Gujarati News

Gujarati News

News of Saturday, 22nd June 2019

'ડોર ટુ ડોર' ગાર્બેજ કલેકશનમાં કચરો નહી લઇ જનાર કોન્ટ્રાકટરોને તીસરી આંખે ઝડપ્યાઃ ૭ લાખનો દંડ

આઇ.વે પ્રોજેકટ-જી.પી.એસ ટ્રેકીંગ સીસ્ટમને કારણે ટીપરવાન કોન્ટ્રાકટરોની બેદરકારી ઝડપાઇઃ મ્યુ.કમિશ્નર બંછાનિધી દ્વારા કડક પગલા

રાજકોટ,તા.૨૨:  મહાનગરપાલિકા દ્વારા સ્થાપિત રાજકોટ આઈ-વે પ્રોજેકટ અને તેનો કમાન્ડ એન્ડ કન્ટ્રોલ સેન્ટર શહેર પોલીસ ડીપાર્ટમેન્ટ ઉપરાંત મહાનગરપાલિકાનાં વહીવટી તંત્રની વિવિધ કામગીરીમાં ખુબ જ ઉપયોગી થઇ રહયું છે અને તેના સારા પરિણામો પણ પ્રાપ્ત થઇ રહયા છે. આધુનિક ટેકનોલોજી આધારિત આ સમગ્ર સિસ્ટમનાં સહારે રાજકોટ મહાનગરપાલિકાનાં સોલિડ વેસ્ટ મેનેજમેન્ટ વિભાગની કામગીરી વધુ અસરકારક બનાવી શકી છે. સોલિડ વેસ્ટ મેનેજમેન્ટ વિભાગ દ્વારા શહેરના તમામ ૧૮ વોર્ડમાં કુલ ૩૨૫ ટીપર વાન દ્વારા ડોર ટુ ડોર ગાર્બેજ કલેકશન કરવામાં આવી રહયું છે. કોન્ટ્રકટ આધારિત થતી આ કામગીરીમાં જો ટીપર વાન ચાલક દ્વારા કયાંય બેદરકારી દાખવવામાં આવે તો તે બાબત જી.પી.એસ. આધારિત પ્રણાલીમાં આપોઆપ ઝડપાઈ જાય છે અને તેના રિપોર્ટના આધાર પર કોન્ટ્રકટને પેનલ્ટી કરવામાં આવે છે. જેમાં જાન્યુઆરી-૨૦૧૯ થી મે-૨૦૧૯નાં સમયગાળા દરમ્યાન બંને કોન્ટ્રાકટરોને કુલ મળીને રૂ.૭,૪૨,૬૧૮/-ની પેનલ્ટી કરવામાં આવી છે, તેમ મ્યુનિ. કમિશનર બંછાનિધિ પાનીએ જણાવ્યું હતું.

