Gujarati News

Gujarati News

News of Thursday, 22nd August 2019

નવા રીંગ રોડ ઉપર પાણી ભરાયા : રીપેરીંગ કામ કરાવાયુ

રાજકોટ : શહેરી વિકાસ સત્તામંડળ દ્વારા જામનગર રોડ (ઘંટેશ્વર)થી ગોંડલ રોડ (નેશનલ હાઈવે)ને જોડતા રીંગ રોડ-૨માં તાજેતરમાં પડેલ ભારે વરસાદને કારણે જામનગર રોડથી કાલાવડ રોડ જતા મુંજકા ગામ પાસે સતોધન પાર્ટી પ્લોટની બાજુમાં ભુગર્ભ ગટરના રોડ ક્રોસીંગની જગ્યાએ રોડને નુકશાન થયેલ તથા મોટામવા ગામ પાસે કરણ અર્જુન પાર્ટી પ્લોટની બાજુમાં અંદાજે ૧૫ મિટરમાં સ્પીડ બ્રેકર પાસે વરસાદી પાણીના ભરાવવાના કારણે ડામરની ઉપરની સરફેસ ધોવાઈ ગયેલ તથા પોટ હોલ્સ પડેલ. આ સમગ્ર કામગીરી કોન્ટ્રાકટર દ્વારા તેમના ગેરેન્ટી પીરીયડમાં હોય તેમાં ખર્ચે કરાવવાની નોટીસ સત્તામંડળ દ્વારા ઈસ્યુ કરવામાં આવેલ. જે અનુસંધાને એજન્સી દ્વારા તાત્કાલીક અસરથી તેનું રીપેરીંગ કામ તેમના સ્વખર્ચે કરી આપેલ હોવાનું યાદીમાં જણાવાયુ છે.

(3:45 pm IST)
  • લોકસભા ચૂંટણી સમયે કેરળમાં રાહુલ ગાંધી સામે પરાજીત થયેલા NDA ના ઉમેદવાર તુષાર વેલાપલ્લીની ધરપકડ : UAE ની પાર્ટીને આપેલો 10 મિલિયન દિરહામ ( અંદાજે 19 કરોડ રૂપિયા) નો ચેક બાઉન્સ : 10 વર્ષ પહેલાનો તારીખ નાખ્યા વિનાનો ચેક હોવાનો તુષારના વકીલનો બચાવ access_time 1:06 pm IST

  • ઇમરાનખાન પાકિસ્તાનની જાસૂસી સંસ્થા આઇ એસ આઇ ની કઠપૂતળી અને પાળેલો પોપટ છે : જમ્મુ કાશ્મીરમાંથી 370 મી કલમ હટાવી લેવાના ભારત સરકારના નિર્ણય વિરુધ્ધ બળાપા કાઢતા ઇમરાનખાનને આડે હાથ લેતા ભાજપ સાંસદ સુબ્રમણિયમ સ્વામી : હવે પાકિસ્તાને પચાવી પાડેલું કાશ્મીર પરત લેવાનો એકમાત્ર મુદ્દો બાકી access_time 11:52 am IST

  • ISROએ શેર કરી, ચંદ્રયાંન-2 દ્વારા લેવાયેલ ચંદ્રમાની પ્રથમ તસ્વીર : આ તસવીર 'વિક્રમ લેન્ડર' દ્વારા ચંદ્રની ધરાથી 2,650 કિ. મી. દૂરથી લેવાયેલ છે. access_time 12:26 am IST