Gujarati News

Gujarati News

News of Thursday, 22nd April 2021

બે દિવસમાં ૧૦ કોરોના દર્દીઓને પ્લાઝમાની વ્યવસ્થા કરી આપતી રાજકોટ શહેર પોલીસ

પ્લાઝમા ડોનેટ કરનારા પીએસઆઇ, એએસઆઇ અને ડ્રાઇવરનું પોલીસ કમિશનર મનોજ અગ્રવાલે પ્રશંસાપત્રથી સન્માન કર્યુઃ લોકોને કોરોના વેકસીન મુકાવી લેવા અનુરોધ : શહેર પોલીસના ૩૧૦ અધિકારીઓ, કર્મચારીઓ અત્યાર સુધીમાં સંક્રમિત થયા છેઃ તેમાંથી બેનું અવસાન થયું છેઃ બધાએ વેકસીન મુકાવી લીધી હોઇ સંક્રમિત થવા છતાં ઝડપથી સાજા થઇ ફરજ પર આવે છે : પ્લાઝમાની જરૂર હોય તો પોલીસના મોબાઇલ ફોન નં. ૮૯૮૦૦ ૪૧૪૧૧ ઉપર સંપર્ક કરવો

રાજકોટ તા. ૨૨: શહેરમાં કોરોના વાયરસે વિકરાળ સ્વરૂપ ધારણ કર્યુ છે અને રોજબરોજ ટપોટપ મૃત્યુ થવા સાથે પોઝિટિવ કેસ પણ વધી રહ્યા છે ત્યારે શહેર પોલીસ લોકોને સંક્રમણથી બચાવવા અને જાગૃતી લાવવા સતત મહેનત કરી રહી છે. સરકારની માર્ગદર્શિકાનું કડક પાલન કરાવતી પોલીસ માનવતાનું કામ પણ કરી રહી છે. કોરોના પોઝિટિવ દર્દીઓને પ્લાઝમાની જરૂરીયાત ઉભી થતી હોઇ શહેર પોલીસ પ્લાઝમા દાન કરી માનવતાનો ધર્મ પણ નિભાવી રહી છે. પોલીસ કમિશનરશ્રી મનોજ અગ્રવાલના જણાવ્યા મુજબ બે દિવસમાં જ શેહર પોલીસે ૯ દર્દીઓને પ્લાઝમાની વ્યવસ્થા કરી આપી છે.

શહેરના કોઇપણ લોકોને પ્લાઝમાની જરૂર હોય તો પોલીસના મોબાઇલ ફોન નં. ૮૯૮૦૦ ૪૧૪૧૧ ઉપર સંપર્ક કરવા જણાવાયું હતું. તે અંતર્ગત બે દિવસમાં ૯ દર્દીઓના સગાએ સંપર્ક કરતાં પોલીસે પ્લાઝમા ડોનેટ કર્યુ છે. જેમાં યુનિવર્સિટી પોલીસ મથકના પીએસઆઇ વી. એમ. ડોડીયા, એ-ડિવીઝનના એએસઆઇ ડી. બી. ખેર, શહેર એમ.ટી. વિભાગના આઉટ સોર્સના ડ્રાઇવર રાજેશભાઇ જી. ગોરડે પ્લાઝમા ડોનેટ કર્યુ છે.

આ ઉપરાંત છ દર્દીઓને રાજકોટ સિવિલ હોસ્પિટલ ખાતેથી પ્લાઝમાની વ્યવસ્થા કરી આપવામં આવી છે. જે કોરોના પોઝિટિવ વ્યકિત કોરોનાને હરાવી નેગેટિવ થયા હોઇ તેઓ ૨૮ દિવસ પછી પોતાના પ્લાઝમાનું દાન કરી નવા સંક્રમિત લોકોને પ્લાઝમા ડોનેટ કરી શકે છે. શહેર પોીસના પીએસઆઇ, એએસઆઇ અને ડ્રાઇવરનું પોલીસ કમિશનરશ્રી અગ્રવાલે પ્રશંસાપત્ર આપી સન્માન કર્યુ છે.

શહેર પોલીસના કુલ ૩૧૦ અધિકારીઓ, કર્મચારીઓ અત્યાર સુધીમાં કોરોનાથી સંક્રમિત થઇ ચુકયા છે. જેમાં બે પોલીસ કર્મચારીના અવસાન પણ થયા છે. શહેર પોલીસના તમામ કર્મચારીઓએ કોરોનાની રસી લઇ લીધી છે. આ રસીને કારણે તેઓ સુરક્ષીત છે અને સંક્રમિત થયા પછી પણ ઝડપથી સાજા થઇ ફરી ફરજ પર આવ્યા છે. જાહેર જનતાને કોરોનાની રસી લઇ લેવા પણ શ્રી અગ્રવાલે અનુરોધ કર્યો છે.

(4:07 pm IST)
  • કલેકટરની અપીલ : હળવા લક્ષણ ધરાવતા લોકો રેમડેસીવીર ઈન્જેકશનનો આગ્રહ ન રાખે : રાજકોટના ડોકટરો પણ ખોટુ દબાણ ન લઈ આવે : એન્ટીજન ટેસ્ટ પોઝીટીવ આવ્યો હોય એટલે ગભરાવવાની જરૂર નથી : ખોટી રીતે ઈન્જેકશન ન મેળવે : ડોકટરો પણ લોકોના દબાણથી થાકીને ઈન્જેકશન લખી આપે છે : રાજકોટમાં ફેબી ફલુ ટેબ્લેટનો પૂરતો સ્ટોક છે : સિવિલમાં ઓકિસજન જરૂરીયાતવાળા ૨૫૦ જેટલા ગંભીર દર્દીઓ છે : પગાર વધારા થયા બાદ ડોકટરો અને સ્ટાફ વધવા માંડ્યો છે : ૨ થી ૩ દિવસમાં ઈન્ડિયન મેડીકલ એસોસીએશન દ્વારા ટેલી મેડીશ્યન અને ટેલી મેન્ટરી સેવા પણ ચાલુ થઈ જશે : રાજકોટમાં ઓકિસજનની અછત છે પણ અમે મગાવી રહ્યા છીએ : કેન્સર કોવિડ હોસ્પિટલમાં ૨૦ બેડ વેન્ટીલેટર વાળા ચાલુ થઈ ગયા છે : સિવિલ બેડ કૌભાંડમાં પોલીસ તપાસ કરી રહી છે : જે કોઈ જવાબદાર હશે એને અમે નહિં મૂકીએ : કલેકટર રેમ્યા મોહનની પત્રકારો સાથેની વાતચીતમાં જાહેરાત access_time 12:42 pm IST

  • દેશમાં ઓક્સિજનની અછત વચ્ચે યુ.પી. માં શ્રી રામ જન્મભૂમિ ટ્રસ્ટ, અયોધ્યાના દશરથ મેડિકલ કોલેજમાં 'સ્ટેટ-ઓફ-આર્ટ' ઓક્સિજન પ્લાન્ટ બનાવવા માટે આગળ આવ્યું હોવાનું જાણવા મળે છે. access_time 7:56 pm IST

  • આજે રાજકોટ શહેર - જિલ્લામાં કોરોનાએ ફરી જોર પકડ્યું : આજે સાંજ સુધીમાં રાજકોટ શહેરમાં 697 અને ગ્રામ્યના 65 કેસ સાથે કુલ 762 નવા કોરોના ના કેસ નોંધાયા access_time 7:30 pm IST