Gujarati News

Gujarati News

News of Tuesday, 22nd May 2018

સાધુ વાસવાણી રોડ વિશ્વકર્મા સોસાયટીમાં શ્રીમદ્દ ભાગવત સપ્તાહ

સાધુ વાસવાણી રોડ ગંગોત્રી ડેરી સામે ગરબી ચોક વિશ્વકર્મા સોસાયટી-૨/૫ના ખુણે આ સોસાયટીના રહેવાસીઓ દ્વારા સર્વના કલ્યાણ તથા પિતૃઋણ મુકિત અર્થે શ્રીમદ્દ ભાગવત સપ્તાહ જ્ઞાનયજ્ઞનું આયોજન કરાયું છે. આ કથામાં શાસ્ત્રી શ્રી વિજયભાઇ જોષી વ્યાસાસને બિરાજી સંગીતમય શૈલીમાં કથાનું રસપાન કરાવી રહ્યા છે. રવિવારે પોથી પધરાવવા સાથે કથાનો પ્રારંભ થયો હતો. સવારે ૯:૩૦ થી ૧૨ અને સાંજે ૪ થી ૬:૩૦ સુધી કથા શ્રવણનો સમય રખાયો છે. ૨૭મીએ પૂર્ણાહુતિ થશે. જેમાં નૃસિંહ ભગવાન જન્મોત્સવ, વામન ભગવાન જન્મ, શ્રીરામ જન્મ, શ્રીકૃષ્ણ જન્મ તથા નંદ મહોત્સવ, શ્રી રૂક્ષમણી વિવાહ, શ્રી સુદામા ચરીત્ર, સહિતના જ્ઞાનયજ્ઞોનો લાભ ભાવીકો લઇ શકશે.

(4:26 pm IST)
  • ભારતના ''આધાર''નો વિશ્વમાં જયજયકાર? : અમેરિકા સતાધિશો પણ હવે ભારતના ''આધાર'' ની તરાહ ઉપર સોશ્યલ સીકયુરીટી નંબરની જગ્યાએ બાયોમેટ્રીક આઇ-ડી લાવી રહેલ હોવાનું ટ્વીટર ઉપર જાહેર થયું છે. access_time 3:51 pm IST

  • બુખારીએ દિલ્હી હાઇકોર્ટને કહ્યું મુગલ બાદશાહ શાહજહાંએ આપી હતી ઈમામની પદવી :જમા મસ્જિદના શાહી ઇમામ મૌલાના સૈયદ અહમદ બુખારીએ મસ્જિદમાં પોતાના પુત્રને ઉત્તરાધિકારી બનાવવાના નિર્ણયનો બચાવ કરતા કહ્યું કે આ પદવી પહેલા ઇમામને મુગલ બાદશાહ શાહજહાંએ આપી હતી અને વર્ષોથી તેમના પરિવારને જ ઇમામ બનાવાય છે જે હજુ સુધી કાનૂની વિવાદમાં નથી access_time 1:39 am IST

  • નિપાહ વાઇરસને લઇને ગુજરાત સરકાર એલર્ટ : સરકાર દ્વારા હેલ્પલાઇન નંબર જાહેર કરાયોઃ તબીબો સહિત જીલ્લા કલેકટરને અપાઇ સુચનાઃ ગુજરાતમાં રોગને ન પ્રવેશવા દેવા હાથ ધરાઇ કવાયત access_time 3:11 pm IST