Gujarati News

Gujarati News

News of Thursday, 22nd April 2021

કોવિડ માટે વધુ એક સ્મશાનની વ્યવસ્થા

માનવ સેવા ચેરી. ટ્રસ્ટ દ્વારા શરૂ કરાયેલ સ્મશાનની મુલાકાત લેતા મેયર પ્રદિપ ડવ

તાકિદે ૧પ ખાટલા કાર્યરત :.. લોધીકા તાલુકાના વાગુદડ ગામ નજીક ન્યારી ડેમ પાસે ૧પ ખાટલાનું સ્મશાન કાર્યરત કરવામાં આવ્યું છે. મ્યુનીસીપલ કોર્પોરેશન દ્વારા સંચાલીત સદભાવના  વૃધ્ધાશ્રમના સહયોગથી ચાલી રહેલ સ્મશાન ગૃહની મુલાકાતે મેયર પ્રદીપ ડવે લીધી હતી. અને મૃતકોના પરીવારને સાંત્વના પાઠવી હતી. તે  વખતની તસ્વીર (તસ્વીર : ભીખુપરી ગોસાઇ (ખિરસરા)

રાજકોટ :.. શહેરમાં કોરોનાના કેસોનો વ્યાપ વધી રહેલ છે ત્યારે કોરોના દર્દીઓના દુઃખદ અવસાન બાદ સદ્દગતની અંતિમ ક્રિયા માટે દ્યણો સમય લાગે છે તેમના પરિવારજનોને આ દુઃખદ ઘટનાને કારણે ખુબ જ મુશ્કેલી અનુભવે છે. અવસાન પામેલ દર્દીઓની અંતિમ ક્રિયા વહેલાસર થાય તે માટે જુદા જુદા સ્મશાનના હોદેદારશ્રીઓ સાથે મીટીંગો મેયર પ્રદિપ ડવે ચર્ચાઓ કરી હતી.   માનવ સેવા ચેરીટેબલ ટ્રસ્ટ દ્વારા ગઈકાલે ન્યારી ડેમ પાસે આવેલ વાગુદળ રોડ પર સ્મશાન શરૂ કરેલ છે. જેમાં ૧૫ ખાટલાની વ્યવસ્થા કરવામાં આવેલ છે અને આ સ્મશાનમાં કોવીડ બોડીની અંતિમ સંસ્કાર કરવામાં આવશે. કોવીડ બોડીના અંતિમ સંસ્કાર માટે જુદા જુદા સ્મશાનમાં ૫ ઈલેકટ્રીક, ૧ ગેસ તથા ૪૭ ખાટલા સાથે કુલ ૫૩ કોવીડ બોડીની અંતિમ ક્રિયા થઇ શકશે. તેમજ અન્ય સ્મશાનો મળી કુલ ૨૯ ડેડ બોડીની અંતિમ ક્રિયા કરી શકે તેવી વ્યવસ્થા કરવામાં આવેલ છે.

(4:05 pm IST)
  • રાફેલ ફાઇટર જેટનો 5મો જથ્થો નવા 4 ફાઇટર જેટ સાથે આજે સાંજે ફ્રાન્સથી ભારત આવી પહોંચ્યો : આ સાથે હવે ભારતીય વાયુ સેના પાસે 18 રાફેલ ફાઇટર જેટની તાકાત થઈ access_time 11:35 pm IST

  • રાજકોટમાં ૩ નવી હોસ્પિટલો શરૂ થવા આડે ઓકિસજનનું ગ્રહણઃ હમણાં શરૂ નહીં થાય : રાજકોટમાં કોરોનાના દર્દીઓ માટે ૩ ખાનગી હોસ્પિટલો શરૂ થવાની હતી પરંતુ ઓકિસજનની અછતના પરિણામે આ હોસ્પિટલો શરૂ થઇ શકી નથીઃ ઓકિસજનનો પૂરતો પુરવઠો ઉપલબ્ધ થયે આ હોસ્પિટલો શરૂ થશે તેવું જાણવા મળે છે access_time 4:02 pm IST

  • રાજયમાં કોરોનાની સારવાર માટે નવી ગાઈડલાઈન જાહેર : કેટલાક કલીનીકલ પ્રોટોકોલમાં ફેરફાર જાહેર કર્યા : ગુજરાત સરકારની એકસપર્ટ ડોકટરોની પેનલે આજે કોરોના માટેની સારવારમાં આઈવરમેકટીન અને ફેવીપીરાવીર મેડીસીનનો ઉમેરો જાહેર કર્યો છે : હવે કોરોના માટેની સારવારમાં ઉપરની બે દવાનો ઉપયોગ કરવા માટે ગુજરાત સરકારે નવી કલીનીકલ પ્રોટોકોલ મેનેજમેન્ટ જાહેર કર્યાનું ડો.શાહએ જાહેર કર્યુ છે : તેમણે બીનજરૂરી દવા નહિં લેવાનું પણ કહ્યુ છે, અન્ય રાજયોના પ્રોટોકોલની ગાઈડલાઈનનો અભ્યાસ કર્યા પછી તથા ટાસ્ક ફોર્સ અને તજજ્ઞો સાથે ચર્ચા કરી નવી ગાઇડલાઈન જાહેર થઈ છે access_time 6:09 pm IST