Gujarati News

Gujarati News

News of Tuesday, 22nd October 2019

તા. ૩૦ મીથી સિલ્વરનેસ્ટ સોસાયટીમાં ભાગવત સપ્તાહ : ડો. કૃષ્ણકુમાર શાસ્ત્રી જ્ઞાનવાણી વહાવશે

રાજકોટ તા. ૨૨ : સામાકાંઠે સંતકબીર રોડ પર મ્યુ. કોર્પોરેશન બિલ્ડીંગ સામે પુજિત રૂપાણી ટ્રસ્ટના કાર્યાલય પાસે આવેલ સિલ્વર સોસાયટીમાં સ્વ. જેરામભાઇ તુલસીભાઇ નાવિયાણી પરિવારના યજમાનપદે કારતક માસમાં તા. ૩૦ ઓકટોબરથી ૬ નવેમ્બર સુધી શ્રીમદ્દ ભાગવત સપ્તાહનું આયોજન કરાયુ છે.

કથાના વ્યાસાસને ગીતા વિદ્યાલયના સંચાલક ભાગવતાચાર્ય ડો. કૃષ્ણકુમાર મનહરલાલજી મહારાજ બિરાજી રસપ્રદ શૈલીમાં કથામૃતનું રસપાન કરાવશે. બોધદાયી દ્રષ્ટાંતો, વિજ્ઞાન અને અધ્યાત્મની સાથે ભૃણ હત્યા, પર્યાવરણ, કન્યા કેળવણી, રાષ્ટ્રપ્રેમ, દહેજપ્રથા, વ્યસન મુકિત, વાંચન ટેવ, જેવા મુદ્દાઓને આવરી લઇ લોકજાગૃતિનું કર્તવ્ય નિભાવવામાં આવશે.

કથા શ્રવણનો સમય સવારે ૧૦ થી ૧૨ અને સાંજે ૪ થી ૭ નો રહેશે. યજમાન પરિવારના હરીભાઇ, મનહરભાઇ, અતુલભાઇ, અરૂણભાઇ, દીપકભાઇ નાવિયાણી વગેરે સદસ્યો પૂજાવિધિ તથા આરતીનો ધર્મલાભ લેશે.

કથાની પોથીયાત્રા તા. ૩૦ ના બપોરે ૩.૩૦ વાગ્યે વાજતે ગાજતે નિકળશે. કથા દરમિયાન તા.૧ ના સતી ચરીત્ર, તા.૨ ના નૃસિંહ પ્રાકટય, તા.૩ ના વામન જન્મ, રામજન્મ, વેશભુષા સાથે કૃષ્ણ જન્મ, નંદમહોત્સવ, તા. ૪ ના ગીરીરાજ ઉત્સવ, અન્નકુટ દર્શન, ગોપી ગીત, તા. ૫ ના સુદામા ચરીત્ર, રૂક્ષ્મણી વિવાહ વગેરે પ્રસંગો આવરી લેવાશે.

તા. ૬ ના બુધાવરે કથાની પૂર્ણાહુતિ થશે. કથાની વિશેષતા એ છે કે પીએચ.ડી. થયેલા અધ્યાપક વિજ્ઞાન અને અધ્યાત્મનો સમન્વય કરીને ભાગવતજીના સિધ્ધાંતો અને રહસ્યોની સરળ ભાષામાં સમજુતી આપશે. સર્વે ભાવિકોએ કથાશ્રવણનો લાભ લેવા નાવિયાણી પરિવાર દ્વારા જાહેર અનુરોધ કરાયો છે.

(3:12 pm IST)
  • મુંબઇમાં આજે રાત્રે અને કાલે સવારે ભારે વર્ષાની શકયતા : મુંબઇમાં ખુશનુમાં હવામાન અને વાદળછાયા આકાશ સાથે વરસાદ પડશે. આજે રાત્રે અને વ્હેલી સવારે મુંબઇમાં ભારે વરસાદ અને તોફાની પવન ફુંકાવાની પણ શકયતા છે. મુંબઇ-૨ત્નાગીરી બેલ્ટમાં મોડી રાત્રે - વ્હેલી સવારે અને કાલે સવારે ભારે વરસાદી વાદળાઓ છવાશે અને તોફાની વરસાદની સંભાવના છે.દરમિયાન મુંબઇમાં ૧ાા થી ૨ ઇંચ વરસાદ પડી ગયો છે. પશ્ચિમના પરાઓમાં મધ્યમ અને પૂર્વીય પરાઓમાં હળવો વરસાદી દોર રહયો છે. રાઇગઢ-થાણે-નવી મુંબઇમાં પણ વરસાદી વાવડ છે. access_time 12:55 pm IST

  • " કમલેશ તિવારીને અમે મારી નાખ્યો ,હવે તારો વારો છે ": ઉત્તર પ્રદેશ નવનિર્માણ સેનાના અધ્યક્ષ અમિત જાનીને ધમકીપત્ર : પોલીસ તપાસ ચાલુ access_time 12:56 pm IST

  • દિલ્હી : આર્મીના ડ્રેસમાં પાંચ આતંકવાદીઓ ઘુસી ગયા છે: દિલ્હી-એનસીઆરમાં એલર્ટની જાહેરાત કરી દેવાઇ : ગુપ્તચર સંસ્થાઓએ આતંકવાદીઓની વાતો ટેપ કરી લીધી છે : દિલ્હી, યુપી, હરિયાણા અને પંજાબમાં ખતરો અકબંધ access_time 4:03 pm IST