Gujarati News

Gujarati News

News of Thursday, 22nd April 2021

મોચી બજારમાં દૂકાન આડેથી રિક્ષા થોડી દૂર રાખવાનું કહેતાં ફૂટવેરના વેપારીની ધોલધપાટ

હનીફભાઇ દોસાણીને રિક્ષામાં પડ્યા રહેતાં શખ્સોએ માર માર્યો

રાજકોટ તા. ૨૨: મોચી બજારમાં રહેતાં અને ઘર નજીક જ ફતેહ ફૂટવેર નામે બૂટ ચપ્પલની દૂકાન ચલાવતાં વેપારી હનીફભાઇ કાદરભાઇ દોસાણી (ઉ.વ.૪૦) પોતાની દૂકાને હતાં ત્યારે રિક્ષાવાળા શખ્સોએ ઘુસ્તા પાટા અને પાઇપથી માર મારતાં સારવાર માટે સિવિલ હોસ્પિટલમાં દાખલ થતાં હોસ્પિટલ ચોકીના સ્ટાફે એ-ડિવીઝનમાં જાણ કરી હતી.

હનીફભાઇના કહેવા મુજબ અમુક શખ્સો રિક્ષા લઇને સતત મારી દૂકાન સામે ઉભી રાખીને અંદર બેસી રહે છે. ગાળાગાળી કરતાં રહે છે. ગ્રાહકો આવે તો તેને આ રિક્ષા નડતરરૂપ બને છે. તેમને અવાર-નવાર રિક્ષા થોડે દૂર રાખવાની વિનંતી કરી હતી. ગઇકાલે પણ દૂકાન આડે રિક્ષા રાખી હોઇ દૂર લેવાનું કહેતાં ઉશ્કેરાઇ જઇ હુમલો કર્યો હતો. પોલીસે આ અંગે તપાસ શરૂ કરી છે.

(12:49 pm IST)
  • કોરોના રોગચાળાની બીજી લહેરની પકડમાં જીવલેણ વાયરસ ઘણા દેશોને પાયમાલ કરી રહ્યો છે. પરિણામેં વૈશ્વિક સ્તરે ચેપગ્રસ્ત લોકોની સંખ્યામાં વધારો થઈ રહ્યો છે. છેલ્લા 24 કલાકમાં વિશ્વમાં આઠ લાખથી વધુ નવા કોરોના ના કેસ મળી આવ્યા અને 14 હજારથી વધુ પીડિતો દુઃખદ મૃત્યુ પામ્યા છે. અમેરિકાની જોહન્સ હોપકિન્સ યુનિવર્સિટીના ડેટા અનુસાર બુધવારે સવારે કોરોના પીડિતોનો વૈશ્વિક આંકડો વધીને 14 કરોડ 26 લાખથી વધુ થઈ ગયો છે. access_time 1:37 am IST

  • આંદામાન ટાપુઓ ઉપર ભૂકંપ : આંદામાન ટાપુઓ ઉપર ૪ પોઈન્ટ ૩ની તીવ્રતાનો ભૂકંપનો આંચકો આવ્યો છે access_time 11:32 am IST

  • રાફેલ ફાઇટર જેટનો 5મો જથ્થો નવા 4 ફાઇટર જેટ સાથે આજે સાંજે ફ્રાન્સથી ભારત આવી પહોંચ્યો : આ સાથે હવે ભારતીય વાયુ સેના પાસે 18 રાફેલ ફાઇટર જેટની તાકાત થઈ access_time 11:35 pm IST