Gujarati News

Gujarati News

News of Tuesday, 22nd September 2020

વિપક્ષી નેતાએ કાચુ કાપ્યુ : મ.ન.પા.ની જવાબદારી નથી તેવા કાર્યક્રમમાં જાણ્યા-જોયા વગર કુદયા : બિનાબેન આચાર્ય

રાજકોટ, તા. રર :  વિપક્ષી નેતા વશરામભાઇ સાગઠિયાએ આજે કોરોના સામે જનજાગૃતિ માટેનાં રંગલો-રંગલી નૃત્ય નાટિકાના સરકારનાં રથને લીલીઝંડી આપી પ્રારંભ કરાવ્યો હતો અને આ કાર્યક્રમમાં શાસકો ફરકયા નહીં તેવા આક્ષેપો કર્યા છે ત્યારે આ બાબતે મેયર બીનાબેન આચાર્યએ સ્પષ્ટતા કરી હતી કે વિપક્ષી નેતા વશરામભાઇ જાણ્યા જોયા વગર આ કાર્યક્રમમાં કુદી પડયા હોય તેવું લાગે છે. કેમકે મ.ન.પા. તંત્રને આવા રંગલા-રંગલીના રથની કોઇ જવાબદારી જ સરકારે સોંપી નથી આથી આ કાર્યક્રમમાં કોઇ હાજર ન હોય તે સ્વાભાવિક છે. કોર્પોરેશન કચેરીએ કોઇ અન્ય કારણસર આ રથ આવ્યો અને વિપક્ષી નેતા પુરી વિગત જાણ્યા વગર આ રથને પ્રસ્થાન કરાવી દીધું તેમ મેયરશ્રીએ આ તકે જણાવ્યું હતું.

(3:59 pm IST)
  • બનાસકાંઠાની ગઢ ગ્રામપંચાયત દ્વારા 10 દિવસનું લોકડાઉન: તા,22 સપ્ટેમ્બરથી 1 ઓક્ટોબર સુધી લોકડાઉન જાહેર access_time 7:22 pm IST

  • ફેસબુકના ભારતના વડા સુપ્રીમમાં દોડ્યા - કાલે સુનાવણી : દિલ્હી વિધાનસભા પેનલ દ્વારા પોતાની સમક્ષ જાજર થવા અંગેની નોટિસ સામે ફેઈસ બુકના ભારતના વડા સુપ્રીમ કોર્ટ પહોંચ્યા છે, અને આ હુંકમ સામે સ્ટે માગ્યો છે. સુપ્રીમ કોર્ટના જસ્ટિસ સંજય કિશન કૌલની અધ્યક્ષતામાં ત્રણ જજોની બેન્ચ આવતીકાલે બુધવારે આ અંગે સુનાવણી કરશે. access_time 12:01 am IST

  • તાઇવાન માટે ચીન ખતરા સમાન : બની ગયાનું તાઇવાનના મહિલા રાષ્ટ્રપતિ સાઇ ઇંગ-વેને કહ્યું છે. છેલ્લા ૨ દિવસથી ચીન તરફથી સતત ફાઇટર પ્લેનો તાઇવાનની સીમામાં ઉડાવાય છે અને ચીન સંપૂર્ણ નફફટાઇથી કહે છે તાઇવાન અમે ગમે ત્યારે હડપ કરી જશું તેમણે કહ્યું કે તાઇવાન જલસીમામાં ધુસી આવવાનું કૃત્ય જ દર્શાવે છે કે ચીન આ સમગ્ર વિસ્તાર માટે ખતરા સમાન છે. અમેરીકાના ટોચના અધિકારી કીથ કૈચની તાઇવાન મુલાકાત સમયે ચીનના લશ્કરી વિમાનો તાઇવાન ઉપર ઉડયા હતા access_time 3:05 pm IST