Gujarati News

Gujarati News

News of Tuesday, 22nd October 2019

ભગવતીપરામાં પગના દુઃખાવાથી કંટાળી જઇ સલિમભાઇ મોડનો ગળાફાંસો ખાઇ આપઘાત

રાજકોટ તા. ૨૨: ભગવતીપરાના જયપ્રકાશનગર-૧૪માં રહેતાં રિક્ષાચાલક સલિમભાઇ ઇબ્રાહીમભાઇ મોડ (ઉ.૩૨)એ વહેલી સવારે ઘરના ફળીયામાં છાપરાની આડીમાં લુંગી બાંધી ગળાફાંસો ખાઇ આપઘાત કરી લેતાં પરિવારમાં માતમ છવાઇ ગયો હતો.

કુલસુમબેન મોડ વહેલી સવારે જાગ્યા અને ફળીયામાં ગયા ત્યારે પુત્ર સલિમભાઇને લટકતો જોતાં દેકારો મચાવી મુકતાં બીજા પરિવારજનો જાગી ગયા હતાં. ૧૦૮ના સ્ટાફે સલિમભાઇને મૃત જાહેર કરતાં બી-ડિવીઝનના પીએસઆઇ એન. જે. જાડેજા અને રાઇટર મિતેષભાઇએ ઘટના સ્થળે પહોંચી જરૂરી કાર્યવાહી કરી હતી.

આપઘાત કરનાર સલિમભાઇ ત્રણ ભાઇ અને એક બહેનમાં બીજા હતાં અને રિક્ષા ચાલક હતાં. તેમને સંતાનમાં એક પુત્ર અને એક પુત્રી છે. અગાઉ પગનું ઓપરેશન કરાવ્યું હોઇ તેમાં ફરીથી તકલીફ ઉભી થતાં અને પાણી ભરાતું હોઇ દુઃખાવો સહન ન થતાં આ પગલું ભર્યાનું તપાસમાં ખુલ્યું હતું.

(11:33 am IST)
  • રાજયપાલશ્રી આચાર્ય દેવવ્રત કાલે દ્વારકાની મુલાકાતે : દેવભૂમિ દ્વારકા તા ૨૨ : ગુજરાત રાજયના મહામહિમ રાજયપાલ શ્રી આચાર્ય દેવવ્રત આગામી તા.૨૩ના દ્વારકાની મુલાકાતે આવનાર છે. રાજયપાલશ્રી સવારે ૯.૧૦ થી ૧૦.૦૦ દરમ્યાન દ્વારકાધીશ મંદિરની મુલાકાત લેશે, ત્યારબાદ ૧૧.૦૦ કાલકે રાજયપાલશ્રી કોસ્ટગાર્ડ, દ્વારકાની મુલાકાત લેશે. access_time 11:26 am IST

  • " હેપ્પી બર્થ ડે અમિતભાઇ " : ભારતના હોમ મિનિસ્ટર શ્રી અમિત શાહનો આજે જન્મ દિવસ : વડાપ્રધાન શ્રી નરેન્દ્ર મોદી તેમજ આમ નાગરિક સહીત તમામનો શુભેચ્છા ધોધ : દેશના શક્તિશાળી નેતાઓની હરોળમાં સ્થાન ધરાવતા ગુજરાતી નેતાએ 56 માં વર્ષમાં પ્રવેશ કર્યો access_time 11:32 am IST

  • હેલમેટ મુદ્દે પુડુચેરીના મુખ્યમંત્રી વી.નારાયણ અને ઉપ રાજ્યપાલ કિરણ બેદી આમને સામને : ચૂંટણી પ્રચાર સમયે હેલમેટ પહેર્યા વગર સ્કૂટર ઉપર ફરતા મુખ્યમંત્રીનો ફોટો કિરણ બેદીએ ટ્વીટર ઉપર શેર કર્યો : મુખ્ય મંત્રીએ કોઈના સ્કૂટર ઉપર હેલમેટ પહેર્યા વિના પાછળ બેઠેલા કિરણ બેદીનો ફોટો શેર કર્યો access_time 11:54 am IST