોલીસે પીછો કરી બહુમાળી ભવન પાસે કાર આંતરી લીધી હતી. એ પછી મહિલા પીએસઆઇ જલવાણી સહિતના પણ પહોંચતા અને કારચાલક યુવતિ પાસે ગાડીના કાગળો, લાયસન્સ સહિતના દસ્તાવેજો માંગતા યુવતિએ પોતે કલાસ ટુ ઓફિસર હોવાનું કહી તમે બુટલેગરોને આ રીતે પકડી બતાવો તેમ કહી હોબાળો મચાવતાં લોકોના ટોળા ભેગા થઇ ગયા હતાં. સહિતના સ્ટાફે  બેલ્ટ વિના નિકળેલી યુવતિની કારને મહિલા પીએસઆઇએ રોકતા કાર ભગાવી મૂકીૅં પીછો કરી પકડતા ભારે દેકારો મચાવ્યો, પોતે અધિકારી હોવાની ઓળખ આપી મહિલા પીએઅસાઇ સાથે ઝપાઝપી કરી લીધી હતી. એ પછી એ યુવતિએ ફોન કરી પોતાના અધ્યાપિકા માતાને બોલાવતાં તેની પણ પોલીસ સાથે ભારે ચડભડ થઇ હતી. કન્ટ્રોલ રૂમમાં જાણ થતાં પ્ર.નગર પોલીસની પીસીઆર પણ આવી પહોંચી હતી અને મામલો પોલીસ સ્ટેશન સુધી પહોંચ્યો હતો. જો કે બાદમાં રૂ. ૫૦૦નો દંડ લઇ યુવતિને જવા દેવાઇ હતી. પોલીસ સુત્રોના કહેવા મુજબ પોલીસ સ્ટેશને બધાને લઇ જવાયા ત્યારે મોબાઇલથી વિડીયો પણ ઉતારવા માંડતાં તે મામલે પણ તણખા ઝર્યા હતાં. આ મામલે મહિલા પોલીસ મથકના એએસઆઇએ લેખિતમાં અરજી આપી છે. જેમાં યુવતિનું નામ વિધીશાબેન જોષી તથા તેના માતા નેહલબેન જાની હોવાનું જણાવાયું છે. આ બંને સામે યોગ્ય પગલા લેવા અરજીમાં જણાવાયું છે. તસ્વીરમાં બહુમાળી ભવન ચોકમાં હોબાળો મચ્યો અને લોકો ભેગા થયા તે દ્રશ્ય, કાર ચાલક યુવતિ અને વિગતો જણાવતાં મહિલા પીએસઆઇ કે. જી. જલવાણી જોઇ શકાય છે. અધ્યાપિકા નેહલબેનએ ખુલાસો કર્યો હતો કે દિકરીને હોસ્પિટલના કામે જવાની ઉતાવળ હોવાથી તેણે કાર ઉભી રાખી નહોતી. પોલીસે પીછો કરી તેને અટકાવી અયોગ્ય વર્તન કર્યુ હતું.

(3:29 pm IST)
  • કોરોના કેસોમાં, દેશમાં કેરળ અને મહારાષ્ટ્ર સતત ટોચ ઉપર : છેલ્લા ૨૪ કલાકમાં કેરળમાં ૭ હજાર આસપાસ અને મહારાષ્ટ્રમાં ૩૦૦૦ આસપાસ નવા કોરોના કેસ નોંધાયા : આસામમાં સૌથી ઓછા ૧૭, હિમાચલમાં ૪૧, ગોવામાં ૭૦, ઝારખંડ ૭૫, જમ્મુ અને કાશ્મીર ૮૮, ઉત્તરાખંડ ૧૧૦ કેસ નોંધાયા છે : ૪૫૧ નવા કેસ સાથે દેશભરમાં ગુજરાત છઠ્ઠા નંબરે access_time 11:33 am IST

  • પંજાબના બે પોલ્ટ્રી ફાર્મમાં બર્ડ ફ્લૂની પુષ્ટિ : 50 હજાર મરઘીઓને મારી નાખવાનું અભિયાન આજ 22 જાન્યુઆરીથી શરૂ : પી.પી.ઈ.કીટ પહેરી જુદી જુદી ટીમો કામગીરી શરૂ કરી દેશે access_time 12:40 pm IST

  • ઉત્તર પ્રદેશમાં ધુમ્મસભર્યા માહોલ વચ્ચે ઠંડીનો જોરદાર ધ્રુજારો : વેસ્ટર્ન ડિસ્ટર્બનસની અસરથી ઉત્તર પ્રદેશમાં ફરી વાતાવરણમાં પલ્ટો આવ્યો છે. લખનઉ સહિત અનેક જિલ્લાઓમાં ધુમ્મસભર્યુ વાતાવરણ રહેલ. હવામાન વિભાગના જણાવ્યા મુજબ આગામી દિવસોમાં પણ ઠંડીમાંથી રાહત મળવાની નથી. ઠંડા પવનો ફૂંકાવાના કારણે લોકો ઠુઠવાઈ રહ્યા છે. દરમિયાન પહાડી પ્રદેશોમાં બરફવર્ષાના પગલે યુ.પી.ના અનેક જિલ્લાઓમાં ઠંડીનું મોજુ ફરી વળશે access_time 2:29 pm IST