Gujarati News

Gujarati News

News of Tuesday, 22nd September 2020

રાજકોટ-ગોંડલ હાઇવેનો સર્વિસ રોડ અત્યંત જર્જરીતઃ રિપેરીંગ કરવા માંગ

શાપર વેરાવળ ઇન્ડસ્ટ્રીયલ એસો. દ્વારા હાઇવે ઓથોરીટીમાં રજૂઆતઃ રીપેરીંગ ન થાય તો ટોલટેક્ષ નહી ભરવા ચિમકી

રાજકોટ તા. રર :.. અહીંના રાજકોટથી ગોંડલ સુધીનાં નેશનલ હાઇવેન સર્વિસ રોડ અત્યંત જર્જરીત થઇ ગયો હોઇ. આ રોડનું તાત્કાલીક સમારકામ કરાવવા શાપર - વેરાવળ ઇન્ડસ્ટ્રીઝ એસો. દ્વારા નેશનલ હાઇવે ઓથોરીટીને  રજૂઆત કરાઇ છે.

આ રજૂઆતમાં જણાવાયુ છે કે ક્રિષ્ના પાર્ક ગોંડલ ચોકડીથી શાપર-વેરાવળ ર૦ મીનીટનો રસ્તો છે રોડમાં પડેલ ખાડાને કારણે એક કલાકથી પણ વધુ સમય થાય છે. ક્રિષ્ના પાર્ક ગોંડલ ચોકડી પારડી અંડરબ્રીજ ઉતરતાં તેમજ શાપર-વેરાવળ ઓવરબ્રીજ પાસે તેમજ બંને સર્વિસ રોડ ઉપર ખૂબ જ મોટા ખાડા પડેલ છે અને વાહન ચલાવવામાં ખૂબ જ મુશ્કેલી પડે છે અને ટ્રાફીકમાં અડચણ ઉભી થવાથી અકસ્માતનો ભય રહે છે.

ઉપરાંત રાજકોટથી હડમતાળા પહોંચતા દોઢથી બે કલાક થાય છે રોડ સારા ન હોવા છતાં ભરૂડી ટોલનાકે ટોલટેકસ લેવામાં આવે છે જો આ રોડમાં પડેલ ખાડા અંગે સત્વરે યોગ્ય ન થાય તો ટોલટેકસ આપવાનું બંધ કરવાની ફરજ પડશે. તેવી ચિમકી રજૂઆતનાં અંતે ઉચ્ચારી છે.

(3:56 pm IST)
  • મંત્રીઓ સહિત તમામ ધારાસભ્યોના પગારમાં 30 ટકા કાપ બિલ પાસ. આ બિલ પર કોંગ્રેસનું સમર્થન. ધાનાણીએ કહ્યું- પગાર સાથે સરકારી તહેવારો, તાયફા પાછળ ખર્ચ ઘટાડો access_time 11:21 pm IST

  • મુંબઈમાં અત્યારે મોડી રાત્રે પણ ભારે વરસાદ ચાલુ છે. વીજળીની ગાજવીજ અને કડાકા-ભડાકા વચ્ચે જોરદાર વરસાદ પડી રહ્યો છે. આજે અને કાલે ભારે વરસાદની આગાહી છે. access_time 11:51 pm IST

  • અત્યારે મોડી રાત્રે પોણા અગિયાર વાગ્યે સૌરાષ્ટ્રના ઓખા દ્વારકા પોરબંદર જામનગર ના દરિયા કાંઠે જબ્બર વાદળા છવાયા છે સાથોસાથ સુરત સહિત દક્ષિણ ગુજરાત ઉપર પણ વાદળોના ગંજ ખડકાયા છે. ભારે બફારા પછી રાત્રે સુરતમાં જોરદાર વરસાદ પડ્યાનું કુશલ ઠક્કરે જણાવ્યું છે. access_time 11:51 pm IST