Gujarati News

Gujarati News

News of Tuesday, 22nd September 2020

'કોરોનાથી ડરો નહીં લડો' રંગલો-રંગલી નૃત્ય નાટિકા કાર્યક્રમનાં રથને લીલીઝંડી

મ.ન.પા.ની કચેરીએ ૯ વાગ્યે ઉદ્ઘાટન થવાનું હતું : પદાધિકારીઓ ૧ર વાગ્યા સુધી નહીં ફરકતાં વિપક્ષી નેતા વશરામભાઇ સાગઠિયાએ રથનો પ્રારંભ કરાવ્યો

રાજકોટ, તા. રર : મહાનરગપાલિકાના વિરોધપક્ષના નેતા વશરામભાઇ સાગઠીયાએ જણાવ્યું છે કે રાજકોટ શહેરમાં કોરોના મહામારીનો કહેર વરસી રહ્યો છે અને દિવસે ને દિવસે સંક્રમિતો અને મૃત્યુઆંક વધી રહ્યો છે ત્યારે લોકો કોરોના મહામારીના અફવાઓને ધ્યાને ન લેવા અને સાવચેતી રાખે તેવા ઉમદા હેતુથી યુનિસેફ અને કેન્દ્ર સરકાર દ્વારા ખાસ ગ્રાન્ટ ફાળવવામાં આવેલ છે. અને ભરત સરકારના પ્રાદેશિક લોકસંપર્ક બ્યુરો માહિતી અને પ્રસારણ મંત્રાલય ભારત સરકાર દ્વારા કોવીડ-૧૯ વિજય રથ ગામોગામ મોકલી આયુર્વેદિક દવા, માહિતી પત્રિકા અને રંગલો-રંગલીના પાત્રો દ્વારા પ્રજા સમક્ષ જઇ કોરોના મહામારીની સાવધાની અને સાવચેતી રાખવા અંગેની માહિતીઓ પ્રસારિત કરવામાં આવે તેવા હેતુથી રાજકોટ મહાનગરપાલિકામાં સરકારશ્રી દ્વારા કોરોના ઉપર વિજય મેળવવા માટે પ્રજાએ શું સાવચેતી રાખવી જોઇએ તેની માહિતી ગુજરાતના પ્રખ્યાત રંગલો-રંગલીના નાટક દ્વારા લોકો સુધી પહોંચી લોકોને કોરોનાથી ડરવું નહિ અને કોરોના સામે લડતા રહેવું તેવી માહિતી ગામે ગામ પહોંચાડવા માટેનો આ રથ દ્વારા કાર્યક્રમો યોજાવાના છે.

આજરોજ તા. રર નાં સવારે ૯ વાગ્યે કોવીડ-૧૯ વિજય રથ રાજકોટ મનપાની સેન્ટ્રલ ઝોન કચેરી, ઢેબરભાઇ રોડ, રાજકોટ ખાતે આવી ગયેલો તેમજ ભાજપના પદાધિકારીઓ દ્વારા સવારે ૯ વાગ્યે લીલીઝંડી આપવાની બદલે છેક ૧ર સુધી રાહ જોઇ રહ્યા હતા પરંતુ કોઇ જ શાસકો કે ભાજપના કોર્પોરેટર લીલીઝંડી આપવાની તસ્દી લીધી નહીં આ રંગલા-રંગલીના કાર્યક્રમના દરેક કાર્યક્રમ દીઠ નાણા ચુકવવાના હોય તેમ છતાં સવારના ૯ થી ૧ર સુધી શાસક પક્ષના કોઇપણ પદાધિકારી ફરકયા ન હતા છેવટે વિપક્ષી નેતા વશરામભાઇ સાગઠીયા દ્વારા ૧ર કલાકે કોવીડ-૧૯ વિજય રથને લીલીંજડી રથનું પ્રસ્થાન કરાવ્યું હતું.

(3:59 pm IST)
  • ચીનમાં માનવ અધિકારની ઐસી કઈ તૈસી : જિનપીંગને જોકર કહેનાર રિયલ એસ્ટેટના માંધાતાને અઢાર વર્ષની જેલ સજા :ચીનના રાષ્ટ્રપતિ શી જિનપિંગને 'શી જોકર' અને શી જિનપિંગે લીધેલા કોરોના સામેના પગલાઓની આકરી ઝાટકણી કાઢનાર, ચીનના રિયલ એસ્ટેટના બાદશાહ ગણાતા રેન શીકવીઆંગને અઢાર વર્ષની જેલ સજા ફટકારવામાં આવી છે. તેમના ઉપર ભ્રષ્ટાચારના આરોપો મુકવામાં આવ્યા હતા. access_time 3:54 pm IST

  • RTE મામલે મનમાની કરનાર શાળા સામે કાર્યવાહી થશે. પ્રવેશ આપવામાં વિલંબ થાય તો વાલીઓ rte.dpe@gmail.com પર ફરિયાદ કરી શકશે. access_time 10:37 pm IST

  • દેશમાં કોરોનાના કહેર વચ્ચે એક્ટીવ કેસમાં ઘટાડો : સતત ચોથા દિવસે નવા કેસ કરતા રિકવર થનારની સંખ્યા વધતા એક્ટિવ કેસ ગઈકાલના 10 લાખની અંદર સરક્યા: નવા કેસ અને રિકવર વચ્ચે સતત વધતો ગેપ : રિકવરી રેઈટ 80 ટકાથી વધુ access_time 11:04 pm IST