Gujarati News

Gujarati News

News of Thursday, 22nd April 2021

મારૂતિનગરમાં ક્રિકેટ મેચ પર સટ્ટો રમાડતો વેપારી ભુપેન્દ્ર દુધેરા પકડાયો

રાજકોટ તા. રર : એરપોર્ટ ફાટક પાસે મારૂતિનગરમાં મકાનમાં ક્રાઇમ બ્રાંચે બાતમીના આધારે દરોડો પાડી ક્રિકેટ મેચ પર સટ્ટો રમાડતા કરિયાણાના વેપારીને પકડી લીધો હતો. મળતી વિગત મુજબ મારૂતિનગર શેરી નં.૧માં એક શખ્સ ક્રિકેટ મેચ પર સટ્ટો રમાડતો હોવાની ક્રાઇમ બ્રાંચના એ.એસ.આઇ. રાજદીપસિંહ ગોહીલ અને કોન્સ સ્નેહભાઇને બાતમી મળતા પી.આઇ.વી.કે.ગઢવીના માર્ગદર્શન હેઠળ પી.એસ.આઇ. વી.જે.જાડેજા, એ.એસ.આઇ. જયેશભાઇ, રાજદીપસિંહ, હિતેન્દ્રસિંહ, મહેન્દ્રસિંહ, ભરતસિંહ અને સ્નેહભાઇ સહિતે મારૂતિનગર શેરી નં. ૧માં આવેલા મકાનમાં દરોડો પાડી ક્રિકેટ મેચ પર સટ્ટો રમાડતા ભુપેન્દ્ર પ્રવિણચંદ્રભાઇ દુધેરા (ઉ.૪ર) ને પકડી લઇ રૂ.ર૦૧૦૦ ની રોકડ તથા બે મોબાઇલ સહિત રૂ.૩૦૧૦૦ ની મત્તા કબ્જે કરી હતી ભુપેન્દ્ર હંસરાજનગરમાં કરિયાણાની દુકાન ચલાવે છે તે અગાઉ જુગારના કેસમાં ગાંધીગ્રામ પોલીસ મથકમાં પકડાયો હતો.

(3:22 pm IST)
  • કોરોના રોગચાળાની બીજી લહેરની પકડમાં જીવલેણ વાયરસ ઘણા દેશોને પાયમાલ કરી રહ્યો છે. પરિણામેં વૈશ્વિક સ્તરે ચેપગ્રસ્ત લોકોની સંખ્યામાં વધારો થઈ રહ્યો છે. છેલ્લા 24 કલાકમાં વિશ્વમાં આઠ લાખથી વધુ નવા કોરોના ના કેસ મળી આવ્યા અને 14 હજારથી વધુ પીડિતો દુઃખદ મૃત્યુ પામ્યા છે. અમેરિકાની જોહન્સ હોપકિન્સ યુનિવર્સિટીના ડેટા અનુસાર બુધવારે સવારે કોરોના પીડિતોનો વૈશ્વિક આંકડો વધીને 14 કરોડ 26 લાખથી વધુ થઈ ગયો છે. access_time 1:37 am IST

  • આંદામાન ટાપુઓ ઉપર ભૂકંપ : આંદામાન ટાપુઓ ઉપર ૪ પોઈન્ટ ૩ની તીવ્રતાનો ભૂકંપનો આંચકો આવ્યો છે access_time 11:32 am IST

  • સુપ્રીમના ૪ જજને કોરોના વળગ્યો : સુપ્રીમકોર્ટના ૪ ન્યાયાધીશોને કોરોના પોઝિટિવ આવતા ભારે ચિંતાની લાગણી access_time 11:31 am IST