Gujarati News

Gujarati News

News of Tuesday, 22nd September 2020

આખરી મતદાર યાદીના ડેટામાં ભયંકર ક્ષતિઓ

પુરૂષના નામ સામે સ્ત્રીનો ફોટો અને સ્ત્રીના નામ સામે પુરૂષનો ફોટો : કયાંક એક જ પાનામાં બે બે વાર નામ : ગેરરીતીની ભીતી : કોંગ્રેસ મહામંત્રી મોહનભાઇ સોજીત્રાની ચુંટણી પંચને રજુઆત

રાજકોટ તા. ૨૨ : આખરી મતદાર યાદીના ડેટામાં ભયંકર ક્ષતિઓ રહી જવા પામી હોવા અંગે પૂર્વ ડે. મેયર અને શહેર કોંગ્રેસ મહામંત્રી મોહનભાઇ સોજીત્રાએ કલેકટર, જિલ્લા ચુંટણી અધિકારી, રાજય ચુંટણી પંચ આયોગને વિસ્તૃત રજુઆત કરી છે.

તેઓએ જણાવ્યુ છે કે ૧૦ રાજકોટ સંસદીય મતદાર મંડળમાં સમાવિષ્ટ ૬૮ રાજકોટ વેસ્ટ, ૬૯ રાજકોટ વેસ્ટ, ૭૧ રાજકોટ સાઉથની મતદાર યાદીઓ વખતો વખત ક્ષતિ સુધારણા છતા અનેક નામો બેવડાયેલા છે. મરણ પામનારના નામો અંગે અગાઉ કરેલ રજુઆતો છતા કોઇ ફેરફાર નથી.

અનેક ક્ષતિઓ એવી પણ છે જેમાં પુરૂષના નામ સામે ફોટો સ્ત્રીનો અને સ્ત્રીના નામ સામે ફોટો પુરૂષનો જોવા મળે છે.

અમુક મતદારોના નામ જુદા જુદા મતદાર ક્રમાંકમાં નોંધાયેલા છે. જુદી જુદી સીરીઝ નંબરના ઓળખકાર્ડ જુદા જુદા અધિકારી દ્વારા ડેટા એન્ટ્રી મુજબ ઇશ્યુ થયા છે. બે બે ત્રણ ત્રણ મતદાર ઓળખકાર્ડના આધારે પાન કાર્ડ અને રેશનકાર્ડ પણ ડબલ થઇ શકવાની ગેરરીતીની પુરી આશંકા રહે છે.

વળી વિભાગ અને ભાગમાં પરિવારના ઘર નંબર પણ દર્શાવેલ નથી. જેના કારણે બીએલઓને ઘર ગોતવામાં તકલીફ પડી શકે અને મતદાર મતદાનથી વંચિત રહી જાય તેવુ બની શકે.

આ તમામ બાબતો ધ્યાનમાં લઇ ત્વરીત અસરથી ઘટતુ કરવા મોહનભાઇ સોજીત્રાએ માંગણી ઉઠાવી છે.

(3:14 pm IST)
  • ફેસબુકના ભારતના વડા સુપ્રીમમાં દોડ્યા - કાલે સુનાવણી : દિલ્હી વિધાનસભા પેનલ દ્વારા પોતાની સમક્ષ જાજર થવા અંગેની નોટિસ સામે ફેઈસ બુકના ભારતના વડા સુપ્રીમ કોર્ટ પહોંચ્યા છે, અને આ હુંકમ સામે સ્ટે માગ્યો છે. સુપ્રીમ કોર્ટના જસ્ટિસ સંજય કિશન કૌલની અધ્યક્ષતામાં ત્રણ જજોની બેન્ચ આવતીકાલે બુધવારે આ અંગે સુનાવણી કરશે. access_time 12:01 am IST

  • સુશાંત-રિયા ડ્રગ્સની સપ્લાયનું કનેકશન પાકિસ્તાન સુધી નીકળ્યું છે : NCB : ડ્રગ્સના દૂષણમાં બોલીવુડની ભૂતકાળ અને વર્તમાનની અનેક ખ્યાતનામ હસ્તીઓનાં નામની સંડોવણીની પણ શકયતા access_time 3:53 pm IST

  • શાળાઓમાં શિક્ષકોની દસ લાખ જગ્યાઓ ખાલી પડી છે : દેશની શાળાઓમાં શિક્ષકોની 10 લાખથી વધુ જગ્યા ખાલી હોવાનું કેન્દ્રીય માનવ સંસાધન વિકાસ પ્રધાન શ્રી નિશંકે લોકસભામાં જણાવ્યું હતું. access_time 12:03 am IST