Gujarati News

Gujarati News

News of Tuesday, 22nd September 2020

સીવીલ હોસ્પિટલના મહિલા કર્મચારીને ન્યાય અપાવતો આમ આદમ પાર્ટી મહિલા મોરચો

કોવિડ પેશન્ટ સાથેની અમાનવીય ઘટનામાં : ટીમ જુલી લોઢીયાની રજુઆતથી ફરી ફરજ પર લેવાયા

રાજકોટ તા. ૨૨ : થોડા દિવસ પહેલા રાજકોટની સીવીલ હોસ્પિટલમાં કોવિડ પેશન્ટને માર મારવામાં આવતો હોવાનો એક વિડીયો વાયરલ થયો હતો. માત્ર લોકજાગૃતિના હેતુથી પટાવાળા તરીકે ફરજ બજાવતા એક બહેને તે વિડીયો ઉતાર્યો હતો. સમગ્ર બનાવ સમાજની સામે આવ્યો ત્યારે કશુરવાનો સામે પગલા લેવાને બદલે આ વિડીયો ઉતારનાર બહેનને ફરજ મુકત કરી દેવાયા. પોલીસે અટકાયત કરી. આ બનાવમાં આમ આદમી પાર્ટી મહિલા મોરચાએ જુકાવ્યુ અને પ્રમુખ જુલીબેન લોઢીયાના નેતૃત્વમાં માધવીબેન જોગીયા, રચનાબેન તથા ગીતાબેન સહીતનાએ લડત ચલાવી. ખરેખર તો એ પટાવાળા પ્રવિણાબેને લોકજાગૃતિનું કામ કર્યુ હતુ. તેમને બિરદાવવાને બદલે સજા શા માટે? તેવા સવાલો ઉઠાવી તંત્રને રજુઆત કરી. જેની ધારી અસર પડી અને પ્રવિણાબેનને ફરી સન્માનભેર નોકરી ઉપર લેવામાં આવ્યા હોવાનું આમ આદમી પાર્ટીના જુલીબેન લોઢીયાએ એક યાદીમાં જણાવેલ છે.

(3:16 pm IST)
  • વડોદરામાં વાઘોડિયા રોડ પાસેના વૈકુંઠ એપાર્ટમેન્ટમાં લિફ્ટ રિપેર કરનારા મિકેનિકનું લિફ્ટ અચાનક શરૂ થતાં દબાઇ જતાં મૃત્યુ access_time 10:40 pm IST

  • સુરતમાં ક્વોરી માલિક દુર્લભ પટેલની આત્મહત્યાના મામલે આરોપી PI લક્ષ્મણ બોડાણાને સસ્પેન્ડ કર્યા બાદ પુરાવાઓ સાથે ચેડા ન થાય તે માટે જૂનાગઢ પોલીસ તાલીમભવનમાં કરાઈ બદલી access_time 10:35 pm IST

  • ૨૭૦ વ્હેલ માછલીઓ ઓસ્ટ્રેલિયાઇ દ્વીપ તસ્માનિયાના કિનારા પર ફસાયેલ મળી, રપની બચવાની સંભાવના નથીઃ તસ્વીરો સામે આવી : સમુદ્રી જીવવિજ્ઞાનીઓ આ વ્હેલોને બચાવવાની યોજના બનાવી રહ્યા છે. વૈજ્ઞાનિકોએ કહ્યું કે ઓછામાં ઓછી રપ વ્હેલ પહેલાજ મરી ચૂકી છે આ બધી પાયલટ વ્હેલ છે. access_time 11:47 am IST