Gujarati News

Gujarati News

News of Tuesday, 22nd October 2019

૭મીએ રાજકોટના ખંઢેરી ક્રિકેટ સ્ટેડિયમમાં ભારત-બાંગલાદેશ વચ્ચે ટી-૨૦ મુકાબલો : ૪થીએ બંને ટીમોનું રાજકોટમાં આગમન

બાંગ્લાદેશની ટીમ સવારે પ્રેકિટસ કરશે અને સેશનમાં ઇન્ડિયન ટીમ પરસેવો પાડશે

રાજકોટઃ રાજકોટના જામનગર રોડ સ્થિત ખંડેરી ક્રિકેટ સ્ટેડિયમમાં દિવાળી બાદ એટલે કે ૭ નવેમ્બરમાંના રોજ ભારત અને બાંગ્લાદેશ વચ્ચે ટી-૨૦ ક્રિકેટ મેચ યોજાશે.

સૌરાષ્ટ્ર ક્રિકેટ એસોસિએશન દ્વારા બન્ને ટીમોનું પ્રેકિટસ શેડ્યુલ  જાહેર કરવામાં આવ્યું છે. જે અનુસાર ૪ નવેમ્બરના રોજ બન્ને ક્રિકેટ ટિમો ચાર્ટર પ્લેન મારફતે દિલ્હીથી રાજકોટ પહોંચશે. ત્યારબાદ ૫ અને ૬ નવેમ્બરે બાંગ્લાદેશની ટિમ સવારના સેશનમાં પ્રેકિટસ કરશે ત્યારબાદ સાંજના સેશનમાં ઇન્ડિયન ટિમ પોતાનો પરસેવો પાડશે.

આ મેચ નિહાળવા માટેની ટિકિટનું ઓનલાઈન વહેંચાણ ૨૧ ઓકટોમ્બરથી થશે. જયારે ટિકિટ વહેંચાણ અર્થે કાઉન્ટર પણ ખોલવામાં આવશે. સામાન્ય રીતે ટિકિટનો ભાવ રૂ.૪૦૦થી લઈને ૬ હજાર સુધીનો જોવા મળશે.

અત્રે ઉલ્લેખનીય છે કે બાંગ્લાદેશની ક્રિકેટ ટિમ રાજકોટને આંગણે પ્રથમવાર ક્રિકેટ મેચ રમનાર છે. જયારે લાંબા સમય બાદ રાજકોટમાં ઓન આંતરરાષ્ટ્રીય ટી-૨૦ મેચ યોજવાનો છે. જેને લાઈમે ક્રિકેટપ્રેમીઓમાં પણ ઉત્સાહ જોવા મળી રહ્યો છે.

(1:07 pm IST)
  • કઠુઆ ગેંગરેપ : કોર્ટે SIT વિરુદ્ધ એફઆઈઆર દાખલ કરવા આપ્યો આદેશ : ગત વર્ષના જમ્મુ કાશ્મીરમાં આઠ વર્ષીય બાળકી સાથે ગેંગરેપ અને હત્યા મામલામાં નવો વળાંક : જમ્મુ કાશ્મીરની એક અદાલતે આ મામલાની તપાસ કરતી જમ્મુ કાશ્મીર પોલીસની એસઆઈટી ટીમના છ સભ્યો વિરુદ્ધ એફઆઈઆર દાખલ કરવા આદેશ આપ્યો access_time 1:06 am IST

  • " કમલેશ તિવારીને અમે મારી નાખ્યો ,હવે તારો વારો છે ": ઉત્તર પ્રદેશ નવનિર્માણ સેનાના અધ્યક્ષ અમિત જાનીને ધમકીપત્ર : પોલીસ તપાસ ચાલુ access_time 12:56 pm IST

  • મુંબઇમાં આજે રાત્રે અને કાલે સવારે ભારે વર્ષાની શકયતા : મુંબઇમાં ખુશનુમાં હવામાન અને વાદળછાયા આકાશ સાથે વરસાદ પડશે. આજે રાત્રે અને વ્હેલી સવારે મુંબઇમાં ભારે વરસાદ અને તોફાની પવન ફુંકાવાની પણ શકયતા છે. મુંબઇ-૨ત્નાગીરી બેલ્ટમાં મોડી રાત્રે - વ્હેલી સવારે અને કાલે સવારે ભારે વરસાદી વાદળાઓ છવાશે અને તોફાની વરસાદની સંભાવના છે.દરમિયાન મુંબઇમાં ૧ાા થી ૨ ઇંચ વરસાદ પડી ગયો છે. પશ્ચિમના પરાઓમાં મધ્યમ અને પૂર્વીય પરાઓમાં હળવો વરસાદી દોર રહયો છે. રાઇગઢ-થાણે-નવી મુંબઇમાં પણ વરસાદી વાવડ છે. access_time 12:55 pm IST