Gujarati News

Gujarati News

News of Thursday, 22nd April 2021

ખાનગી હોસ્પીટલોને મ.ન.પા. શબવાહીની નહી આપી શકે

ખાનગી કોવિડનાં મૃતકોનાં ડેડબોડી માટે જે તે હોસ્પીટલે જ શબવાહીનીની વ્યવસ્થા કરવા અનુરોધઃ સામાન્ય એટલે કે નોન કોવિડ ડેડબોડી માટે મૃતકનાં નિવાસસ્થાને મ.ન.પા. શબવાહીની ફાળવશેઃ નવી પાંચ શબવાહીની શરૂ કરવા તજવીજઃ સ્મશાન માટે ફાયર બ્રીગેડ કન્ટ્રોલ રૂમઃ કોરોનાં મહામારી વચ્ચે મોતનો મલાજો જળવાય તે માટે યુવા મેયર પ્રદીપ ડવ સતત પ્રયત્નશીલ

રાજકોટ તા. રર : કોરોનાં મહામારી વચ્ચે છેલ્લા કેટલાક દિવસથી મૃત્યુનુ પ્રમાણ વધ્યુ છે ત્યારે રાજકોટ શહેરમાં સ્મશાન અને શબવાહીનીની વ્યવસ્થા જળવાતી ન હોઇ મેયર પ્રદીપ ડવ મોતનો મલાજો જળવાય તે માટે સ્મશાન અને શબવાહીનીની વ્યવસ્થા માટે સતત પ્રયત્નશીલ છે.

મેયર પ્રદિપભાઇ ડવે જણાવેલ કે મ.ન.પા. પાસે માત્ર ૧૪ શબવાહીની છે તેમાંથી ૧ સીવીલ હોસ્પીટલને અપાઇ છે. આ ૧૯ શબવાહીનીઓમાં હાલનાં સંજોગોમાં વેઇટીંગ આવે છે. ત્યારે આ વ્યવસ્થામાં સુધારો જરૂરી હોઇ હવે પછીથી ખાનગી કોવીડ હોસ્પીટલનાં મૃતકોને જે તે ખાનગી હોસ્પીટલે જ શબવાહીનીની વ્યવસ્થા કરી દેવા અનુરોધ છે. જેથી મ.ન.પા. પર ભારણ ઓછુ થાય અને નોન કોવિડ એટલે કે સામાન્ય બિમારી સબબ મૃત્યુ પામનારા વ્યકિતઓનાં નિવાસસ્થાને વહેલી તકે શબવાહીની મોકલી શકાય મોતનો મલાજો જળવાઇ રહે.

આ ઉપરાંત મ.ન.પા. હવે વધુ પાંચ નવી શબવાહીનીઓ શરૂ કરવા તજવીજ શરૂ કરાઇ છે. જેથી શબવાહીનીનું વેઇટીંગ ઓછુ થઇ જશે.

આજ પ્રકારે રાજકોટ માટે ૧૮ સ્મશાનો કાર્યરત કરાયા છે. જેથી સ્મશાનમાં પણ અંતિમવિધી માટેનું વેઇટીંગ દુર થઇ રહ્યું છે.

એટલુ જ નહીં, કોવિડ અને નોન કોવિડ ડેડબોડી માટે ફાયર બ્રીગેડમાં અલગ થી સ્મશાનનો કન્ટ્રોલ રૂમ શરૂ કરાયો છે. આ કન્ટ્રોલ રૂમનાં નિર્દેશ મુજબનાં સ્મશાને જ અંતિમવિધી કરાવવા મેયરશ્રીએ અનુરોધ કર્યો હતો.

શહેરમાં ૭ કોવીડ બોડી માટે તથા ૧૧ સામાન્ય બોડી માટે સ્મશાન કાર્યરત

(4:05 pm IST)
  • ભારતમાં કોરોના કેસોમાં વધારાને ધ્યાનમાં રાખીને અમીરાત એરલાઇન્સ 25 એપ્રિલથી દુબઈ અને ભારત વચ્ચેની ફ્લાઇટ્સ 10 દિવસ માટે સ્થગિત કરશે access_time 7:57 pm IST

  • રાજયમાં કોરોનાની સારવાર માટે નવી ગાઈડલાઈન જાહેર : કેટલાક કલીનીકલ પ્રોટોકોલમાં ફેરફાર જાહેર કર્યા : ગુજરાત સરકારની એકસપર્ટ ડોકટરોની પેનલે આજે કોરોના માટેની સારવારમાં આઈવરમેકટીન અને ફેવીપીરાવીર મેડીસીનનો ઉમેરો જાહેર કર્યો છે : હવે કોરોના માટેની સારવારમાં ઉપરની બે દવાનો ઉપયોગ કરવા માટે ગુજરાત સરકારે નવી કલીનીકલ પ્રોટોકોલ મેનેજમેન્ટ જાહેર કર્યાનું ડો.શાહએ જાહેર કર્યુ છે : તેમણે બીનજરૂરી દવા નહિં લેવાનું પણ કહ્યુ છે, અન્ય રાજયોના પ્રોટોકોલની ગાઈડલાઈનનો અભ્યાસ કર્યા પછી તથા ટાસ્ક ફોર્સ અને તજજ્ઞો સાથે ચર્ચા કરી નવી ગાઇડલાઈન જાહેર થઈ છે access_time 6:09 pm IST

  • કોરોના રોગચાળાની બીજી લહેરની પકડમાં જીવલેણ વાયરસ ઘણા દેશોને પાયમાલ કરી રહ્યો છે. પરિણામેં વૈશ્વિક સ્તરે ચેપગ્રસ્ત લોકોની સંખ્યામાં વધારો થઈ રહ્યો છે. છેલ્લા 24 કલાકમાં વિશ્વમાં આઠ લાખથી વધુ નવા કોરોના ના કેસ મળી આવ્યા અને 14 હજારથી વધુ પીડિતો દુઃખદ મૃત્યુ પામ્યા છે. અમેરિકાની જોહન્સ હોપકિન્સ યુનિવર્સિટીના ડેટા અનુસાર બુધવારે સવારે કોરોના પીડિતોનો વૈશ્વિક આંકડો વધીને 14 કરોડ 26 લાખથી વધુ થઈ ગયો છે. access_time 1:37 am IST