Gujarati News

Gujarati News

News of Monday, 22nd October 2018

રૂ ૨૩.૭૭ લાખનો ચેક પાછો ફરવા અંગે જેતપુરની વી.એન. જવેલર્સ પેઢીના પ્રોપરાઇટર સામે રાજકોટ કોર્ટમાં ફરિયાદ

રાજકોટ તા. ૨૨ : જેતપુર શહેરમાં વી.એન. જવેલર્સના નામથી સોનાના દાગીનાનો ધંધો વેપાર કરતા હિરેન વી. મકવાણાએ રાજકોટમાં શ્રી સીમંધર ગોલ્ડ ના નામથી વ્યાપારી પેઢી ધરાવતા અમિતભાઇ વી.શાહ પાસેથી રૂ ૨૩,૭૭,૫૦૦/- ના સોનાના દાગીનાઓની બિલથી ખરીદ કરેલ અને તેની ચુકવણી પેટે ચેક ઇસ્યુ કરી આપેલ, તે ચેક રીટર્ન થતા ફરિયાદીએ રાજકોટના એ જયુડી. મેજીસ્ટ્રેટ ની કોર્ટમાં આરોપી વિરૂધ્ધ ફરિયાદ દાખલ કરતા અદાલતે આરોપી હિરેન વી. મકવાણા વિરૂધ્ધ અદાલતમાં હાજર થવા સમન્સ ઇસ્યુ કરતો હુકમ ફરમાવેલ છે.

આ કેસની હકીકત જોઇએ તો રાજકોટ શહેરમાં સીંધર યોલ્ડ ના નામથી વ્યાપારી પેઢીના નામે વ્યાપારી પેઢી ધરાવતા અને અલગ અલગ પ્રકારના સોનાના દાગીના બનાવી તેનું વેચાણ કરે છે તેમની પાસેથી જેતપુર શહેરમાં વી.એન. જવેલર્ર્સના નામથી સોનાના દાગીનાનો ધંધો વેપાર કરતા હિરેન વી. મકવાણાએ રૂ ૨૩,૭૭,૫૦૦/- ના સોનાના દાગીનાઓની બિલથી ખરીદી કરેલ અને તેની ચુકવણી પેટે ફરછયાદીની પેઢીના નામનો ચેક ઇસ્યુ કરી આપેલ અને ફરીયાદી ને પાકું વચન,વિશ્વાસ અને ખાતરી આપેલ કે, સદરહુ ચેક બેંકમાં રજુ થયે વસુલાઇ જશે.

ફરિયાદી દ્વારા તેઓની બેંકમાં ચેક રજુ રાખતા ચેક અપુરતા ભંડોળના કારણોસર રીટર્ન થતા તે સબંધે ફરીયાદીએ એડવોકેટ મારફત ડીમાંડ નોટીસ પાઠવવા છતાં સમય મર્યાદામાં ફરીયાદીની કાયદેસરની લેણી રકમની ચુકવણી કરેલ નથી જેના લીધે ફરીયાદીએ દસ્તાવેજી પુરાવા સાથે આરોપી વિરૂધ્ધ રાજકોટની અદાલતમાં ફરિયાદ દાખલ કરતા અદાલતે આરોપી વિરૂધ્ધ સમન્સ ઇસ્યુ કરવાનો હુકમ ફરમાવવામાં આવેલ હતો.

ઉપરોકત કામમાં ફરિયાદી સીમંધર ગોલ્ડ ના પ્રોપરાઇટર અમિતભાઇ વી.શાહ વતી રાજકોટના જાણીતા ધારાશાસ્ત્રી વિશાલ ગોસાઇ, મુકસુદ પરમાર રોકાયેલ હતા.

(3:57 pm IST)
  • પેટ્રોલ-ડીઝલના ભાવમાં ઘટાડાનો દોર યથાવત :મંગળવારે પેટ્રોલમાં લિટરે 10 પૈસા અને ડીઝલમાં 8 પૈસાનો લિટરે થશે ઘટાડો ;છેલ્લા આઠેક દિવસથી ઇંધણના ભાવમાં ઘટાડો થતા લોકોને રાહત ; વૈશ્વિક બજારમાં ક્રૂડના ભાવ તૂટતાં ઇંધણના ભાવમાં કોઈ વધારો નહિ access_time 1:15 am IST

  • અમદાવાદ:MLA ગુજરાત લખેલી કારચાલકની દાદાગીરી:ડો.મિતાલી વસાવડાને બોલ્યા અપશબ્દો:ડો.મિતાલી શેલ્બી હોસ્પિટલમાં ડોક્ટર તરીકે ફરજ બજાવે છે :MLA ગુજરાત લખેલી કારનાં ચાલકે બોલ્યા અપશબ્દો:પ્રજાના સેવકનાં કારચાલકનું ડોક્ટર સાથે અસભ્ય વર્તન: મહિલા ડોક્ટરે સોલા પોલીસ મથકે નોંધાવી ફરિયાદ access_time 10:03 pm IST

  • અમદાવાદ:5.20 કરોડ રૂપિયાની છેતરપીંડી આંચરવાનો મામલો:આરોપીએ એક જ રહેઠાણના બોગસ દસ્તાવેજથી લૉન લીધી હતી:આરોપીએ કરી હતી સેસન્સ કોર્ટમાં આગોતરા જામીન અરજી :ગત દિવસોમાં હાથ ધરાઈ હતી સુનવણી:23મી ઓક્ટોબરે સેસન્સ કોર્ટ ચુકાદો જાહેર કરે તેવી શકયતા access_time 1:06 am IST