Gujarati News

Gujarati News

News of Monday, 22nd October 2018

સરગમી લોકડાયરો ખીલી ઉઠયો : હા મોજ હા...ના પડકારાથી કલાકારો પણ રંગમાં : મોડે સુધી લોકસાહિત્ય વરસ્યુ

રાજકોટ : ડી.એચ. કોલેજના ગ્રાઉન્ડમાં જાહેર જનતા માટે ચાલી રહેલા સરગમી સાંસ્કૃતિક મહોત્સવ અંતર્ગત રવિવારની રાત્રે યોજાયેલા લોકડાયરામાં હજારોની મેદની ઉમટી પડી હતી. કાર્યક્રમમાં કર્ણાટકના રાજ્યપાલ વજુભાઇ વાળા ખાસ ઉપસ્થિત રહ્યા હતા અને કલાકારોને બિરદાવ્યા હતા. મુખ્ય મહેમાન તરીકે બાન લેબના મૌલેશભાઇ ઉકાણી, નટુભાઇ ઉકાણી, જે.પી. સ્ટ્રકચરના જગદીશભાઇ ડોબરીયા, અશોકભાઇ ડોબરિયા, કલાસિક નેટવર્કના સ્મિતભાઇ પટેલ, કોંગ્રેસના નેતા જશવંતસિંહ ભટ્ટી, બિલ્ડર ભાવેશભાઇ પટેલ, એન્જલ ગ્રુપના કિરીટભાઇ આદ્રોજા, વડાલિયા ફૂડસના રાજેનભાઇ વડાલિયા, સિઝન્સ હોટલના વેજાભાઇ રાવલિયા, એચ.પી.રાજગુરૂ કંપનીના હેતલભાઇ રાજગુરૂ અને સન ફોર્જના નાથાભાઇ કાલરિયા, નરેશભાઇ લોટિયા વગેરે મહેમાન પદે ઉપસ્થિત રહ્યા હતા. સરગમ કલબ બાન લેબ તેમજ જે.પી.સ્ટ્રકચરના સંયુકત ઉપક્રમે યોજાયેલા આ ડાયરાના પ્રારંભમાં સરગમ કલબના પ્રમુખ ગુણવંતભાઇ ડેલાવાળાએ સૌ મહેમાનો અને જનતાને આવકાર આપ્યો હતો. આ પ્રસંગે રાજ્યપાલ વજુભાઇ વાળાએ આ આયોજન બદલ સરગમ કલબને અભિનંદન આપી તમામ લોકકલાકારોનું શાલ ઓઢાડીને સન્માન પણ કર્યું હતું. સમગ્ર ડાયરાનું સંચાલન હાસ્યકાર ધીરૂભાઇ સરવૈયાએ કર્યું હતું. જ્યારે માયાભાઇ આહિર (મહુવા), અભેસિંહ રાઠોડ (ભરૂચ), ફરીદા મીર (અમદાવાદ), સંગીતા લાબડિયા અને બિહારીભાઇ ગઢવી (રાજકોટ)એ લોકસાહિત્યની એક પછી એક રચના રજૂ કરી લોકોનું ભરપૂર મનોરંજન કર્યું હતું. રાજકોટવાસીઓએ આ લોકકલાને તાળીઓના ગડગડાટથી વધાવી હતી. કાર્યક્રમને માણવા માટે કિશોરભાઇ ભાલાળા, પ્રતાપભાઇ પટેલ, પરસોત્તમભાઇ કમાણી, છગનભાઇ ગઢીયા, મનીષભાઇ માડેકા, ચંદ્રકાંતભાઇ કોટિચા, મધુભાઇ પટોળીયા, રાકેશભાઇ પોપટ, ઇશ્વરભાઇ તાળા, રાજેશભાઇ કાલરીયા, શિવલાલભાઇ રામાણી સહિતના આગેવાનો ઉપસ્થિત રહ્યા હતા. આ કાર્યક્રમને સફળ બનાવવા ગુણવંતભાઇ ડેલાવાળાના માર્ગદર્શન હેઠળ ભરત સોલંકી, કિરીટ આડેસરા, રમેશભાઇ અકબરી, જયસુખભાઇ ડાભી, કૌશિક વ્યાસ, રાજેન્દ્ર શેઠ, પ્રવિણભાઇ તંતી, અનવરભાઇ ઠેબા, ગુણવંતભાઇ ભટ્ટ, જગદીશ કીયાડા ઉપરાંત લેડીઝ કલબના ડો. ચંદાબેન શાહ, અલકાબેન કામદાર, રેશ્માબેન સોલંકી, ભાવનાબેન મહેતા, જયશ્રીબેન રાવલ, જયશ્રીબેન મહેતા, ગીતાબેન હિરાણી, જયશ્રીબેન વ્યાસ, સુધાબેન દોશી, આશાબેન ભુછડા, બીનાબેન પોપટ અને વૈશાલી શાહ વગેરેએ જહેમત ઉઠાવી હતી.

(3:42 pm IST)
  • પેટ્રોલ-ડીઝલના ભાવમાં ઘટાડાનો દોર યથાવત :મંગળવારે પેટ્રોલમાં લિટરે 10 પૈસા અને ડીઝલમાં 8 પૈસાનો લિટરે થશે ઘટાડો ;છેલ્લા આઠેક દિવસથી ઇંધણના ભાવમાં ઘટાડો થતા લોકોને રાહત ; વૈશ્વિક બજારમાં ક્રૂડના ભાવ તૂટતાં ઇંધણના ભાવમાં કોઈ વધારો નહિ access_time 1:15 am IST

  • વડોદરામાં 297 કરોડનું બીટકોઈન કૌભાંડ ખુલ્યું : 9 ઉદ્યોગપતિના બીટકોઈનમાં સલવાયા .297 કરોડ:વેરિએબલ ટેક કંપનીના ડિરેક્ટર્સ-એજન્ટ સામે FIR: વડોદરા ક્રાઈમબ્રાન્ચમાં નોંધવામાં આવી ફરિયાદ:અમિત ભારદ્વાજ, અભય ભારદ્વાજ સામે FIR :એજન્ટ હેમંત ભોંપે સામે પણ ફરિયાદ access_time 3:02 pm IST

  • મોઈન કુરેશી લાંચ કેસ મામલે ડે ,એસ.પી. દેવેન્દ્ર કુમારની CBIએ કરી ધરપકડ:રાકેશ અસ્થાના સામે પણ આ કેસમાં છે આરોપ: 3 કરોડની લાંચમાં સંડોવાયેલા છે દેવેન્દ્રકુમાર દેવેન્દ્રકુમારે ફેબ્રિકેટેડ સ્ટેટમેન્ટ લીધું હતું:મોઇન કુરેશી પાસેથી લાંચ લેવા મામલે ધરપકડ access_time 1:05 am IST