Gujarati News

Gujarati News

News of Thursday, 22nd April 2021

બાન લેબ પરિવાર દ્વારા સિવીલ હોસ્પિટલ ખાતે દર્દી અને તેમના સગાઓને હળદરવાળુ દુધ તથા ક્રકસ સ્પ્રેનું વિતરણ

લાઇનમાં ઉભેલી એમ્બ્યુલન્સમાં પણ વિતરણ

રાજકોટ તા. ૨૨ : કોરોનાના કહેર વચ્ચે લોકો હાલાકી ભોગવી રહ્યા છે. હોસ્પિટલો દર્દીઓથી ઉભરાવા લાગી છે. ત્યારે દર્દી અને તેમના સગાઓને એનર્જી મળી રહે તેવા શુભ આશયથી બાન લેબ દ્વારા રોગપ્રતિકારક શકિત વર્ધક હળદરવાળુ દુધ અને ક્રકસ સુરક્ષા સ્પ્રેનું વિતરણ કરવામાં આવી રહ્યુ છે. બાન લેબ્સવાળા શ્રી મૌલેશભાઇ ઉકાણી તથા સમાજ સેવીકા જયોતિબેન ટીલવાના માર્ગદર્શન હેઠળ શહેરની સીવીલ હોસ્પિટલમાં ચૌધરી હાઇસ્કુલ મેદાન બહાર આ વિતરણનો પ્રારંભ તા. ૨૧ ના રાત્રે ૧૦ વાગ્યાથી શરૂ કરાયો છે. ઉપરાંત દર્દીઓને લઇને લાઇનમાં ઉભી રહેતી એમ્બ્યુલન્સમાં પણ આ વિતરણ કરવામાં આવે છે. દર્દી અને તેમના પરિવારોને આવશ્યકતા હશે ત્યાં સુધી આ વિતરણ ચાલુ રખાશે. તેમ મૌલેશભાઇ અને જયોતિબેનની સંયુકત યાદીમાં જણાવાયુ છે. વધુ માહીતી માટે મો.૬૩૫૩૦ ૮૧૧૦૮ ઉપર સંપર્ક કરવા જણાવાયુ છે.

(3:20 pm IST)
  • આજે રાજકોટ શહેર - જિલ્લામાં કોરોનાએ ફરી જોર પકડ્યું : આજે સાંજ સુધીમાં રાજકોટ શહેરમાં 697 અને ગ્રામ્યના 65 કેસ સાથે કુલ 762 નવા કોરોના ના કેસ નોંધાયા access_time 7:30 pm IST

  • આંદામાન ટાપુઓ ઉપર ભૂકંપ : આંદામાન ટાપુઓ ઉપર ૪ પોઈન્ટ ૩ની તીવ્રતાનો ભૂકંપનો આંચકો આવ્યો છે access_time 11:32 am IST

  • દેશમાં કોરોનાએ હાહાકાર મચાવ્યો : તમામ રેકોર્ડ તોડ્યા : રાત્રે 12 વાગ્યા સુધીમાં કોરોનાના નવા સર્વાધિક 3.15.552 કેસ નોંધાયા : કુલ કેસની સંખ્યા 1.59.24.806 થઇ : એક્ટિવ કેસ 22.84.248 થયા : વધુ 1.79.407 દર્દીઓ સ્વસ્થ થતા કુલ 1,34,49,406 સ્વસ્થ થયા : વધુ 2101 લોકોના મોત સાથે કુલ મૃત્યુઆંક 1,84,672 થયો : દેશમાં સૌથી વધુ મહારાષ્ટ્રમાં નવા 67,468 નવા કેસ નોંધાયા access_time 1:39 am IST