Gujarati News

Gujarati News

News of Saturday, 22nd September 2018

દશમસ્કંધમાં 'પ્રેમ' કરતાં વેદનાને વધુ વાચા મળીઃ ડો. બળવંત જાની

રાજકોટ નાગરિક બેંક યોજીત વાંચન પરબમાં પ્રેમાનંદ નિમિત દશમસ્કંધની ભાવયાત્રા

રાજકોટઃ સામાજિક ઉતરદાયિત્વ સાથે કાર્ય કરતી, રાજકોટ નાગરિક સહકારી બેન્ક લિ. દ્વારા વાંચન પરબમાં લેખક-હેમચંદ્રાચાર્ય ઉતર ગુજરાત યુનિવર્સિટીનાં પૂર્વ કુલપતિ, સાગર સેન્ટ્રલ યુનિવર્સીટી(મધ્ય પ્રદેશ)નાં ચાન્સેલર ડો. બળવંતભાઇ જાનીએ પ્રેમાનંદ લિખિત 'દશમસ્કંધ'ની ભાવયાત્રા બેન્કની રાજકોટ ખાતેની હેડ ઓફિસ 'અરવિંદભાઇ મણીઆર નાગરિક સેવાલય' માં રજુ કરી હતી. તેમણે જણાવેલ કે કવિતામાંથી કથા રચવી અશકય છે પરંતુ પ્રેમાનંદે આ કાર્ય સુપેરે કર્યુ છે અને સફળ રહ્યું છે. તેમાં ૧૬૯ કડવામાં કથા રજુ કરી છે.  દશમસ્કંધ કુષ્ણના ૩૦૦ નામો પ્રાસ મેળવવા રજુ કર્યા છે. પ્રેમ તો ક્ષણિક છે. આખી જીંદગી તો સંઘર્ષ છે. આ વાસ્તવિકતા છે. માનવજીવનની. દશમસ્કંધ પ્રેમ નહિ વેદનાની વાત છે. માણસને જકડી રાખતુ કોઇ તત્વ હોય તો તે પ્રેમ નહિ પીડા છે. માનવ સંબંધો ક્ષણભંગુર છે. પ્રેમાનંદે આખ્યાનનાં માધ્યમથી લોકોને સભાન કર્યો છે. પ્રથમ કડવામાં દેવકીનાં ડૂસકાં-રઘવાટ, તલસાટ જોવા મળે છે. ત્યારબાદ યશોદાનો વલવલાટ દર્શાવ્યો છે. બાળ કુષ્ણના યશોદા સિવાયના લોકો સાથેના સંબંધોથી પીડા અનુભવતી માતાના આઠ કડવા છે. આ વાંચન પરબમાં નલિનભાઇ વસા(ચેરમેન), ટપુભાઇ લીંબાસીયા(ઇન્ચાર્જ વાઇસ ચેરમેન), ડાયાભાઇ ડેલાવાળા(પૂર્વ વાઇસ ચેરમેન-ડિરેકટર), અર્જુનભાઇ શિંગાળા(ડિરેકટર), હરિભાઇ ડોડીયા(ડિરેકટર), ઘનશ્યામભાઇ ઢોલરીયા(ડિરેકટર), કાર્તિકેયભાઇ પારેખ(ડિરેકટર), કિર્તીદાબેન જાદવ(ડિરેકટર), વિનોદ શર્મા(સીઇઓ), વિવિધ શાખા વિકાસ સમિતિનાં કન્વીનર, સહ-કન્વીનર, સદસ્યો, ડેલીગેટ, આમંત્રિતો અને નાગરિક પરિવાજનો ઉપસ્થિત રહ્યો હતા. આ પ્રસંગ્રે ઘનશ્યામભાઇ ઢોલરીયા અને કિર્તીદાબેન જાદવે ડો. બળવંતભાઇ જાનીનું પુસ્તક-ખાદીનો રૂમાલ ભેટ આપી સન્માન કર્યુ હતું. કાર્યક્રમનું સરળ-સફળ અને મનનીય સંચાલન કવયિત્રી-સીએ. સ્નેહલ તન્નાએ કયુંર્ હતું.(૨૨.૧૨)

(3:39 pm IST)
  • રાજકોટ -ભાવનગર હાઇવે પર મોલિયા મહીંકા ગામના પાટિયા પાસે ખેડુતોનો વિરોધ: SPG ગ્રુપ અને ખેડૂતો દ્વારા હાઇવે પર ચક્કાજામ કરી શાકભાજી ફેંક્યા:છેલ્લા ઘણા સમયથી ખેડૂતોને શાકભાજી ના યોગ્ય ભાવ ન મળતા સરકાર સામે વિરોધ કરાયો :ખેડૂતોએ ગ્રામ્ય વિસ્તારમાં રોડમાં પડેલ ખાડા શાકભાજીથી પૂર્યા access_time 10:13 pm IST

  • મહીસાગર:લુણાવાડાના લીંબોદ્રા ગામ પાસે મહીસાગર નદીમાં બે યુવકો ડુબ્યા:મહીસાગર નદી પાસે ઉભા રહી સેલ્ફી લેતી વખતે નદીમાં ડુબ્યા:1 યુવકને સ્થાનિક તરવ્યાની મદદથી જીવિત બહાર કાઢવામાં આવ્યો:1 યુવકની શોધખોળ ચાલુ. access_time 10:17 pm IST

  • સુરતના કામરેજ તાલુકાના કઠોરમાં જાહેરમાં તલવારો ઉછાળી: મેપલ વિલા પાસે બે પક્ષો જમીનના પ્લોટના વિવાદને કારણે આમને સામને :જાહેર રસ્તા પર એકબીજા સાથે દાદાગીરી : તલવારો ઉછળતા સ્થાનીકોમાં ફફડાટનો માહોલ ફેલાયો access_time 9:16 pm IST