Gujarati News

Gujarati News

News of Tuesday, 22nd October 2019

મોટર વ્હીકલ એકટના નવા સુધારા અને સમાધાન શુલ્ક વિશે સમજ આપવા મોટિવેશન સેમિનાર યોજાયો

પોલીસ કમિશનરના અધ્યક્ષ સ્થાને મોટિવેશન સ્પીકર શૈલેષ સગપરીયા અને બીજા અધિકારીઓએ વિસ્તૃત સમજ આપીઃ ટ્રાફિક પોલીસની કામગીરી બિરદાવાઇઃ ડીસીપી મનોહરસિંહ જાડેજા, અસીપી બી. એ. ચાવડાની સફળ જહેમત

રાજકોટઃ કેન્દ્ર સરકાર દ્વારા મોટર વ્હીકલ એકટમાં કરેલા સુધારા અને સમાધાન શુલ્ક અન્વયે ગુજરાત સરકારે લીધેલા નિર્ણય અંગે જાણકારી અને ટ્રાફિક નિયમન અમલીકરણ બાબતે સમજ આપવાનો તથા મોટિવેશન સેમિનાર હેમુ ગઢવી હોલ ખાતે યોજાયો હતો. જેમાં પોલીસ કમિશનર મનોજ અગ્રવાલ અધ્યક્ષ સ્થાને હતાં. મોટિવેશન સ્પીકર તરીકે નાયબ નિયામક શૈલેષભાઇ સગપરીયા સ્પીપાની ખાસ હાજરી રહી હતી. આ સેમિનારમાં ડીસીપી રવિમોહન સૈની, ડીસીપી મનોહરસિંહ જાડેજા, એસીપી એસ.ડી. પટેલ, નિવૃત આરટીઓ જે. વી. શાહ, નિવૃત ડીવાયએસપી દિગુભા વાઘેલા, બાર એસો.ના પ્રમુખ બકુલભાઇ રાજાણી, ટ્રાફિક શાખાના ૨૫૦ અધિકારીઓ, કર્મચારીઓ તથા પત્રકારો-કેમેરામેનો, ફોટોગ્રાફર ઉપસ્થિત રહ્યા હતાં. અધિકારીઓએ નવા કાયદાની વિસ્તૃત જાણકારી સાથે વર્ષ દરમિયાન ટ્રાફિક પોલીસે કરેલી કામગીરીને બિરદાવી હતી. પોલીસ અને પ્રજા વચ્ચેનો સેતુ જળવાઇ રહે તેવા હેતુથી કામ કરવા અધિકારીઓએ વકતવ્ય આપ્યું હતું. ડીસીપી મનોહરસિંહ જાડેજા, એસીપી બી. એ. ચાવડાએ સેમિનારને સફળ બનાવ્યો હતો.

(3:34 pm IST)
  • " હેપ્પી બર્થ ડે અમિતભાઇ " : ભારતના હોમ મિનિસ્ટર શ્રી અમિત શાહનો આજે જન્મ દિવસ : વડાપ્રધાન શ્રી નરેન્દ્ર મોદી તેમજ આમ નાગરિક સહીત તમામનો શુભેચ્છા ધોધ : દેશના શક્તિશાળી નેતાઓની હરોળમાં સ્થાન ધરાવતા ગુજરાતી નેતાએ 56 માં વર્ષમાં પ્રવેશ કર્યો access_time 11:32 am IST

  • આંધ્રના નેલોરથી કાવેલી વચ્ચે ભારે વરસાદ પડશે : લો પ્રેસર પશ્ચિમને બદલે ઉત્તર તરફ આગળ વધ્યું છે. પરીણામે દક્ષિણ આંધ્ર પ્રદેશમાં નેલોરથી કાવેલી સુધી ભારે વરસાદની આગાહી થઇ છે. ચેન્નાઇમાં હળવાથી મધ્યમ વરસાદની આગાહી થઇ છે. બંગાળના અખાતથી સીસ્ટમ્સ આંધ્રના કાંઠે ભારે વરસાદ લાવશે. access_time 12:54 pm IST

  • મુંબઇમાં આજે રાત્રે અને કાલે સવારે ભારે વર્ષાની શકયતા : મુંબઇમાં ખુશનુમાં હવામાન અને વાદળછાયા આકાશ સાથે વરસાદ પડશે. આજે રાત્રે અને વ્હેલી સવારે મુંબઇમાં ભારે વરસાદ અને તોફાની પવન ફુંકાવાની પણ શકયતા છે. મુંબઇ-૨ત્નાગીરી બેલ્ટમાં મોડી રાત્રે - વ્હેલી સવારે અને કાલે સવારે ભારે વરસાદી વાદળાઓ છવાશે અને તોફાની વરસાદની સંભાવના છે.દરમિયાન મુંબઇમાં ૧ાા થી ૨ ઇંચ વરસાદ પડી ગયો છે. પશ્ચિમના પરાઓમાં મધ્યમ અને પૂર્વીય પરાઓમાં હળવો વરસાદી દોર રહયો છે. રાઇગઢ-થાણે-નવી મુંબઇમાં પણ વરસાદી વાવડ છે. access_time 12:55 pm IST