     આ અંગે મ્યુનિ. કમિશનર બંછાનિધિ પાનીએ વધુ માહિતી આપતા એમ કહ્યું હતું કે, ટીપર વાન માટે જે તે વોર્ડમાં નક્કી કરવામાં આવેલા રૂટ પર મહાનગરપાલિકાએ ૩૦ થી ૪૦ લોકેશન સુનિશ્યિત કરલા છે અને તે જી.પી.એસ.થી રાજકોટ આઈ-વે પ્રોજેકટઅને તેનો કમાન્ડ એન્ડ કન્ટ્રોલ સેન્ટર સાથે જોડાયેલ છે. દરેક ટીપર વાન જી.પી.એસ.થી કનેકટેડ હોઈ જો આ ટીપર વાન નિર્ધારિત રૂટ પરના નક્કી કરાયેલા પોઈન્ટ પરથી પસાર નાં થાય તો આપોઆપ જ તેની નોંધ લેવાઈ જાય છે. આ અદ્યતન સિસ્ટમ વડે ટીપર વાનની કામગીરી પર સતત નજર રાખવામાં આવી રહી છે. કમાન્ડ એન્ડ કન્ટ્રોલ સેન્ટરમાં રોજ સાંજે જનરેટ થતા રીપોર્ટમાં પોઈન્ટસ મિસિંગની માહિતી દર્શાવવામાં આવે છે, અને તેના આધારે કોન્ટ્રાકટરને પેનલ્ટી કરવામાં આવે છે. વેસ્ટ ઝોનમાં રૂ. ૩,૭૦,૪૯૦/-, સેન્ટ્રલ ઝોનમાં રૂ. ૩,૬૩,૩૦૮/- અને ઈસ્ટ ઝોનમાં રૂ. ૮,૮૨૦/-ની પેનલ્ટી જે તે કોન્ટ્રાકટરને કરવામાં આવેલ છે. દરેક ટીપર વાનનાં રૂટ નક્કી કરવામાં આવેલા છે અને આ રૂટમાં વોર્ડનાં કુલ એરિયા અને આવશ્યકતા મુજબ ટીપર વાનનાં રૂટ માટે ૩૦ થી ૪૦ પોઈન્ટ સુનિશ્યિત કરાયેલા છે. જો ટીપર વાન ચાલક આ રૂટ પરનો એક પણ પોઈન્ટ ચુકી જાય તો તુર્ત જ તેની એ પોઈન્ટ પરની ગેરહાજરી દરરોજ સાંજે જનરેટ થતા રીપોર્ટમાં તેની ઉલ્લેખ થાય છે અને ત્યારબાદ સોલિડ વેસ્ટ મેનેજમેન્ટ વિભાગ દ્વારા કોન્ટ્રાકટરને પેનલ્ટી કરવામાં આવે છે.

સેન્ટ્રલ ઝોનમાં કોન્ટ્રકટર શ્રે ડી.જી.નાકરાણી ડોર ટુ ડોર ગાર્બેજ કલેકશનનો કોન્ટ્રાકટ ધરાવે છે અને તેમને જાન્યુઆરી-૨૦૧૯ થી મે-૨૦૧૯નાં સમયગાળા દરમ્યાન કામ્મ્માં બેદરકારી બદલ રૂ. ૩,૬૩,૩૦૮/-ની પેનલ્ટી કરવામાં આવી છે. જયારે ઈસ્ટ ઝોન અને વેસ્ટ ઝોનનો કોન્ટ્રાકટ મુંબઈની કંપની શ્રી વેસ્ટર્ન ઈમેજીનરી ટ્રાન્સકોન પ્રા. લિ.ને બંને ઝોનમાં અનુક્રમે રૂ. ૮,૮૨૦/ અને રૂ. ૩,૭૦,૪૯૦/- મળીને કુલ રૂ. ૩,૭૯,૩૧૦/- ની પેનલ્ટી લાદવામાં આવેલ છે.

(3:45 pm IST)
  • જમ્મુ - કાશ્મીરમાં આતંકીઓ સાથે સતત અથડામણ ચાલુ : બારામુલામાં વધુ ૧ આતંકી ઠાર access_time 11:35 am IST

  • રાજકોટમાં હોટલ - હોસ્પિટલ - સોસાયટી - સ્કુલના સ્વચ્છતા રેન્કીગ માટે રર ટીમો દ્વારા સર્વે શરૂ :ગઇકાલે હોટેલોનો સર્વે પુર્ણ : આજે હોસ્પિટલનો સર્વે હાથ ધરાયો : આવતીકાલે સ્કૂલોમાં સ્વચ્છતાનો સર્વે થશેઃ સોમવારે સોસાયટીઓમાં સ્વચ્છતા અંગે ચકાસણી થશે : ર૭ અથવા ર૮મીએ રિઝલ્ટ જાહેર થશે : વિજેતાઓને મુખ્યમંત્રીના હસ્તે સર્ટીફીકેટ અપાશે : મ્યુ. કમિશ્નર બંછાનીધી પાનીની જાહેરાત access_time 4:10 pm IST

  • ગૃહમંત્રી અમિતભાઇ શાહ આવશે ગુજરાત : ગૃહમંત્રી અમિતભાઇ શાહ અમદાવાદ અને મહેસાણાની ૩ અને ૪ જુલાઇએ બે સરકારી કાર્યક્રમોમાં હાજરી આપશેઃ જગન્નાથ મંદિરમાં મંગળા આરતીમાં ભાગ લેશે access_time 3:29 pm IST