Gujarati News

રાજકોટ, તા. ર૩ : રાજયમાં વિધાનસભાની ચૂંટણી પછી નવી સરકારની રચનાને એક મહિનો પૂરો થવા આવ્યો છે, પરંતુ હજુ જુના મંત્રીઓને ત્યાંથી મુકત થયેલા અધિકારીઓની નવી નિમણૂકનું ઠેકાણુ નથી.

નવા મંત્રીઓને પણ સ્ટાફની ફાળવણી થઇ નથી. કુલ આઠ જેટલા અધિક કલેકટર કક્ષાના અધિકારીઓ ઉપરાંત સચિવાલય કેડરના મળી કુલ વીસથી વધુ અધિકારીઓ નિમણૂંક માટે પ્રતિક્ષામાં હોવાનું જાણવા મળે છે. નવા મંત્રીઓએ પસંદગીના સ્ટાફની યાદી મુખ્યમંત્રીને મોકલી દીધી છે. સરકારની અનિર્ણાયકતાના કારણે ર૦થી વધુ ઉચ્ચ અધિકારીઓ વિધિવત કોઇ કામ વિના પગાર મેળવી રહ્યાનું જાણવા મળે છે.